2016年4月20日 星期三

歐洲隨筆001 - 工作的意義

「小鋒,你覺得這裡的衣服怎麼樣?」
這是我係德國的第一份長工------服裝店助理,返工一星期後的某一天,我阿head無呢啦間彈句咁既野出嚟
我第一個反應係 : 小乜鬼鋒,我好似大過妳ga wor......雖明知大陸人鐘意叫小乜小乜,但總係怪怪地,如果我姓李咪好唔得閒........算唔理
第二個反應係佢咩居心呢?唔通想試我,再同大老闆打小報告?wei我嚟part-time ja wor,最多咪返3個月,應該唔需要咁做........

一瞬間未諗到佢想點,保險為上,即刻chok個人畜無害既烚熟狗頭出嚟先隨意咁講 :「還可以呀」
「別說這些,你老實覺得,這兒的衣服美嗎?」這位移居德國多年的年輕媽媽加強語氣追唔住唔放

整間店,得我同佢兩個人做野,間鋪又連烏蠅都無得拍,搵個人轉移視線都唔得,唯有硬答d hea野「美是一種很主觀的東西。每個人的審美眼光不同,妳覺得美他可以覺得醜ar~(笑臉)」
「我就覺得這兒的衣服特別醜!」然後一輪咀連珠炮發,又話德國老細無眼光無taste,又話咁既衫鬼有人會買,又話日日對住d咁既肉酸衫好痛苦等等等等,我就係旁邊唔唔唔唔,一於沉默就係最好既回應

當然我好想問一個問題  : 「妳講到咁辛苦,點解仲要繼續做呀?」
人既時間好有限,點解要浪費光陰係自己唔鐘意既事上面?
工作係現代人生活的必然部份,人一生中差不多有近半時間係與工作為伴,如果你既工作係唔開心既,即係你討厭左你一大半既人生!
當然黃子華話齋,開心一日唔開心一日,都係1/2選擇,我鐘意選唔開心呀吹咩~
得~但咁有乜謂呢
特別係我呢d 80後,由細到大比日本漫畫貫輸既價值觀都係「夢想大過天」、「我要做海盜王!」,為夢想理想可以放棄任何野,點解我要困於社會大牢,為五斗米折腰?唔滿意,咪炒老闆魷魚law!人生又唔係得一條出路!
至於當時working holiday緊既我,當然係對呢位上司又要做又要怨既行為嗤之以鼻啦



之但係,有頭髮,邊個想做二師兄
返到香港,理想狂熱狀態稍退時,便明白自己有點太主觀,有機會錯怪那位年輕媽媽了
人生在世,總有好多無可奈何,焗住要做,甚至想做但做唔到既的不如意事
我夠想有個小甜甜身家陳法拉樣貌周秀娜身材郭靄明性格既老婆啦
唔係無~~~只係無叮噹同你一齊住都唔係咁易攪得掂law!
年輕媽媽的背後故事我始終所知有限,可能佢本身想做一個出色既舞蹈家,但屋企有十幾個兒孫高堂等佢買生果呢,又可能佢要keep工作先可以留係德國.........家家有本難念的經,點可以咁簡單用我個人既價值觀來評斷他人的生活?
人始終都要食飯,始終都要生活,不能太脫離現實



大學year4時,小子曾有幸跟隨資深舞台劇前輩馮祿德老師製作經典劇本《打字員》的演出
劇中是一固定場景,只有兩張枱兩張櫈兩部打字機,開幕時主角剛上班,係一名初進社會工作的青年,做一份日復日年復年的沉悶打字工作,只為儲錢實現理想,讀法律做律師。係短短40分鐘的劇內,他向同事說了很多大志很多理想,有過熱情有過失落......最後劇終時,他離開打字機下班,但已經是一個60多歲的老人了。
最近腦內經常回想起呢套劇的點滴,正好提醒我,不要做另一個打字員。



成長了?還是向現實低了頭?
我無諗咁多
我只知,未來仍有好多野等住我去探索,等我去實現
工要返,錢要搵,但絕對不能忘記你真正想做的事
離開,是為了回來 ; 休息,是為了前進
只要不忘記夢想,短暫的蟄伏,短暫的苦痛,有甚麼大不了?
金鱗豈是池中物,一遇風雲便化龍,下聯兩句唔要
城城同伊健,我等緊你地ga!



=======================

呢一篇係德國working holiday故事後的第一篇,亦係小弟寫Blog另一階段既開始
我唔係想寫咩大道理,只係諗到乜就寫乜~往後亦會不定期以咁既形式出文,反正無責任隨筆亂舞本來就是我的風格
如果閣下係第一次睇小弟既文章,我強烈建議你由頭睇一次我136篇既德國working holiday故事!
睇完之後,你就會明白-----------其實d文真係好無聊ga!!!!!!!XDXDXDXDXDXDXD

德國working holiday第一章 : 出發 —— 前的廢話!

一如以往,我個Page會放一d未能成文的趣事,當中有9成都係自high,所以無興趣係可以唔like ga~
當然妳like左我會好感激啦~
My Facebook Page : www.facebook.com/Garcia.in.Germany

沒有留言:

張貼留言