測試1

2021年7月19日星期一

西貢泥涌︱大海、夕陽與天空之鏡【香港郊遊15】

麻煩大家Follow左我YoutubeInstagram 呀plz~!

呢個係IG~👇👇



=====================================


有d野細個唔識珍惜,到大個先會知佢既寶貴之處

呢個道理多數apply係中學時追女仔,估唔到我竟然應用到落「泥涌」呢度!

鬼咩~ 住沙田既我,中學時代係泥涌都唔知留左幾多腳毛

記憶中只係成班佬無女仔既BBQ又熱又悶,仲要個個窮苦學生,唔知邊條粉腸帶路由馬鞍山新港城行入去.......

哎呀前言又太長tim~

總之廿幾年後的現在重臨舊地才發現,泥涌竟然係一個擁有極美自然風光,並且超方便到訪的小郊遊地點~ 仲一次過有齊大海、夕陽與天空之鏡美景!

點解我蒲左沙田30幾年,而家先知有個咁好既地方就係左近呢........


  • 文章概要:

  1. 交通
  2. 平坦小路
  3. 大叔的碼頭
  4. 石灘攝影
  5. 殘橋與泥漿
  6. 泥涌日落

西貢泥涌



  • 交通

話就話「泥涌」屬於西貢區,但根本就係烏溪沙不遠處,多數沙田人(至少我係)都當左佢係馬鞍山的一部份

交通方面,幾乎所有由新界東入西貢的車都會經過,即可於沙田市中心坐299X
而家屯馬線開通咁興奮,更加可以坐到總站烏溪沙才轉乘99號巴士,會平過係馬鞍山站上車的~

另外泥涌巴士站做緊工程以致非常唔顯眼,小心錯過!


+++++++++++++++++++++++++++++++++++++++++++



+++++++++++++++++++++++++++++++++++++++++++


西貢泥涌

西貢泥涌


落車後按指示行入去,見到舊巴士站位繼續直行

係下圖果個位行落去就係泥涌了~

烏溪沙巴士坐5分鐘,落車又行5分鐘,即係唔使4個杯麵的時間就到達郊遊風景位 (點解聽落好似好耐ge?),會唔會太過方便?~


西貢泥涌

西貢泥涌
(圖中方向直行~)

西貢泥涌

西貢泥涌


  • 平坦小路

斜路一落,入目已是一片非常廣闊的泥石灘~ 好靚呀~


西貢泥涌



面對咁靚既風景,係好應該立即飛撲落去全身暑假投奔初夏~

但我只非常冷靜地係上圖呢個角度猛咁影

梗係啦.......外面34度酷熱警告,我企呢度就涼風樹蔭,點會想郁........

其實諗真d,明明泥同石都唔係咩乾淨野,點解呢度會咁有feel ge? 唔通真係藍天白雲加持下全部upgrade 50%?


西貢泥涌


西貢泥涌



終於比蚊蠓咬到焗住要走........

沿路前行可以睇到大石灘的不同面貌,一d都唔覺得悶~


西貢泥涌

西貢泥涌

西貢泥涌

西貢泥涌

西貢泥涌


  • 大叔的碼頭

行不夠10分鐘,已到達盡頭泥涌碼頭~

上網睇其他介紹相果陣,碼頭係空無一人任影唔嬲,誰不知我當日一大班「黑古luc掘」大叔一字型坐哂係度

潛意識成班阿叔聚埋,一定黃賭毒是但衰一範唔荒好野!



西貢泥涌

喂再睇真d -------- 成班麻甩大叔係度放風箏!!!!????????? 

再仔細聽佢地高談闊論,原來係自己友圍內鬥風箏,玩法似乎係邊個𠝹斷哂其他風箏就算嬴!?

成班男人𠝹女見得多,𠝹風箏我都係第一次見....... 點解d活動咁健康ge,個feel好唔match ar..........

不過當我由下方影上去,一班風箏佬成張哪些年poster咁,又真係陽光青春左wor~


西貢泥涌

西貢泥涌
(那些年,一起煲煙放風箏的大叔)

西貢泥涌

西貢泥涌

西貢泥涌
(碼頭另一邊全部都係風箏線)

西貢泥涌
(另加大量插腳蠔殼)

那些年
(日版女主角完勝)

那些年
(私心放多張飛鳥圖先~)


  • 石灘攝影

係時候落石灘影下相啦~

呢度就無咩好講了,始終我影相都係弱雞,大把師兄比我更識囉角落搵靚位~

只係想提提大家,7月盛夏,起碼下晝5點後先會既有陽光又無咁曬~

對我嚟講,呢個時間岩岩好,起碼唔會變燒豬先~


西貢泥涌

西貢泥涌

西貢泥涌

西貢泥涌

西貢泥涌

西貢泥涌

西貢泥涌
(都幾多人嚟影pre wedding,但唔會好污糟咩?)

西貢泥涌

西貢泥涌


對鞋夠勁又或似我著cross既更加一流,可以行落水或涉水去唔同地方地形海邊影相~

赤腳得唔得?

當然無問題啦~ 但首先你要有石舂路跑步唔慘叫既能力~


西貢泥涌

西貢泥涌

西貢泥涌
(係海中心影過去,都ok~)



  • 殘橋與泥漿

影完石灘,可以過返殘橋果邊影相啦~

話哂都係泥涌的標誌,所以大部份人都會湧哂去橋度影相,甚至會有d大媽影足兩粒鐘阻x住哂

都係果句,唔係唔比妳影,但唔好當自己買左呢度死霸住d位先得ga,入哂鏡ga!

新垣結衣就話無問題je,妳地係屯門阿姨ja,理下其他人感受啦唔該

唉,睇嚟要認真練下photoshop了.........


西貢泥涌

西貢泥涌殘橋
(呢張相......我用左半個鐘嚟執走4個大媽....)

西貢泥涌殘橋
(而有一個仲係我後面)

西貢泥涌殘橋
(影左兩個鐘.......無語.......)


另外,如果要上橋,我建議正正經經由橋尾上去

因為若似我咁想打橫剷過去,斷橋兩旁全是輕軟污泥,我一踩就沉到落小腿,十足盜墓迷城沉落d浮沙咁!

而且d泥會完全吸實對腳,超極難拔返個人出嚟,一個唔該向前仆既,包妳立即變周星馳!


西貢泥涌殘橋

西貢泥涌殘橋

西貢泥涌殘橋
(一張圖睇哂大媽阻街同洗泥既狼狽~)



  • 泥涌日落

江湖傳聞如果岩時間,泥涌係影天空之鏡的好地方~

我相信應該係得ge~ 只係可惜我到訪當日水唔算多,只能影到部份鏡面,但已經好滿足啦!


西貢泥涌天空之鏡

西貢泥涌天空之鏡



近日落時分,係殘橋係某d角度仲可以影到兩個太陽tim~


西貢泥涌天空之鏡

西貢泥涌天空之鏡



係殘橋見太陽入山後唔好走住,快d行返去碼頭果邊!

因為 ---------- 好大個咸蛋黃呀!!!!!!!!


+++++++++++++++++++++++++++++++++++++++++++


  • 延伸閱讀 : 


+++++++++++++++++++++++++++++++++++++++++++


西貢泥涌日落影相

西貢泥涌日落影相



痴線ga! 

泥涌呢度,唔單止有齊斷橋清水綠草等等美景構圖原素,仲有環山海景、天空之鏡與黃金夕陽,所有野都只係離市區10零分鐘路程,會唔會太得天獨厚呀!

學生時代唔識佢有幾好,而家比我發現後,睇怕都有round 2 round 3 round無限了~

希望唔會又極速比人群攻陷啦~


西貢泥涌



好~ 最後係注意事項~

  1. 如果唔計行落泥灘,由巴士站至風箏碼頭的道路完全平坦,連輪椅人士都能應付自如~
  2. 唔好著普通拖鞋,泥灘亂石非常刮腳,如果不幸如我沉落泥中對鞋一定無硬! 建議著返d防水力強或水上運動專用鞋,女仔想影相靚靚,就到時先換鞋啦~
  3. 近碼頭有公廁,但無士多,記得帶多d水呀~


====================================


請大家Follow我Instagram啦~





=====================================


我既Youtube Channel正式開通啦!!!!


新影片已upload,快d Click入 「鋒加西亞 / 旅人瘋語」Subscribe 睇片再禁個like啦!~





主要影片 :


=================================

相關篇章 :

  • 香港郊遊系列

1小時內攪掂 :
005 - 沙田行去慈雲山,原來超級簡單
006 - 大埔三門仔,零難度的全海景輕遠足
009 - 粉嶺鹿頸至谷埔︱夕陽下的隱世蘆葦田
011 - 大美督家樂徑︱4大隱世絕美風景
013 - 長洲小長城︱驚喜十足的奇岩怪石小徑
014 - 紅香爐峰10分鐘極速攻頂︱維港日落全景最佳選擇


2至3小時行完:
003 - 香港仔自然教育徑
007 - 西貢大灘郊遊徑,長者行山無問題
008 - 飛鵝山芒草之行
010 - 青衣自然徑︱馬灣海峽+青馬大橋無敵日落美景

行完會攰:
001 - 夜登鳳凰山︱我得罪了日出之神
004 - 赤徑與鹹田灣,宛如沙巴的美麗海灣
012 - 上窰郊遊徑+曝罟灣堤圍︱超強打卡+輕鬆行山首選
002 - 簡單快速+靚景,龍蝦灣郊遊徑


  • 發掘香港系列

城市偷閒系:
1 - 香港Staycation首選,皇家太平洋酒店住後心得
2 - 城市步行︱鯉魚門的絕美日落
5 - 訊號山花園︱尖沙咀鬧市中的秘密綠洲


影相打卡系 : 
2.5 - 鯉魚門石礦場︱夕陽下的芒草群
3 - 己連拿利︱港島攝影秘景,宛如荒涼未來的異世界
6 - 石峽尾公園粉色牆壁︱網紅火熱打卡點實測
8 - 歌連臣角炮台打卡位︱網紅不會告訴妳的兩三事
10 - 白樓「機場核心計劃展覽中心」︱夏天影相一流地點



美食推薦系:
4 - 香港的希臘小店,味覺的新衝擊
7 - 石峽尾一日遊︱美食推薦+文青打卡位懶人包
9 - 愛文生大排檔︱性價比超高的街邊豪氣滋味


===============================

  • Email : funggarcia@gmail.com





文章同時刊於以下平台,請各位多多支持呀!!!!!!!!!!!!!