測試1

2013年12月31日星期二

德國working holiday第四十四章 : 除夕元旦軍火大匯演

2013-12-31
除夕夜!!!!
係West park享受住零度下的日光浴,下晝與香港共度2014後就去舊城區hea la
係Irish pub一杯High Land Park hea 4個鐘,勁比個bar tander歧視........
2013最後一餐係HB左近既日本拉麵屋,係德國都食到正宗豬骨湯拉麵,果種感動真係非筆墨所能形容!(其實過左嚟咁耐最想就係食日本野同上海野.......)
近晚上11點鐘,好不容易捉到Y姑娘and her fd一齊出嚟Marienplatz倒數!
點解話好不容易?因為班fd話係屋企睇煙花仲清楚...............
難得嚟到外國wor!!!!無理由唔出嚟睇下咩環境呀!!??

而事實上我的確無選擇錯!
仲距離2014前半個鐘,成街d人已經好似中左Bio hazard d病毒咁傻哂!
d鬼佬周圍爆煙花爆啤酒樽!!!!而周圍既意思係包括腳邊呀!!!!!!!!!!!
而有鬼仔周街攬女人,又有情侶世紀末式煙火下痴情擁吻!
到近零時情況再強10倍!周圍除左唱歌叫囂就係跳舞,煙花無一秒間斷咁係市政廳上空盛放,整個瑪麗茵廣場濃煙密佈,濃濃既銷煙味加上身邊破裂既爆炸聲...............阿private Ryan你係邊呀!!!!!!我地嚟左救你啦!!!!!

有趣既係,呢d煙花全部都係民間活動,係慕尼黑市中心原來係無offically既大型倒數煙花ga! (問過好多本地人都話唔知邊度有,所以當佢無啦)
無official倒數,即係唔知幾時到2014啦~又係香港人本色自己亂嗌既時候啦~~~
係外國咁做完全唔使負責任又唔會比人歧視真係好正呀!!!!XDXDXDXDXDXD
總之大家都知到2014後再傻10倍!!!
旁邊有囉香檳周圍比人飲既意大利佬及美女~有係咁影相既大埋朋友~有周圍撩人傾偈發癲既日本少女們~
氣氛既熱烈真係同香港好唔同,出嚟過年真係無錯ga!!!!
感覺上除夕先係德國人最瘋狂最釋放既一日,只係睇事後條街戰場咁既樣一片狼籍就知啦!






2014-01-01
可能尋日係西公園與香港時間過2014時勁吹風冷親病左,於是2014既第一日就縮係屋裡休息啦(呀除夕元旦hostel太貴,我屈住係班fd家中)
夜晚齊人落街玩煙花啦!!!
其實煙花呢家野,我一直以來都係抱住可遠觀好靚好浪漫而褻玩可免則免既態度的
成年後第一次玩係係澳門,自己on居燒到隻手灰白左一大塊 ; 對上一次玩煙花係多年前同未係女朋友既前女朋友去旅行,非常浪漫既一晚 ; 上年睇完寒戰果幕煙花屠殺事件再怕多10倍!加上尋晚既軍火大會...........我諗我淆!
其實就咁係旁邊睇佢地放都幾開心呀~
不過同上次放一樣,未放哂就比人趕啦............似乎有我在場既玩煙花都唔太順利呢
休息左10日,係時候繼續旅程啦
唔使問啦,因event問題,我預計玩到2月中先再開始working果part ga,辛苦大家要繼續睇我d無聊遊記啦!
=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia_backpacker/






Email : funggarcia@gmail.com




另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!








2013年12月23日星期一

德國working holiday第四十三章 : 打風式聖誕及其他無聊日子

人始終都係怕寂寞
遊左兩星期,係時候暫停環德之旅,回到慕尼黑同一班好友過聖誕除夕啦
雖然話已經一個人過好多年,但人在異鄉仲要Lonely Christmas既話,好似真係太灰啦!
呢兩篇blog會連續發放並用返日記式記敍,wa有返中學時打xanga既feel ar!
2013-12-23
中午坐巴士回到慕尼黑,終於係“北面”買到心頭好,終於有唔跣既防水鞋去雪地啦!
shopping完係超市買齊野打算食自己時竟然撞到班fd!!!!!真係咁有緣!!!
於是就臨時改為成班去中國餐館打邊爐!!!
係德國竟然有得食麻辣火鍋ar...........仲有牛肉羊肉午餐肉龍利柳同蔬菜蜜瓜橙任食呀.......真係感動到想喊!!!!!
2014-12-24
平安夜,訓左10幾個鐘,將呢兩星期既疲累消除哂!
我地平時香港就平安夜=情人節,但原來一般歐洲國家平安夜當日所有店舖都提早下兩點收哂,直到廿七號先陸陸續續開門!
即係話------係時儲糧啦!!!!!!!!
於是超市d貨就好似80年代打8號風球前一樣比人狂掃一空!
當我仲好他條揀緊食咩味雪糕時d職員直情趕我走呀!
下晝上左班fd屋企預備聖誕大餐(佢地同一屋簷下的),平安夜,就係咁平平淡淡又柴娃娃咁大鑊飯地過

2013-12-25
聖誕節正日,香港就話熱熱鬧鬧,但德國人就多數選擇一家人係屋企過。
對佢地嚟講,聖誕正日就係我地既農曆新年 ; 對我地working holiday人嚟講,就係德國變左死城一個
幸好聖誕節同土耳其人唔friend,我都起碼買到Kebap做lunch!
同H小妹妹and朋友及Y姑娘and朋友去English Garden散步,雖然而家冬天,但仍然係慕尼黑最貼近自然最靚既地方
夜晚成班人去HB啤酒屋(無錯又係HB)食聖誕大餐!
其實無special menu,都係肉啦肉啦同埋肉ge,不過成日都話醉翁之意不在酒,重要既係一班人食得開心!
講真呀,成日以為歐洲聖誕節會有好濃厚既氣氛,但原來熱鬧既係前奏,正日對我地呢d旅行者嚟講真係幾無聊下呀........
2013-12-26
一個人走左去睇冰上曲棍球比賽!Red Bull Munchen對 Augsburg Panther,第一次睇現場ja!
氣氛之熱烈絕對比上次睇歐聯拜仁慕尼黑主場有過之而無不及! d人打鼓放煙花叫口號舉中指乜都齊!我身處其中唔知佢地叫乜跟住亂嗌一通都好high呀!
至於live既Ice Hockey,絕對係一種優雅同暴力揉合既高難度運動
優雅係場上溜冰高手高速而non-stop既滑翔曲線
暴力係滑翔既終點就是體力化既衝撞,一場波幾次群摳真係濕濕碎!
高難度唔係話其他野,係指搵到個波係邊個下難度高呀!個波飛得咁鬼快!唔見左都唔知啦!
最後Munchen主場慘被反勝2:5,而對我嚟講,絕對係個難得既體驗!
2013-12-27
好天氣,行下慕尼黑d公園河道,原來都幾靚
2013-12-2829
hea
2013-12-30
到著名既雷根斯堡Regensburg一日遊
非常非常大霧!大霧到咩景點都睇唔到!亦因為咁佢變成我最無印象去過巴個地方......
但感覺如果正常天氣係會好靚的
待續

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



2013年12月20日星期五

德國working holiday第四十二章經 : 史特拉斯堡....法國嚟ge??

郭富城講過 : 「法國,美國與英國」
基本上我對呢3個國家都無咩好感,但諷刺地,中一探親時一家人去美國玩左一星期,而英國亦因為有friends駐紮預計將於4月到訪
至於法國,從來都唔係我張travel list之內
明偷暗搶,傲慢無禮並自以為是,一直都係我對法國既印象,基本上係同深圳無乜大分別,最多個腎既生存機率會高d je
但天意弄人呀!!!!!!!!!!!!!!!!我竟然因為Freiburg太悶而走左轉法國呀!!!!!!!!!(講咁耐咪又係自己揀要去.......無人逼你ga阿鋒...........)
咁弗萊堡玩哂hea哂,見同法國東部城市史特拉斯堡Strassburg只係70分鐘車程,來回又只係21€ wor,我去黑森林其他地方一程火車都要啦
就係咁又試今晚決定第朝出發,即日來回呢個同德國接壤既法國第七大城市啦
老實講出發前我真係有d驚,講哂比好友聽我幾點出發幾點返,tablet擺低,銀兩少帶,手機放袋,背包向前,心理警戒狀態係戶愚呂弟100℅中100℅!我真係當上深圳ga!
出前備課有限,只知呢個對香港人來講有d陌生既城市,自古以來已經係軍事及文化重鎮,多次被易手到法國或德國,所以包含哂兩國既文化特色,而且而家係國際上亦有一定地位,不少國際首腦級會議都係呢處舉行.......所以話屈係香港真係好多野都唔知ga.......當然比起外國,香港呢個井算好大ga la
嚟到舊城區,同一般既歐洲古城一樣外圍必然有水,再走到地標史特拉斯堡主教堂,對唔住我真係呆左!
呢座赤紅色約廿層樓高既雄偉教堂,正門上過百個人像雕刻翊翊如生不特止,仲係個個都唔同!
而其他既雕花,排列,層次,就咁睇係一樣,但睇真d就係唔一樣,比其他教堂特別靚,但你又講唔出有咩唔同!
就好似佐記牛仔褲 vs 日本版利記牛仔褲,就咁睇咪又係藍色,但一著上後個型仔程度真係天淵之別!(當然價錢都係天淵之別......)
只係呢座教堂我都逗留左半個幾鐘係外圍欣賞ar!
U Travel所有棟直既相都無lala自動放橫哂,為免大家頭已側,只有post張遠 ga la
教堂外有聖誕市集,雖同德國只一橋之隔,但呢度既聖誕市集卻大大不同!
最大唔同係無腸食!!!!!!!!食品只佔少數,就算有都係來來去去幾樣 ---- 甜品同pizza!
但乾貨類手工藝品卻五花八門多姿多彩,連松露,鵝肝都有得賣.......我知呢d唔係乾貨~因為我對眼只係留意到食,其他無乜印象XD
而聖誕市集既神髓Gluhwein呢度係用膠杯裝的..........同食燭光晚餐用香燭有咩分別.......個feel即刻弱左十倍............
穿過舊城區,沿圍城河道走一轉已近天黑,無刻意下走到postcard必有既景點唔知乜野河岸同唔知乜名既德國式建築小屋(無做功課係咁ga la將就下!)
開始覺得入夜後呢個城市好似靚左wor!
除左普通既燈光外,係成個尖沙咀咁大既舊城區全部都掛滿聖誕燈飾!
而再行就再發現,原來好多店舖外牆都佈置左成層樓高,靚到你擘大口得個窿既立體聖誕裝修!
廣場上仲有好高好靚既紫藍色聖誕樹
好老實,純以華麗既視覺藝術性嚟講,法國真係比德國高呀!
(呢個係史特拉斯堡中央車站,玻璃圓供形外場罩住傳統舊式建築車站,型!)
講左咁耐剩係講環境,兩餐呢??
午餐係德國好味d既正宗法國牛角包,晚餐係聖誕市集好不容易搵到既法國臘腸狗
呢個名係我夾硬比佢嘅,因為完全係法國麵包夾住一條水煮粗身榮華臘腸,不過幾好味又真ge
到夜晚8點所有店都開始收,於是又係老樣子,縮係M記一角寫postcard,再hea一陣,10點幾夠鐘坐車返Freiburg既地獄Hostel過last night in黑森林啦
總括嚟講呢,呢10個鐘既法國之行係有意外驚喜的,同德國相比係另一種完全唔同既美!
至於對法國人有無改觀?
我遇到好友善,唔識英文都盡力解我知既法國大叔 ; 又遇到冷寞唔出聲黑你面既中年 ; 又見到周街真人快打隻揪緊既兩對情侶,旁邊住宅上仲有個痴線佬係露台囉BB彈槍亂咁射..........結論係咩,大家自己心知啦
不過,如果聖誕時期去開黑森林又得閒既話,法國史特拉斯堡Strassburg係我極力推薦的!

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



2013年12月18日星期三

德國working holiday第四十章 : 特里堡,最好的蛋糕,最黑的一天

先始聲明,同上一篇既輕快筆風唔同,呢篇係負能量大釋放既文章,而且超級長,不喜勿插
============================================
離開Karlsruhe,環德之旅正式進入黑森林區,第一站是以黑森林蛋糕,咕咕鐘及瀑布馳名的小鎮特里堡Triberg
一直都對呢個小鎮有d期待,從資料from台灣上睇係一個好靚好靚既小鎮,但點都估唔到,呢個會係我working holiday以來最黑的一日........
其實黑氣早在前一晚已開始
係柏林新買既Primark袋斜咩帶行行下啪一聲斷左,望一望錶,嗯,八點正,岩岩好所有店舖關門無野賣,聽日去森林區,即係我第日就要揪住個袋全日移動la,去過旅行都知用手揪袋係好唔方便同危險ga!
14€,果然平野無好野
第日上到DB火車兩個鐘訓到死屍一樣,到第二次check飛時,個唔太識英文既德國佬竟然話我無買呢程車既票要我買返!!!!!
我係用中途站式停10個鐘係Triburg玩再去其他地方,網上買之前已經親自問過DB counter話ok,而我都試過一兩次咁做係無問題的
而德國佬話我張飛總站係弗萊堡Freiburg,而我無買中途轉既呢程車,但我張e ticket都寫住去Triberg,點會無賣ar!!!即係張車飛買時唔係包哂中途站??有咩可能?
我死都唔比,佢又話要passport又乜乜乜,嘈左半個鐘都有,旁邊一個識英文既男人勸我都係比好d,唔係ge上差館好煩而且可能比得仲多
仲有5分鐘落車,我唔想比個xx阻我旅程呀,最終都係心有不甘地比錢佢
而佢收錢後竟然笑住同我講thank you!!!果一刻我真係想一招“必殺烈風正拳突擊”窩落佢塊面度!
可能呢個買飛方法真係會有問題,但up to呢個moment我都懷疑佢係夾硬屈我錢law!
出師不利,但總算到達Triberg,卻迎來我嚟歐洲後最大的一場雨,所有景色減50℅
冒雨沿山路行到市中心後,卻發現地上滿是雨水沖洗後留下的冰塊,原來尋日落左場大雪!!!
就係差左一日!我係幾咁想睇雪中黑森林呀!!!!!!!!!!!!!!!!!!!!!!
嚟左歐洲咁耐就算幾凍都好,都只係楚格峰上及last day in Berlin睇過雪!咩事ar???
谷左成肚氣,要搵d野安慰自己
嚟到呢個黑森林蛋糕既原產地,點可能唔食返夠本!!
去到其中一間市內最有名既黑森林蛋糕店Adler坐低嘆返下
蛋糕送上,兩層雪白的忌廉,夾著啡黑色的蛋糕,中間有一層紫紅色的櫻桃, 咋看之下, 同平時香港食嘅分別唔大
拿起銀叉,把一小口送入口中--------不得了!!!!!!!!!!!!!!!!!!!!!!!!!!!!!!!!!!!!!!!!
最鮮嘗到既係奶油香,之後就感到朱古力的濃郁,0.1秒後酒香,櫻桃味同時間在口腔內爆發!咬破酒釀鮮櫻桃,汁液令味道更豐厚!而且每咀嚼一次都會產生不同既味道組合!配埋鬆軟既蛋糕,點綴既朱古力碎...........從來未食過味道咁複雜既蛋糕ga!!!!!!!實在太好味啦!!!!!!!
我真係好細路仔,食完個人即刻鬆弛左,可以輕鬆繼續出發啦~
但只係輕鬆左5分鐘-------張單嚟到時,€3.2,外賣呢?€2.6...........
我唔記得左德國坐低食野有19℅ tax or service charge.........
雖然60cents真係唔多,但食一樣既野,總覺得好唔抵.........
食完蛋糕坐5分鐘巴士去睇全世界最大既咕咕鐘,仲可以走入鐘既內部參觀及了解鐘既原理
作為一個比較蠢既文科人,望左好耐都係一知半解明d唔明d, 不過幾有趣就真既!~
參觀完要坐同一架巴士返市中心,巴士未到周圍行時唔小心跌左腳張巴士飛落河!
shit完一輪,上到巴士見係頭先來程時同一個司機,但心知以德國人既死板一定要我再買過ga la,氣都慳返,囉錢啦
點知得返張50€大紙,無計ga,遞比司機,佢黑面冷眼話 : 「唔收」「我得呢張」「唔收」「咁我可以點」「落車,等下一班」跟手熄埋匙翹起雙手「下班車兩個鐘後ar」「唔關我事」
d態度真係衰到呢!!!!!!!!!你以為教書既真係唔講粗口呀!!!!!我都係人呀!!!!但我大庭廣眾講左就同之前某個我認為行為有問題既教師一樣ga la!
忍住,坐低,渣住張50€冷眼望住佢,我係唔走,睇你班車遲到邊個大鑊d!
最後佢都係死死地氣找錢比我再開車
到市中心落車再搵另一個大咕咕鐘,但搵唔到,行左兩個鐘山,不如都係去睇瀑布啦
傳聞中德國落差最大既瀑布,其實並唔係話咁利害,感覺係香港都會有既景色
想再上高d,但雨越落越大,天又快黑,我對爛鞋又“跣”,安全第一,一於咁話啦
旁邊既聖誕市集呢?竟然會25/12先開!!!!??????
下午5點鐘,我已經係呢個鎮完全無野做,想搵個地方避雨坐下又無
終於笠住帽坐係光禿禿既樹下,買多一件另一間名店既黑森林蛋糕食啦
oh my god呢間Cafe Schaefer仲好味呀!!!!!!!!!!!!!!!
最後,天已全黑,傾盆大雨,全身又濕又凍下乾脆返火車站開壇作法寫postcard,等到夜晚9點鐘火車去弗萊堡Freiburg過夜啦
你以為今日已完?太天真啦
Triberg火車站麵包店6點幾就close而附近又完全無野賣,諗住去到Freiburg買個Kebap當晚飯啦
點知所有食店係我到達時已經全部收哂!!!
於是,我今日全日落過肚既就只有兩件蛋糕................
行半個鐘到達hostel後,望一望,ee都幾大幾空擴--------幾有工廠feel wor!!!!
問reception囉WiFi password : “sorry we haven't WiFi here! We have it before ,but no one talk with each other,the atmosphere is terrible! You can use internet with these 3 desktop,but some people are using for day long."
點解呢個理由咁學校唔比小食部賣汽水feel ge!????
再望下背後3部desktop既用戶一臉囧字喪屍樣,我就唔覺得個atmosphere有幾咁唔terrible囉!!!!!!!!
我到而家住超過30間世界各地既hostel,真係未聽過會無WiFi!!連未開發既斯洛伐克山區都有呀!!!!
而重點係,我仲約定今晚凌晨1點半(香港時間早上8點半)同我全校學生視像通話!!!
犧牲我3G唔緊要,重點係慢呀........................
都無計ga,放低行李先啦,上樓梯,點解.........夜嗎嗎樓梯轉角位地下有鮮花ge.............
各位.........你地咩時候會係地下放鮮花呢................
大吉利是百無禁忌!預備視像好過啦!
坐係大廳地氈上,開頭都無乜野,但仔細d望下........點解有昆蟲屍體既..........
即刻走去廚房坐........點解有隻細細地黑黑地紅眼睛既小動物望住我既?你個名係咪叫米奇呀?
我受夠啦!!!!!!!!!!!!!!呢間咩嚟ga!!!!!!!!!!!!!!!!恭喜佢榮登我垃圾hostel榜亞軍位置!!!! (冠軍仍然係青島奧博維特青年旅舍)
但搵嚟搵去,Freiburg 40€樓下有空位又近市中心既得返呢間.......唯有死死地氣忍幾晚啦.......
backpacker,總會遇到呢d ge,當磨練吧
雖然只係3-5分鐘,但可以聽到全校學生既聲音,對我已經係無上既鼓舞
多謝我既好朋友好同事為呢幾分鐘出既力,仲要感激全校師生對我既支持
其實我唔介意黑,但可唔可以唔好一次過谷埋嚟得咁甘呀???
不過,否極泰來,今日黑到極處,聽日一定會是陽光燦爛日子的,我等你呀麥生
下一篇弗萊堡再續
=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!