2014年7月2日 星期三

德國working holiday第115章 : 蒙特內哥羅Day6之呢個係首都??

連續講左3篇5日蒙特內哥羅旅遊聖地Kotor及其周邊風景,差d以為Kotor就係蒙記既首都tim!
Montenegro首都叫Podgorica,中文翻譯“波德里查”或“波德戈里察”,一個位於國家中南部的內陸城市
以下係於Kotor既口頭資料搜集 :
我 : “Prodgorica有咩特別?有咩好玩ga?”
鬼佬A : “無野玩”
鬼妹B : “唔好玩”
鬼仔C : “有d悶”
既然大家咁一致跑得慢無速度同唔夠快,就去睇下佢有幾咁悶啦!!!!!



去Podgorica,由Kotor只需約兩小時巴士即可到達
一行出車站,天上陽光射下,我望著站外風景,一陣帶沙的風fuuuuuu一聲,四周萬籟皆寂,腦內彷彿響起西部牛仔決鬥時“dododo~”既音樂
我............係咪嚟左一個荒蕪既邊境小鎮呢............



爛屋,爛地,垃圾,建築廢料,沙塵滾滾的街市,殘破待修的住宅商店.........
與我之前5日於Kotor一帶時的蒙特內哥羅印象相距極遠,我真心以為係去左另一個偏遠國家呀!
佢又未至於廢墟一樣,市中心最最中央的心臟地帶都會有一兩間名店及餐廳,亦有一條小小的酒吧街
但以規模嚟計................sorry應該屯門元朗都勁過佢...........至少呢個係我既第一印象
wei但係Kotor一帶係極富庶ga wor!!
貧富懸殊到咁!???呢個窮鄉僻壤就係一國之都?????
又或者,呢個先係此國最真實的一面


(酒吧街~)

(乜人都無既市中心)

既然市中心無乜野睇,一於上山啦!
Gorica位於市中心廣場旁邊,唔高,但山路較斜,熱辣辣行上去都有d易中暑
而且佢唔係一座山而係一群山,上到頂沿山路行好易唔知行左去邊!
就算有地圖、指南針同問屋企人借左無線電話都好,唔想被森林搜索隊捉返嚟ge,都係高處睇到市內全景就算啦!



落返山,真係熱到頂唔順!
係歐洲因為乾熱,一般只要走到陰影地方就會有涼風可以抖暑舒服好多
但Podgorica某d地方真係可以一棵樹都無嚟比你遮陰!
繼我係芬蘭差d凍死後,我首次覺得會中暑熱死..............
我人生以來從未有過一刻咁想變成火拳艾斯!
終於我要企係大橋杆影之間嚟抖...........咩料子ar........


(雞泡魚唔會毒得死自己ga,咁控火既人都唔會熱死ge~)

Moraca係城內一條大凹坑,應該話係一個比河水沖刷左幾百萬年既小峽谷1234
好不容易搵到路走落去,終於有個陰涼位比我抖抖啦!!!!
即刻飛走對拖鞋衝去浸下腳先啦!
爽呀~~~~~~~~~正呀~~~~~~~~無得頂呀~~~~~~~~好凍呀!!!!!!!!!!!!!!!!!!!!!
僅僅10秒我就返左上岸!
條河凍到冰水一樣呀!!!!!!!事後我先知呢條河係出名水超級凍,因為係雪山直接溶落嚟的!再認真d feel下,真係係岸邊都feel到陣陣寒氣!
做左成日燒豬,無理由唔係度名乎其實過冷河ga~
於是就一邊睇住當地人玩狗玩舟,一邊係水中同岸邊彈出彈入彈出陣入彈出彈入彈出彈入............
呢度.........真係一個練冰火五重天既好地方呀!



沿河游水向下推進or上返地面向下行,會見到一系列的古城堡遺址
係呢度會有兩樣野煩你 : 一樣係纏住你唔知想要錢定想昆你既當地人,另一樣係蚊!
所以係咁ee行過下就算
再向另一個出名的橋底cafe書店見識過後,Podgorica市內的觀光位已經7788啦



Podgorica初初比我既感覺,真係好悶好殘好落後,甚至有d不安全,對我這個亞洲異地遊客也有d不禮貌對待,有少少國內小城市的感覺
當然,黑山呢度係一個飽受戰火摧殘,百廢待興的發展中國家,之不過我之前先去左旅遊區Kotor個反差太大je
其實只要再行耐d,就可以感受到呢個城市正在慢慢進步中,活力亦在慢慢凝聚
但呢d,就係我第二日開始先有既feeling啦~

下回繼續遊走於蒙特內哥羅的奇怪首都!

==================================================

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,多多支持呀!~

~瘋人鋒語 - 30前80後的德國工作假期~

Promote your Page too
(新嘗試,唔同之前個Page Box,呢個都係要click入去的,始終無咁方便,不過好過無~)

沒有留言:

張貼留言