2016年3月11日 星期五

日本紀伊半島Day1.1 - A5和牛做早餐

紀伊半島第一站,朝早流流嚟到三重縣松阪市,成晚無食野餓餓地,整個A5和牛做早餐先!!
Wa係咪咁串呀!!!阿鋒你發左達ar???背包客走嚟食和牛!??
無錯!因為松阪市只係出名一樣野,就係牛!傳說中日本首屈一指既 ----------------- 松阪牛!!!!!!



唔係呢隻ar!!!!!!!!!!!!!!!~~~~~~~
根據資料顯示,日本三大和牛為 : 神戶牛、松阪牛及近江牛(亦有說是米澤牛),當中又以松阪牛最為強勁,而價錢亦都非常強勁!
不過原產地一定會係最新鮮同最平的,起碼會慳返運輸費ar~
一場嚟到,點都要試一試呢種位於世界最頂尖既牛肉既!
網上做完功課,松阪市內幾乎公認最有佳的松阪牛食肆為「和田金」及「牛銀」,呢一金一銀以壽喜燒sukiyaki馳名,亦以店如其名吸盡你既金銀馳名,對於不嗜甜又欠金銀既我嚟講絕對non of my business


(唔講係食肆,以為係課長島耕作既辦公室tim)

(個專用停車場使唔使咁大ar…….)

(牛銀本店相對小店feel d)

(但都係超大個停車場)

靚既牛都係炭火燒係最好,所以我既目標就係三重縣既連鎖烤肉餐廳,以性價比高聞名既「一升」總本店
但佢地營業時間最早都係11:00,普通朋友日常可能已經磨刀霍霍向爹娘準備lunch,但對放假中既我嚟講呢個時間真係早到嘔,所以本篇”早餐”呢個標題係唔係昆人就見人見智啦~~~~



店內地方不大,油煙亦非常重,但我就係鐘意呢一種風情風味,呢d小店式格局先係有料到ar~~
店員大多不懂英語,但一如日本慣例非常殷勤地招待你
正如上面所講,一場lai到,無理由唔試下最高級既松阪A5和牛掛!而且係度完全唔使擔心食到假野舢舨充炮艇,因為每份A5和牛都有標籤註明養育地、邊個牧場、發行商及邊日歸西,絕對係信心既保證
好多人lai”一升”都會選擇要佢既5000yen和牛烤肉套餐,有A5、赤身、牛什拼盤及蔬菜但我計計條數,赤身同蔬菜我都無乜興趣,單點其他野價錢都差不多,所以我既早點菜單就有A5、厚和牛舌及牛小腸,當然啤酒同白飯係唔少得ga la~



先來既係厚和牛舌。老實講係好好味的,又爽又滑,味亦比普通既香濃,之不過又未係好味到會爆衫或彈上屋頂果隻,係香港都可以食到既味道,又或者燒牛舌既極限已盡於此。



牛小腸則油脂甚豐,脆身,但基本上咬唔開,我第一次食,唔知係唔係正常啦



主菜lai啦!!!!期待已久的世界最頂級牛肉A5和牛!!!!
2500yen就係咁兩件少女手掌心大小及食指咁厚既粉紅白色迷彩長方塊,但真係睇到都覺無得頂!!!
放在炭火上輕輕一灸,肉色轉迅變得灰白,被鐵網烙出縱橫不一的漂亮花紋,油脂一點一點滴下,連帶輕煙和香氣,發出滋滋的聲音…….
好,偽文青既作狀說話就到呢度為止~燒到5成熟中間粉紅,一啖咬落去,滑到幾乎唔使咀嚼,會係口腔內直接溶化!
牛味唔算真係好濃,但好香!真係好香!但又唔係只食肥膏果種油膩,可以話係充滿牛味既滑豆腐!
讀者可能會話,呢兩塊咁既肉片,打邊爐嫌厚煎牛扒嫌薄,竟然要2500yen???當6.5算都要$162會唔會太過份ar??
唔過份~~~當你知道係香港,1塊索價$1700港幣,仲要係兩年前既價格時,分分鐘妳會大叫 :「小二!嚟多兩碟!!」
但我一碟已經夠哂數~而且銀包都無咁豐厚……
唉大鑊了……..以後食唔返點算……………..



一輪風捲殘雲,不論味覺、視覺同聽覺都得到左最佳享受,咁就係時候小二埋單了
61xxyen……….我除左去婚宴外從未食過咁貴一餐,享受過後果然係痛苦ar……….
一生起碼豪一次,算啦


(店員仲細心地奉上熱茶及冰水~)

食飽左啦,咁松阪有咩玩呢~咁就要講返我lai呢處既原因了。
其實當初我揀三重縣呢個交通唔方便又山卡啦既地點,表面目的係為左貫切一直以來的「開發少人去的旅遊地點」,但真實原因,根本就係三重縣松阪市係我最愛偶像既出生地!
鐘意果個人自然就想接近佢多d認識佢多d,所以根據毒男心態,我毫不猶豫就選擇左呢度為我輕輕鬆鬆放大假活著viva的目的地,之後先慢慢再plan周邊有咩地點值得去玩~
究竟係d咩人傑地靈既地方先可以誕生到一位如此人靚聲甜又完美的偶像呢?更重要既係身處其中,踏足於佢行過既道路、用膳於佢食過既餐廳……..精神上會覺得同佢close好多好多……….真係不能不講一句-- -- -- -媽,好毒呀!
但到而家完成個trip後,係完全無一絲既毒氣存在ge,反而異常精彩(我覺得)~
既然原本目的係為左我愛既人,第一站當然就要嚟到佢既故鄉啦~
三重縣松阪市~~~妳究竟有幾特別呢~~~~~~~~~~~~~



係一d都唔得別ga…………開頭以為周街都會係佢既歌曲同海報,仲會有代言宣傳,但估唔到係乜都無law……..
松阪市已經係三重縣比較重要既城市,但依然係人煙稀少,星期五早上充其量只有數間店鋪在營業
最有名的松阪城遺址亦只係一堆空地,但都有少少feel ge,而個feel就係步於石階之間時有三國無雙攻城侵略既感覺,忍唔住講返句”敵將! Is Doctor Lee!”
至於點解日本古城會有中國三國時代既感覺………….唔好問我……….



原本浪漫地(劇毒地)踏足愛人既步伐,竟然變左殺風景既燒烤肉食,唉點解我嚟松阪既目的會完全轉哂ga….…….
既然尋尋覓覓都找不到,亦不宜在此磨爛蓆,向今日第二個目的地出發吧啦
下回繼續~



======================================

唔知係唔係題外話,但我食完呢餐飯後瀉足全日,唔知關唔關太油膩事呢………

=====================================

一升びん 本店
三重県 松阪市 南町 232-3
http://tabelog.com/mie/A2401/A240102/24000073/

======================================

好多靚靚地相片及無聊小故事的Facebook Page :
My Facebook Page : www.facebook.com/Garcia.in.Germany
Instagram : https://www.instagram.com/fung_garcia/
請多多支持呢~

沒有留言:

張貼留言