2014年6月9日 星期一

德國working holiday第九十四章 : 返一返德國先!@阿沙芬堡及柏林

續上回完成西北歐之旅回到德國,計過度過都係長途巴士經法蘭克福返柏林最好,仲可以順道搵一位初到德國時認識既香港朋友Regina tim!
佢係一名已嫁來德國數年的香港人,相識緣於上年9月慕尼黑啤酒節後與好友到一間意大利餐廳食飯,傾談時旁邊有人“大聲地自言自語” :「隔離果枱唔知係咪香港人呢~」
搬過去與她的丈夫及朋友同桌,竟然發現越傾越投契!
事隔9個月,今次經法蘭克福純粹想搵佢兩公婆食飯,點知佢竟然主動話 :「你stay一晚既上嚟我地屋企訓得啦!」
wa.............我睇到呢個whatsapp時真係好感動.....大家只係萍水相逢都對我咁好.....
咁樣恭敬不如從命啦!


(慕尼黑的初相識時所攝~)


Regina夫婦住在法蘭克福與Wurzburg中間的阿沙芬堡Aschaffenburg,位處是拜仁州的邊界,亦是慕尼黑去法蘭克福及西邊各重鎮的火車必經要站
講真............真係聽都未聽過.............
由Frankfurt坐火車10€約半個至一個鐘直達,當時熱浪襲歐,34℃火車無冷氣真係好想死ar........
到埗後佢兩夫婦熱情地帶我周圍行阿沙芬堡市中心~
與我生活過的柏林、慕尼黑及遊覽過的南德諸鎮不同,此處不是旅遊區,所以展現的是玄門正宗的德國平民生活!
縱然星期日所有店舖關門,但市民仍可到教堂快樂崇拜,雪糕店食杯比M記大3倍既新地嘆咖啡,與好友鄰居在樹蔭下的beer garden飲啤酒閒聊,飲到高高地就除衫跳落美茵河碧波暢泳~ee聽聞可以游到去法蘭克福ga wor!!!
好簡單,但真係好開心!



係beer garden仲撞見Regina夫婦既前鄰居,坐低聽佢地講德文時我有d傻傻地唔知做乜好,但細看他們臉上的愉快神情,不禁想著 : 果種與鄰居輕鬆交談交朋友的情懷,香港係幾時消失左ga呢?
鄰居?晚晚嘈冤巴閉唔囉刀劈佢都偷笑啦!
房屋越來越狹,關係越來越遠,唉............

到達他們家中,Regina話後園可以摘車厘子,熱情地叫我一齊去玩!
小學時試過摘黃皮,中學時試過比人摘栗子,摘車厘子又真係未試過wor!
原來除左手摘,仲會用一支類似圓形釘鈀有網的長竹杆幫手
但櫻桃樹太高我旁邊又無斧頭,我地只好拖鞋爬樹嚟採櫻桃啦,wa兩個近30歲既人仲玩d童真野玩到不亦樂乎~
摘下既100℅新鮮車厘子,咬落去汁都噴出嚟,味道甜得嚟清爽無比!
我諗我會從新愛上食車厘子啦~


(感謝Regina的相片提供!)

食過一餐美味既homemade日式素菜,再暢談左一晚飲食研究,阿沙芬堡一日短線行程就此完結啦~
Regina兩夫婦帶左我體驗不一樣又非常正常既德國生活,真係超級多謝你地呀!!!!
對這個大半年前只談過一頓飯既死靚仔都咁好,妳倆實在太nice了!!!!
係德國要繼續生活得幸福美滿呀!!~



第朝一早坐車啟程回柏林,已經數唔到係第幾次返嚟啦!
先到朋友家囉喼換裝備,夏天已到,背囊空間有限,總不能再著住大褸扮Mark哥吧,點都要等我變身先~
囉埋返工尾數,cancel戶籍及戶口,enjoy最愛既餐廳one more time,再約埋春風滿面既好友I小姐食飯,短短兩日一夜in Berlin後又要再出發了!
數數手指,話咁快已經係最後一個月係歐洲了................咁當然係玩盡佢啦!!!!!!唔係點叫多多holiday ar!!~~~~
2014-06-10,第五個長途旅行,亦係今次working holiday既最後一個,南歐巴爾幹半島之旅!出發啦!!!!!!!


(蜜運中既好友I小姐~)

(柏林Z.O.B.,即係中央巴士站,都唔知嚟過幾多次lu,下次再返嚟,就係離開歐洲之時啦......)

(而我都唔知第幾次坐通宵長途巴士啦,慳錢慳時間嗎!)

題外話,熱浪襲歐,德國幾乎所有地方都不知冷氣為何物,全球暖化下,夏天去德國真係要諗諗………好熱ar………….

=====================================

補完此blog上未成文的相片和無聊閒事:
My Facebook Page : https://www.facebook.com/Garcia.in.Germany ,多多支持呀!~

沒有留言:

張貼留言