測試1

2013年9月13日星期五

德國working holiday第七章 : 食朱古力係會肥ga

講左咁多篇生活上既難關同心情,係時候寫下見聞啦~
呢幾日共去左BMW博物館,奧運主場館,瑪麗茵廣場左近各大大少少教堂............
每一個景點都美不勝收或令我目瞪口呆!
但仔細留意既話.................無錯!樣樣都係旅遊書既重點推介!
所以我今次要介紹既,係旅遊書不常見,位於瑪麗茵廣場食品市集旁一個叫Schrannenhalle的食品市場地下既Milka朱古力專門店!
唔知咩嚟?見到呢隻紫色乳牛應該有印象la掛!



可恨既係同行既backpacker完全唔知咩嚟........大家都係80後,唔好顯得我咁老先得ga........
呢隻係香港絕種多時既朱古力,係我一,二年班時旅行或生日會必備恩物!仲記得佢最出位既心型朱古力果種滑溜......
多年後他鄉遇故知,怎能叫我不發癲!!






而呢間專門店,除左有齊各式各樣奇形怪狀千變萬化既口味外,仲超多諗都無諗過好正既side products!!




其實仲有好多好多!而最後既戰利品-----------



個味道其實無乜好特別,但真係偏甜同好滑溜~
今次無意中走左落去,個感覺真係好似去到Johnny Depp既Chocolate Factory咁!同時又勾起哂d兒時回憶!
加上呢道既價錢比出面普通德國超市起碼平$5港幣,真係好想搬哂成堆朱古力返hostel!!!!
而當我好high咁whatsapp香港既娘親見到呢d正野時,佢一句ban埋嚟"你唔好食咁多朱古力呀!好易肥!"
.............同住左近30年,佢有幾何見我會無啦啦囉粒朱古力食ar..........
盤冷水真係多謝哂.............

================================================================

p.s.1 ,用tablet upload相真係好辛苦!無flash要慢慢一張張上載都算,最慘係d直相全部打橫哂又改唔到!更不用說hostel ge 龜速wifi吧...........
p.s.2,係各好友網友鼎力相助之下,我今日終於揾到啤酒節果4日既住宿啦!!25€一晚獨立房訓梳化床勁乾淨,暫時係物超所值既,希望房東相處落ok la……… 不過都係4日je!在此再三感謝大家!!

====================
=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



沒有留言:

發佈留言