2014年7月4日 星期五

德國working holiday第116章 : 蒙特內哥羅Day7之hea遊S字頭湖

上回行完哂首都Podgorica,今日當然去周邊d風景區行下望下啦~
附近最出名的景區,是南面的斯庫台湖國家公園National park Skadarsko Jezero
原本想報local tour的,點知hostel無街邊又無,唯有自己搭車去啦
落車果下我真係超驚...........點會成架車得我一個人落ga......唔係出名既地點嚟ga咩??唔係真係無遊客到咁ar?
唔係見到個路牌寫住係呢個地點,真心以為已被賣豬仔..............



Vranjina係一個湖邊小鎮,大細不過一個公共屋村
一般我都會行一轉睇下乜料先決定join咩tour坐咩船遊湖既
好衰唔衰訓唔醒,傻下傻下咁有人問我係咪遊湖直接就say左yes!
旅行守則第一條 : 飛來猛千其唔好理!十個有九個都昆人既!
所以我一出口已經知------------lai野!!!!!!!!!!!!
無計啦,既來之則安知!
不過,佢要我係間餐廳等,再要我參觀個咩博物館時,我真係超級有戒心
騙財事小,騙色事大!
死啦我咁瀟灑,賣落火坑一定會日做夜做好辛苦ga je........



好彩~最後都真係成功上船,仲比我識左一班來自俄羅斯加里寧格勒既朋友~
佢地對於我都去過Kaliningrad深表驚奇,再一次印證我之前講過果句 ------ 果度真係無人去ga!!!(詳情請參閱 第六十九章 第七十章
終於要出發啦!!!!
岩岩舉起相機--------ee做乜隻船返轉頭ge?
壞船???唔係咁黑仔呀??
擾攘一輪,半粒鐘後終於要換一架大船..................
個人感覺,船越細越好feel and vice versa,so即刻失望左............
但同時都懷疑佢係想一炮過載多d人賺多d而攪到咁........



攪左勁耐,總算可以出發啦!
隻船係咁一直一直駛........行呀行呀........穿過草叢.....哦轉彎啦.......到湖中心啦.....一直前進.......哦d水幾藍wor........
如果我一直用咁既寫法會唔會比人打呢~~~XDXDXD
正經啦~Skadarsko Jezero係一個橫跨蒙特內哥羅及阿爾巴尼亞的超大內陸湖,係地圖上睇國界,係比一條直線摩西式劏開左的
即係理論上呢隻船係可以穿越偷渡過去阿爾巴尼亞ga yeah!~~~~~~
不過以對面國境邊防咁嚴,強烈懷疑未到對岸已經被李力持鐵腿水上飄式火箭炮炸毀..........



介紹個湖je~~~~~使唔使講咁多唔啦間ge野ar~~~~
因為我遊湖時真係無咩特別野發生嗎~
係一望無際,廣闊媲美海洋既清澈蔚藍湖上,柔風化淡艷陽的暴熱,閉上眼睛,喝一口俄羅斯朋友的正宗伏特加,此情此景,幾咁逍遙寫意.........所以我訓著左!
車~~~~~有幾奇ar~~~十幾個鬼佬全部飛哂落水親身游湖,但換衫沖洗就得一格廁所,都係坐低靜靜享受算啦~
其實湖呢家野,高處遠處睇都係超靚,但坐到船身邊湖中,又會覺得無咩好特別
所以我對呢個湖既評語只係 ------- Ok ar~
而呢個湖,亦係我旅程中印象最淺既一個,唔係要寫呢篇野我日常都唔多會諗起!
不過都要公道d講,個湖係唔差的~嚟到Podgorica係值得一到的



回到Vranjina,係咁ee行個圈就返Podgorica啦
由於身痕,等登試下坐當地火車走,嚟左南歐咁耐都無坐過~
以Podgorica既戰地落後情況,我正預備一試印度難民式五星戰隊火車,點嚟左架比得上德國最新式既子彈頭........
但車內就同港鐵放工時間無分別,而且非常新淨!車外d中途站就比炸彈炸完咁樣.......
wei妳反差咁大我好難適應ga!


(呢張係鬆動左先影到,之前我貼住道門相機都囉唔到.......)

其實夜晚已經無野行無野做,咁不如早d食飯啦!
順勢講下Podgorica的飲食先~
見到呢度咁殘,都估到呢度生活指數唔會高啦~
無錯呢度食野比Kotor既烤肉店更平!!!!!
常見既塊面咁大既巴爾幹巨型漢堡突破底價只售1€!!!!!



兩晚既dinner於市內有名既餐廳buffet Pod volat,牛肉湯+烤牛仔扒+啤酒,烤牛心+奄列+啤酒,又大碟又好味,又係10€唔使一餐~
飯後仲可以行過對面d小鋪,買個好好味又甜到嘔既朱古力醬椰絲pancake做甜品~又係1€~柏林起碼3.5€ga!!
食方面係呢度真係過足癮~
而且今晚天氣涼左,市中心終於見到係有人ga啦!!!!!
總算於last night時對此地印象略改~


(就係呢間餐廳)

(牛仔扒,really not bad!)

(烤牛心,味爽脆似食雞腎,可能佢處理不當所以有d內臟腥味)

(咪講笑,呢塊野真係堅好味!)


回到hostel都係做功課寫postcard的時候,寫寫下一個亞洲籍青年進門,望一望我d postcard再微微一笑
「直覺佢唔係香港人,又一定唔係日韓泰越,氣質又唔似台灣.........」我照直同佢講呢番說話,再問佢------你係新加坡人?
佢哈哈一聲~「Yes you are right! But you forget 1 option ---- Malaysia~ I am Malaysian live in Singapore! And my Mother is Hongkongese~」
咁複雜點估到呢~~~~~~不過我罕有地同呢位來自新加坡的年輕男律師Kyle異常投契~
兩個人英文粵語普通話3色混集,攪到深夜出街外啤啤佢,吹水吹到天花龍鳳~又識多一個會keep contact既外國好友~
聽聞佢係由保加利里穿過馬其頓同科索沃到此的,攪到我都好想去下...........可惜時間唔夠,剩底既行程已全部plan好無走棧空間lu....
Anyway,多謝Kyle為我於蒙特內哥羅的last night添上色彩~


(兩條友就咁坐左係度吹水~)

仲有樣野想講下,話說呢間hostel係有冷氣的(間野已摺埋,但都唔係極好,算啦)
但古怪的是,冷氣設於二樓走廊,二樓兩間房內係連風扇都原來沒有從來都沒有的,所以在炎熱多蚊的夜晚,只好開門讓冷氣進入
第二晚有個約廿歲的鬼仔一訓覺就關門,我同佢講開門原因,佢既回答竟然係「我唔覺熱wor!」
(即刻火火地)我 :「但我覺呢!有冷氣涼好多」
鬼仔 : 「而家房內有冷氣啦,關得門啦」
我 :「咁成晚得呢d空氣咪好焗law」
鬼仔 : 「焗咪開窗law」
我 :「開窗有蚊呀」
鬼仔 : 「蚊唔咬人,唔會咬我」
我 :「但咬我呢粉腸」
以上對話全程英文,除左我最尾兩隻字,因為唔識點翻譯。
可能比我嚇窒左,條友仔終於唔出聲上床訓,其實隔離房都係開門訓啦,而且有locker根本唔使擔心財物,使唔使咁自私!?
當然係佢角度係我自私啦,逼佢要涼冷氣蓋被



好啦,經過5章,共7日8夜的旅程,要同蒙特內哥羅講再見啦!
今次於呢個無乜港人到過的發展中國家既探險真係非常有趣!當然更開心係113章時去到夢想中之Perast啦~
我諗我將來會再嚟多次,只係個海灣都已經係reason la~
如果想去蒙特內哥羅自遊行既朋友,希望呢幾篇遊記會對你有幫助啦!
下回...........唉又試out plan臨時改行程地點呀!!!!!!!!

========================================

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,多多支持呀!~

沒有留言:

張貼留言