測試1

2020年8月9日星期日

【台灣雜記4】在天使熱愛的咖啡店看日落


在淡水「天使熱愛的生活」coffee shop睇日落,已成為我每次到台北的習慣

當時是2009年,我的第一次自助旅行,和死黨係旅遊書上搵到呢間咖啡廳,本來只是2到攰坐低休息下,點知一坐低望到個view ------------------- 

得啦,下晝所有行程全部cancel,兩支公一直望住個夕陽係店內磨爛蓆~



滬尾漁港

滬尾漁港

可以咁拍下拖行下海邊幾開心~



滬尾漁港



2009年,同我老死兩支公去台灣,立即愛上左淡水




超~成個淡水海邊都睇到日落ga la,有咩咁巴閉先~ 

因為個地理位置! 

天使熱愛的生活咖啡店的位於滬尾漁港碼頭之伴,座位設於二樓,bar枱無窗戶兼面向正西方,所以只要天氣好就一定可以係高處一望無際咁觀賞日落 


呢張影於2017,當時已經好舊下了








淡水的日落,係去過咁多國家後仍然覺得係世界級




漁港日落



至於其他地方,淡水捷運站沿海唔係睇唔到,但佢面向西南,頭已側咁睇始終差左d 

漁人碼頭情人橋唔係無靚view,但你一個毒男,比一群煙韌情侶咀咀咀咁包圍住嚟睇如此浪漫美景,真係咁enjoy開心? 

相反係coffee shop內,一本書,一杯咖啡,做返個偽文青,夕陽之餘輝為你的臉龐添上幾份蒼桑

咁型棍,旁邊的台灣美女對你即時加分啦!

而事實上,我真係每次嚟都遇上美女! 

台灣真係個好地方呀~~





影得人地唔係好靚,非常唔好意思,都係遮遮佢啦~

呢位美女後來係忠孝敦化意外再重逢,可惜無keep contact! 希望佢生活得好好啦~



至於食品飲品~

第一次去叫左杯Ice Mocha ok~ 上次我飲支裝啤酒,今次由於天氣熱,要左杯西柚沙冰

佢地用新鮮水果即叫即渣,糖漿唔多,酸甜度岩岩好!

另外仲見到有蛋糕,但咁多年都未有機會嘗試,因為次次沿海邊大街行過去時都食到好飽.......









呢間店係當地甚至旅遊界都非常有名,亦係少數旅遊書推介而無伏既好店! 

其實真係唔使我呢 d small potato blogger為佢寫野 之不過今次到訪時只見小貓三四隻,與平時車水馬龍一座難求的情況大相逕庭,

加上時代變遷,旁邊已左幾間更新更靚的競爭者,實在有點害怕呢間咁好的coffee會關門大吉,只好寫篇文介紹下略盡綿力

「天使熱愛的生活」雖然係舊,但仍然係淡水值得一hea既好地方! 希望佢能夠繼續支持住啦!



天使熱愛的生活地圖


==============================================


《天使熱愛的生活La Vie Revee Des Anges Café》

https://www.facebook.com/LaVieReveeDesAnges/

  • 地址: 251台灣新北市淡水區中正路233之1號
  • 由淡水捷運站沿海邊行約15分鐘
  • 營業時間:14:00 - 00:00
  • 電話: +886 2 8631 2928


=============================================


有人可能覺得一個人睇日落有d無聊,都好都係邊聽住歌邊欣賞個靚靚夕陽~

呢個時候,Sudio最新的Ett耳機就最岩使了!

唔單止由瑞典設計個樣有返咁上下,其主動式降噪(ANC)功能,更加令妳不論置身任何三姑六婆之中均可清晰享受高品質音樂!

而且叉爆一次可以播6個鐘,快叉更係15分鐘就play到1粒鐘,加埋無線充電及IPX5 防水,非常適合去旅行及Home Office唔比阿媽煩!









於3/8 - 24/8的「七夕情人節限定💗」活動其間購買,仲送環保托特包+質感率性黑卡夾+包裝禮袋。

有興趣的朋友,可以到下列官網,打折扣代碼:fung_garcia ,可以有全館商品85折tim







====================================


IG果邊間中會有d和Blog及fb page不一樣的相片和story,大家有興趣既去follow下支持下啦~








==============================

  • 相關篇章 :



================================

我既Youtube Channel正式開通啦!!!!

快d Click入 「鋒加西亞 / 旅人瘋語」Subscribe 睇片再禁個like啦!~

岩岩開始,完全未有人睇呀~




=================================


  • Email : funggarcia@gmail.com






文章同時刊於以下平台,
請各位多多支持呀!!!!!!!!!!!!!










2020年8月6日星期四

【希臘快閃1】 塞薩洛尼基Thessaloniki一天漫遊


續上回離開北馬其頓,坐夜車大約3-4小時,話咁快到左我是次「巴爾幹再臨」行程既最後一個國家希臘了!
講到希臘,多數人都會諗起聖托里尼的純白小屋,愛琴海的迷人沙灘,同埋雅典的壯嚴神殿
但希臘比我更深印象的,反而係果個古老既傳說----------
傳說係雅典,有一名少女某天被弓箭貫穿心臟,引起了全民公憤,於是守護少女的5位少年戰士,為拯救少女,奮不顧身地直衝向敵人的大本營
佢地走上一層又一層既樓梯,一層又一層,一層又一層……一直去到黃道十二宮…………..

一段可歌可泣既神話傳說就此展開



金光璀璨好美麗











以上所有野,都同我今次既目的地「塞薩洛尼基」Thessaloniki一d關係都無~~~~~~~~~
但偏偏呢個講完都無咩人識既城市係希臘第二大城市wor! 

只係呢一點已經係我踏足既理由啦~
同埋有某個景點我係網上驚鴻一瞥後諗諗不忘!
又睇過某個外國節目講呢個地方好多好野食………….

總之總之----------希臘我嚟啦!!!!!


塞薩洛尼基中央巴士總站,由北馬其頓Skopje過嚟大約3-4小時,好快



  • 歷史背景

Thessaloniki位於希臘北部,靠近保加利亞及北馬其頓,是僅次於首都雅典的第二大城。
於公元前三百幾年已是古代馬其頓王國的京城,其後羅馬、拜占庭、奧圖曼等各個時期均為歷史重鎮,兩次巴爾幹戰爭更為此地打生打死tim
由於太複雜too long can’t read,有興趣既大家都係自己搵王維基啦~
總之,現在塞薩洛尼基已是希臘第二大經濟、文化中心,以及東南歐主要的交通樞紐。



=================================================

  • 更多Thessaloniki的歷史,可以參考Wiki : 

=================================================


第一日行程----超得一日G ma!
無錯啦! 因為行程關係,我係Thessaloniki其實只係留左兩日三夜
仲要有一日去左其他地方,於是市內就只有一日時間,當時係12月尾日照極短,想行哂全城根本無可能
所以我都係講重要必睇位就算啦~

-----------------------------------------------------

  • 超勁長海濱長廊~

呢個海濱長廊可以話係Thessaloniki既標誌!
就好似嚟香港無可能唔去尖咀睇維港一樣,無去過唔好話嚟過
不過最大唔同既係-------- 唔止旅客,連本地人都非常鍾意係呢條長達4.5公里,一望無際的優美海岸消磨一整日


Old Port of Thessaloniki



睇嚟係年青人(即係我)認識朋友(女仔)既好地方!


鳳翼一般的雲霞


先不用說沿岸無數有質素有氣派的酒吧cafe,只係坐係岸邊曬下陽光已經夠寫意啦~
同埋我最鍾意既係------個海邊係無欄杆ga!!!!!!!!!!

唔似得香港果d海邊死都要加一堆鬼五馬六又核突既圍欄,人地要跳海既唔會劉翔上身咩…….. 
d決策人根本只係怕孭鑊先加g ma,咪變成咩美感都無哂law
Thessaloniki呢一個,先係真正城市海岸既典範!

咁靚既海邊,真係可以hea一日


所有酒吧coffee shop的戶外位都擠滿本地人,好誇張!


明明係碼頭,點解d水仲可以咁清澈?



塞薩洛尼基白塔都係地標之一



行到攰,自拍下都幾好呀~


當然少不得Alexander the Great

劇院旁的紀念公園Αιωνόβια Ελιά










  • 雨傘群雕塑The Umbrellas by Zongolopoulos

呢個希臘典堂雕塑家George Zongolopoulos最出名的作品”The Umbrellas by Zongolopoulos”,先係口個像我真真正正要嚟Thessaloniki既目的!


同6年前我為張相而去黑山一樣,某日係某個網見到一張以日落為背景的雨傘群,驚為天人,咁就bookmark左呢個當時仍然唔知係邊既地方




===================================================

  • 黑山的故事,請參閱《德國working holiday第113章 : 蒙特內哥羅Day2之夢之Perast》


===================================================


係咪好正先!!!!!!
我見今日藍天白雲風光怡人,特登較準日落時間先去到The Umbrellas by Zongolopoulos
我又要影到咁靚!!!!!!!!!!!!

The Umbrellas by Zongolopoulos,開始天氣仲ok

突然烏雲密佈

行到埋去已經係暗哂啦!!!!



如果要形容我既黑仔程度,睇怕都係level 99巴哈姆特
Wei有咩理由好天氣左全日,到我要影靚相時先黑古甩堀ga??????? 平時我頭上d烏雲真係咁大影響力ga咩?????
唉於是影出嚟,咪咁law………………….




呢張其實影得幾好,唯一係我個樣非常唔好



都唔係話唔靚,本身個雕塑本身就好特別好吸引,靠果三斤釘d相出嚟都唔算太差
之不過差左d顏色咁law……..
所以,磨爛蓆係必須的!
等多半個幾鐘,那天色入黑未黑之時,華燈初上之際,立刻唔同左feel wor衰鬼!!!
但係人又多左,夜景又難影左………

攝影技術呢家野,當你見到美景時就會恨自己點解會咁弱雞ga la……..

Anyway~
總算還左自己一個心願,我真心好鍾意呢件藝術品呢!

The Umbrellas by Zongolopoulos at night



夜晚影自拍真係好難呀! 

我影左30幾張先得呢兩張清晰d

影人地又好地地

幫美女影係當然既事~

The Umbrellas by Zongolopoulos at night



  • 亞里士多德廣場

聽到個名,我第一反應係「咁串~ 用到亞里士多德個名嚟起朵!?」
但作為西方文化起源既希臘,佢又真係串得起wor!
亞里士多德出生於距離Thessaloniki個半鐘車程的Stagira,兩地同屬中馬其頓大區 (Central Macedonia),囉個名嚟用下好正常呀~
香港都有呢d ar ---- 德華大廈、學友社、黎明車檔、富成火鍋、月娥垃圾崗……..好合理ar~
講返亞里士多德廣場,同所有歐洲大城市一樣,都係當地市民既活動慶典既中心
周邊有大量精緻既食肆、coffee shop、酒店等等
如果嚟到當地唔知食咩行咩的話,係周圍行個圈一定無錯~

亞里士多德廣場



著名酒店Electra Palace Thessaloniki
著名酒店Electra Palace Thessaloniki

Plaisir都係城中著名甜品店




我到步時更係12月30、31日,聖誕暨除夕嘉年華更加唔少得~
除夕倒數煙火雖然無香港咁誇張,但都係一種另類熱鬧氣氛ar~

塞薩洛尼基除夕煙花


無人跌落海呢下好野wor~


現場好high狂叫,位歌手應該係好有名的~

===================================================

  • 相關篇章《德國working holiday第四十四章 : 除夕元旦軍火大匯演》

===================================================




Thessaloniki既一日行程就係咁~

太少野ar呢~ 因為呢一日其實仲包含左好多我既搵食時間,所以其他有名既山上古蹟Vlatadon Monastery 、 Trigonion Tower 、 Heptapyrgion of Thessalonica等等等等都扔開一邊,有機會先嚟探佢地啦~
其實仲有一個有趣地方,我覺得係必須要獨立開篇的~
所以 --------- 下回繼續!!!!!!



  • 塞薩洛尼基Thessaloniki一日玩樂地圖



====================================


IG果邊間中會有d和Blog及fb page不一樣的相片和story,大家有興趣既去follow下支持下啦~








==============================




  • 相關篇章 :




================================

我既Youtube Channel正式開通啦!!!!

快d Click入 「鋒加西亞 / 旅人瘋語」Subscribe 睇片再禁個like啦!~

岩岩開始,完全未有人睇呀~




=================================


  • Email : funggarcia@gmail.com





文章同時刊於以下平台,請各位多多支持呀!!!!!!!!!!!!!