2014年7月1日 星期二

德國working holiday第114章 : 蒙特內哥羅Day3+4之Tivat & Budva

Day3
繼續以Kotor為中心發掘Montenegro的不同面貌~
前兩日太chur太精彩啦,今日輕鬆d,去左地圖上的另一個大城市Tivat望下咩料
果然有借有還,有高山就有低谷
Tivat雖然同是鳥形內海的大城市,但環境風情均與Kotor及Perast相差甚遠,加上今日天陰,又打多個6折
不過,相對地此處較貼近當地人生活,亦比較簡樸,海灘亦沒有大量的遊客,只餘當地孩童青年鴛鴛戲水
另一點叫做特別d d 既係,此處終於有個正式海灘,而海灘邊有小酒館比你海風送啤酒~
比我形容,呢度係南Y島洪聖爺灣~
反正由Dubrovnik到而家連續走走跑跑左好多日,輕輕鬆鬆hea一day都唔錯ar~


(呢個天氣呢個光柱射落嚟……..好似有個空島會跌落嚟!)


Day4
今日坐車離開鳥形內海,去返亞德里亞海岸線上的另一大城Budva
望一望TripAdvisor,原來Budva先係蒙特內哥羅最受歡迎的旅遊城市
既然係遊客區,即係多人到嘔啦!
市中心亦有大型商場,連鎖餐廳.................仲要有冷氣呀!!!!!!!!!!!!!!
真係唔知點解,個巴士總站會距離市中心咁遠ge!
係36度高溫下漫步時,有個商場超市比你抖一抖,買條雪條繼續走,起死回生ga!



行到去海邊.............又海邊?????日日海邊你唔悶ga 咩????
由克羅地亞開始你究竟有幾多日係無去海邊ga?????
咁我係鐘意海嗎~連魔動王都係最鐘意水捲俠! 亞德里亞海又咁靚wor!男人都可以係水造ga je~
then個海灘有咩咁特別先~~~~~~~
答案就係好大同好多人呀!!!!!
應該係話係一個海灘,但被舊城及山石斷為好多好多個,於是變成每一海灘段都有唔同特色~
所以遊Budva既正確攻略係由右至左行 : 海灘---->海邊---->穿過舊城---->海岸邊---->沙灘----->泳灘,再返轉頭泳灘---->沙灘---->海岸邊---->穿過舊城---->海邊---->海灘,之後再行返轉頭............
...................................................
咁講真係會有人明?...........都係睇相算啦.......



係海邊度坐左陣消一消暑就走入舊城啦~
唔知係咪真係睇得太多,對呢d靚既海邊古城睇到ou哂零感覺!
而呢度我都只可以話內涵似Dubrovnik,size就似Split,ok反正古時佢地幾個城都係一炮過同一系列ga la~



古城無咩好睇,一個人又無得游水
唯有行哂咁多個海灘,感受下巴爾幹半島海灘的活力與熱情~
再睇下Budva最著名好sad下既Ballet Dancer Statue銅像,再搵個無咩人既位置伸對腳落水邊餵魚邊寫Blog!
我份人真係好悶ar................
無計ar..........我真係好想游水ar.................更加想伸隔離飲緊野果對情侶落水ar..........


(我唔理你飲咩都好,唔好咁飲得唔得呀?)

返到Kotor都6點幾7點,岩岩趕得切睇埋場世界杯16強~
酒吧老闆見我嚟足咁多日睇波,問我今晚撐邊隊?
大佬你大大支阿根廷國旗show係度,唔通我話對家咩~我唔驚你比杯熱啤我呀~
好彩最後阿根廷贏波,唔係我驚走唔到........



今晚係於Kotor既最後一晚,講一講我stay左5 nights既hostel啦!
Old Town Hostel位於Kotor舊城中心,易搵+交通方便
裝修係扮城堡內部,所以房內會比較潮濕,通風都唔太好,toliet地板水漬十年都唔乾
每個床位都有獨立插頭同床頭燈,仲有布簾,私隱度power up!
而且房間都算乾淨企理,空氣不通問題開冷氣就會好好多~反正開窗都會有蚊ga la~
加上WiFi速度甚高,That's why我咁多日都stay here!
仲有就係呢間hostel每日都有cheap price dinner,仲有好多不同類型價錢的local tour可報,前一篇 112章的Northern tour就係係度報的~
只係要留意出發時間同人數限制,有時唔夠人唔出發的。
總括嚟講,係值得推薦的~



仲要講下飲食~
蒙特內哥羅竟然係使用歐元的,遊客區的Kotor,使費當然唔會太平啦!
第一晚我去到Hostel推薦既餐廳,望一望門口餐牌,5秒後調頭走人.......
慕尼黑價位嚟ge?????一餐連飲品要兩舊水港紙???
再行埋其他地方,唔係同價就係意粉pizza店.........唉有無d地道d ga.......



行出Kotor古城外,見到超市外面有間古怪既燒烤店
想行入去問有咩食時佢話已經要close,於是第一晚既dinner就係超市亂買既麵包.....


(呢間超市對面)


第二晚睇完波再去到間店,今次走左入去了
只見內裡設計簡陋,只有兩個超市式既超大肉櫃,仲有一座大型炭爐,再望望旁邊兩個大男人大刀大切大塊肉咁對啤,豪邁異常!
唔通呢間野有得食即場燒烤?但我就咁睇佢d價目,個銀碼咁大既........
想問下店員幾銀時,店主已經say sorry話有事要早收爐,只可以做到hamburger
於是2nd dinner就係炭燒雞扒漢堡包,3€一大個,味道又唔錯wor~



第三晚唔信邪!!!!!作為一個豪快男兒點都要試一試佢既炭火燒扒!!!!我唔信第三日都食唔到!!!
個店員見我第三次嚟已經志雲扮熟咁笑哂口面同我吹哂水!~
而我都無問價錢,直接指住件T bone牛扒話要,
店員 :  “Hey my fd, it's not cheap price, are you sure?”
食左兩晚麵包,今晚豪一次啦!!!!
豬扒?要! 沙律?要! 麵包?要! Total幾多!開個價比我!
店員: “Sorry it's much more expensive than others, it needs 10€ !”
咩話??????????10€???????
100港幣有塊面咁大既即場炭燒T骨牛扒+梅頭豬扒+沙律+沙煲咁大個麵包???
大碟到我可以將食剩既合體變豬扒包做第日lunch仲得呀!!
仲要同我講好貴???????味道仲要不俗?????
得啦~~~嚟緊幾晚呢度就變成左我既飯堂!
第四晚既燒牛仔肝+自製香腸+有骨豬扒+沙律=飽到嘔,5.5€
第五晚既燒脆皮多汁雞扒+五花腩+encore自製香腸+薯條=肥到死,7.5€
連續咁多日咁多肉好毒??
咁我係毒男嗎~~


(Day3 : 炭燒T骨牛扒+梅頭豬扒+沙律+麵包)

(Day4 : 燒牛仔肝+自製香腸+有骨豬扒+沙律)

(Day5 : 燒脆皮多汁雞扒+五花腩+自製香腸+薯條)

就係咁,於Kotor stay左4日5夜,每日與海洋山水及烤肉為伴,過得非常之咁逍遙~
係時候離開向蒙特內哥羅下一個城市進發啦~
ee.............我好似miss左d野咁既...............
..................................
Day0+1+2講過既Kotor山頂萬里長城無去到呀!!!!!!!!!
唔係真係唔記得ge..........只係日日都35度以上,個太陽pancake咁大,真係無乜mood上山被烤肉law......
唯有下次再嚟先去啦~下次下次~下次大概可以~

========================================

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,多多支持呀!~

沒有留言:

張貼留言