測試1

2020年10月17日星期六

城市步行︱鯉魚門的絕美日落【發掘香港2】

係香港行山路線就聽得多,城市步行路線就真係少wor!

咁梗係啦,香港個城市有咩睇? 咪樓呀樓呀同樓呀law

而且,略為有野睇有野玩既地方,有邊處唔係一放假就一村人ga?

唔一定ge~

今次小弟就輕行左呢由觀塘至鯉門的城市步行路線,慢行睇埋日落至入黑全程只係兩個鐘,人少清靜之餘仲有維港日落美景!

岩哂我呢d放假訓晏左行唔到山,又想臨時出發郁兩下既懶鬼啦~

 

鯉魚門日落


 

行程重點 :

  • 茶果嶺拍攝
  • 三家村碼頭
  • 鯉魚門海灘日落
  • 馬環村防波堤 

 

我既起點由觀塘地鐵站開,由D出口向藍田方向前進~

過左工業區見到頭頂好高既觀塘繞道就可右轉,行人路直行就會見到麗港公

其實如果唔係住呢邊,真係唔會嚟過呢個公園law

而呢個公園亦保留左一貫make in HK公園既特色,就係無咩特色

行過就算了~

 

2020年10月6日星期二

【日本美食2】大阪隱世超平炸串

大阪既炸串店,只係難波通天閣一帶閒閒地都一百幾廿間,就算刨tabelog,睇到眼矇都唔知去邊間

去出名既店 -------- 一係超多人排到下年都未食到,一係3yen一串貴到講xxx

就住食? 喂炸串就係要二三十串瘋狂咁咬再倒啤酒落肚先爽ga!!!

為同時滿足大家既食慾及荷包 ------

今次我特別介紹一間位通天閣的隱世炸串小店,每一串都只係80yen ja!!

咩料呀咖哩魚蛋都無咁平呀!

平得嚟質素超高!

而家已成為我每次去大阪既必到食肆!

 



間炸串店名為「大眾酒場 カドヤ

位於通天閣及世界之大溫泉中間,非Donki行到腳軟或新今宮玩到腳軟既大家~

 



 

店內一眼睇哂,連bar枱只有約20個座

木枱木框玻璃窗,周圍貼滿不同食品價揮春(what!?),天花角15寸電機放映著綜,一幅非常標準的本土平民居酒屋畫面~

當然啦,幫襯既都以本地居民為主~

 



  

講咁多廢話~ d入題講野食啦!!!!

嗱無呃你呀!! 真係不論炸串定燒串,每一串都係80 yen = $5.6 ja!!!!!

當然係某d食物會貴少少啦,但真係個menu 9成都係80 yen,當中包括埋五花腩、雞肉、白身魚、蝦呢d中高價野wor!

就算係牛肉或其他料理都只係100120 yen,計落都唔使10蚊港紙,妳諗下旺角一串咬唔開既炸大腸幾錢先啦!

 



 

平就平啦,好唔好食先?

絕對唔差!!!!!!

我甚至可以話食唔出佢同街口轉角既名店串炸達摩有咩分別!

一樣係即叫即炸,外脆內嫩,炸皮薄而鬆化,內裡則非常juicy!

至於必食item……………..er…………….

佢一大盤上到嚟,我而家睇相都分唔清邊支打邊支……….

je……………….一群minion係妳面前妳都分唔到邊個係乜水啦…….

盡我人事啦!!!!!!!!!

 





  • 炸芝士,聽到個名都唔可能唔食啦,笑牛牌超市買除開都唔止6蚊啦,何況係日本芝士wor!

 



  • 白身魚,魚味香濃 ; 炸日式年榚,喜煙韌朋友既至愛

 





  •  五花腩油香豐富 ; 紫蘇葉雞胸亦係必食item!

 


 

  • 至於小食,燒生雞肉刺身係不錯的,但最正都係味噌牛筋雜煮!

呢款居酒屋必備item,係我係日本食過最香濃惹味的!

剩係佢都可以餸一杯啤酒!

我幾乎想叫老闆碌個麵比我撈汁tim!!!

 



 

一般嚟講食野連啤酒,當晚餐由餓放食到飽,應該都係人均1500 yen左右

如果只係晚餐後小酌吹水就更抵了~

係通天閣呢個黃金地段,咁低既價格,咁高既質素,去邊度搵呀~

寫到呢度有d後悔tim………….

間野太爆我以後食唔到點算!!!!!!?????????

 


不過都要注意兩件事~

第一,間店個營業時間好飄忽,我試過連續兩日都摸門釘!

Google map11點收工,但其實10點就會收,9半已經last order左唔比入

最好都係早d去啦~ 中午都營業的~

 

第二,間店的油煙味都幾重

如果係冬天大家著冷衫,又唔想一整日都用烤肉香水行街既,我建議都係除哂先入去啦~

 

==============================================

《串炸 大眾酒場 カドヤ》

==============================================


IG果邊間中會有d和Blog及fb page不一樣的相片和story,大家有興趣既去follow下支持下啦~









=====================================


  • 相關篇章 : 


【東京雜記4】日本第一炸豬扒

【東京雜記5】那夜凌晨,我坐上了東京開往大阪的巴士

【東京雜記6】蠔大大小店,性價比超掂

【帶著爸爸行富士山】 - 系列

【日本美食1】東京壽司「梅丘壽司之美登利」如何抵食?


================================

我既Youtube Channel正式開通啦!!!!


新影片已upload,快d Click入 「鋒加西亞 / 旅人瘋語」Subscribe 睇片再禁個like啦!~






=================================


  • Email : funggarcia@gmail.com





文章同時刊於以下平台,請各位多多支持呀!!!!!!!!!!!!!












2020年9月22日星期二

【日本美食1】東京壽司「梅丘壽司之美登利」如何抵食?

梅丘壽司之美登利


唔係掛!?    新系列第一篇講既竟然係香港都有既餐廳? 你唔好介紹吉野家!?

唔好炳住~~~~~~~~~~~~~~~~~~

大家都知道就算同樣係吉野家,係日本食同香港食都係一個姆指向上一個姆指向下

呢間「梅丘之美登利」,香港店出名味道平平無奇,價格貴得出奇 ; 東京各分店卻日日排到紅隧塞車咁款!

我知道唔少著名Youtuber及Blogger都有提及過日本店「好高質、好抵食、CP值超高!」,卻無咩講到「如何高質抵食高CP」,no more detail sorry~

wei你讚人靚女都要具體d究竟係眼大鼻高定身材好呀師傅~

所以,呢間我最近每次去東京都必食既正爆壽司,點都應該補充多兩句的~



+++++++++++++++++++++++++++++++++++++


  • 講開Youtube,請大家subscribe我既Channel 「鋒加西亞 / 旅人瘋語」啦please!

https://www.youtube.com/channel/UCpyZIobkvIgiEGSy5OKDrmg


+++++++++++++++++++++++++++++++++++++







「美登利」抵食既原因有二 : 

2020年9月6日星期日

【希臘快閃2】登上加勒比海盜船酒吧! 出海啦!



眼利既朋友應該都見到上回d海岸相,點會無啦啦有艘魔盜王feel既海盜船泊係度ge?? 

黑珍珠號!!? Jack Sparrow嚟左???




行近睇真d,原來係一艘裝修到海盜船一樣的海上酒吧!
只要上船order一杯酒,就可以包埋Thessaloniki港口一周遊!

又有酒飲又可以出海,諗起都覺得正呀! 

話之佢船上係尊尼特普定尊尼核突佬,上賊船啦!!!!!!!!~




其實塞薩洛尼基「白塔」對出碼頭都停泊左唔少遊船酒吧,但大多都係普通天星小輪咁款,我放工去星光行Seven買罐青島上船飲都得啦!

須知飲酒係講feel的,既然有氣勢既海盜船,點可能唔揀佢呀?




呢艘海盜船酒吧Arabella Cruise Bar,大約每1.5小時發船一次,每次出海半個鐘

岸上水牌寫住出發時間由早上10:15至晚上12:45,但我強烈懷疑呢個係假期時間or海鮮時間,大家都係去佢地Facebook or現場再望望好d

而其實咩時間都無咩大關係ge,總之識坐一定係坐天黑船睇夜景啦~

如果心裡面仍然1516怕名副其實上錯賊船ge,放心啦可以免費上去行個round再慢慢決定,唔會踢妳落海的~



夜晚隻海盜船酒吧更有氣勢了!
夜晚隻海盜船酒吧更有氣勢了!

========================================

《Arabella Cruise Bar》

========================================


上到船就會發現,呢艘船唔係比支Jolly Sandy你係船上飲咁簡單

成艘船,不論係倉內裝修定倉外設計,都係為顧及顧客的飲酒需要而製

燈光、環境、氣氛,以至座位舒適度都非常到位

一些船身的天然角落,或不為意的暗位都變身成小酒桌或坐位

同時分成若干小範圍給團體客之餘,亦又吸引人周圍走 獵食 識新朋友

呢首船唔係掛羊頭賣狗肉,而完完全全係一間以「比你慢慢hea」為宗旨,非常relax兼有heart海上酒吧!


入口已經勁有feel~



我係呢個session頭幾個上船,當時仲未有人,點坐都得~



比個假人嚇一嚇



望下menu先~

供應既酒都係大路野,價錢比一般歐洲酒吧貴,啤酒一杯6歐半=約$60港幣

Wei不過人地咁大隻船,帶埋你出海扮海盜wor!

維港果隻紅燈區漁船都要成兩舊幾ga! 呢度抵到爛啦!



原來都幾多一家大細~


Nuts唔計錢,very good!







開船啦!

儘管個船倉又暖又舒適,但我呢d風景至上主義者,梗係要坐甲板位啦!!!

海盜船在星夜中緩緩航行,我一個孤身旅人,在船上迎著寒風,喝著啤酒,眺望Thessaloniki的華麗夜景,何等浪漫寫意~

區區零度以下既氣溫,行船撞起的強風,我先無咁易被KO呀!!...................

好x凍ar!!!!!!!!!!!!!!!!!!!!!

點解室內會full house ga???????? 我d鼻流緊瀑布呀!!!! 

最後…………………..決定放棄治療,乾脆坐去船頭,以毒攻毒啦!

好靚ar…………… 好凍ar………………………






海上睇返雨傘群又係另一個feel~


亞里士多德廣場
亞里士多德廣場好有聖誕氣氛呀!


其實凍到嘔電!


如果可以坐埋上去就正了.......



就係咁,Thessaloniki既一日行程於雪櫃之中完結~

就算連埋上一回果3個景點介紹,仍然都係太少野ar呢~ 

因為呢一日其實仲包含左好多我既搵食時間,所以其他有名既山上古蹟Vlatadon Monastery 、 Trigonion Tower 、 Heptapyrgion of Thessalonica等等等等都扔埋一邊,有機會先嚟探佢地啦~

下回 ------ 講希臘菜呀!!!!!!




  • 塞薩洛尼基Thessaloniki一日玩樂地圖




====================================


IG果邊間中會有d和Blog及fb page不一樣的相片和story,大家有興趣既去follow下支持下啦~








==============================




  • 相關篇章 :





================================

我既Youtube Channel正式開通啦!!!!

快d Click入 「鋒加西亞 / 旅人瘋語」Subscribe 睇片再禁個like啦!~

岩岩開始,完全未有人睇呀~




=================================


  • Email : funggarcia@gmail.com





文章同時刊於以下平台,請各位多多支持呀!!!!!!!!!!!!!