測試1

2013年10月31日星期四

德國working holiday第三十章 : 人夾人無藥醫,Happy Halloween!

朋友呢家野,對於working holiday既朋友或backpackers都係一種好特別既存在
簡單嚟講就係「太近唔掂,太遠唔得,太多會煩,太少會悶」
旅途上有好多種交朋友既方法 ---- 去酒吧,住sharehouse,couch surfing,參加tour,街頭賣藝.........就算係hostel common area齋坐都一定有人同你搭訕
而我係頭尾兩種居多ge,以前係北京就係咁識到一班無可替代既好朋友!
但到現在已開始近3個月的旅程,我反而有種「交友疲勞」,同陌生人傾偈會好有應酬感覺
如何保持一個平衡點係一個學問
要搵到一d可以傾得到,信得過既朋友,係香港都唔咁易,何況係外國????
更重要既係,由於我地四處飄汨,再好的友情都有離別既一日,而有d更可能一世都無機會再見
keep contact?但始終和促膝長談有一點點的差別
久合必分,何不瀟灑地離開?學懂這一點,也是backpacker必修的一課呢
至於我,到而家距離瀟瀟灑灑的上機仲有一大段距離
所以一個月東歐遊後仍然返到慕尼黑hea一排既主要原因,就係想同一班傾得埋既朋友過Halloween!
好多人話德國既Halloween好正,而係巴伐利亞州,萬聖節仲係公眾假期來的!
但正既意思一般係指party,咁我一向都麻麻地呢d地方,一來怕嘈吵既電子音樂,二來怕溝哂d女出唔到門口,三來我鐘意嘆酒多過劈酒
所以呢個人生第二個不在香港的Halloween,都係好浪費咁同班係度識既香港好朋友食飯飲酒吹水玩白痴game~
其實都唔浪費!
可以係bar見到蜘蛛俠除口罩飲cocktail wor!搵到一班傻人同你玩"who am I" wor!抵呀!
(以上係2013年寫既原句,當時仲未知果個係deadpool..........傻仔左........)
Halloween之後兩日,為farewell我同一齊去柏林既朋友C,連續兩日係朋友S家食煮家飯,而好有趣地第二晚全部係我煮的
乜唔係farewell我ga咩喂!~~~~
但同呢班人一齊點發癲都得,真係好開心,完全無應酬既感覺~
所以人夾人呢家野,食乜藥都迫唔到ge
係時候離開慕尼黑,希望柏林,以至其他地方都有一樣既好人啦
=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



2013年10月29日星期二

德國working holiday第廿九章 : 天陰天鵝堡

由奧格斯堡返到慕尼黑hea左一日,29/10受兩位美女邀請同行去新天鵝堡即日來回
無拒絕既理由ar~於是又去左旅遊啦!
知道啦~我似嚟環遊世界多過working holiday ma!我會做ga la我會做ga la~
 
由慕尼黑出發約兩個鐘火車到Fussen,再轉十來分鐘巴士再行多廿分鐘上山就可到達新天鵝堡
沿路上充滿非常熟悉既聲音,無錯又係普通話..........
不過無計,鬼叫呢度係全德國最有名既景點咩
相傳話,迪士尼既睡公主城堡就係取材於此,而且係以後所有童話故事城堡既藍本
即係話睡公主,白雪公主,灰姑娘,史力加夫婦,阿拉丁夫婦,骷髏頭堡主,索倫眼,德古拉伯爵,Belmont家族等等等等全部都係呢度!
放心啦個堡咁大實住得哂ge
由於排隊入城既人實在太多,我地都係係外圍影下相算啦,反正只係城堡外觀都足夠謀殺我地唔少菲林(而家點會用菲林呀先生!?)
一般都話離城堡10分鐘路程既吊橋上係攝影既最佳位置,但點解無乜人會過哂條橋上山影ga呢??
個人覺得雖然山路有少少難行同危險,但上面先係最佳影相地點呢
 
 
平時既新天鵝堡,影親都係風光明媚,玉雪可愛的模樣,一上facebook就有幾百個like
但呢個無敵美景係山雨欲來風滿樓之下,卻展現出另一般不同的氣象
陰暗,沈鬱
朋友話 : 「好似白雪公主後母個城堡」
我無乜研究過西方兒童文學,所以好奇一問..........白雪公主唔係同後母一齊住ga咩????咁咪即係白雪公主城堡............
 
霪雨霏霏,天陰後迅速落山參觀埋山腳既舊天鵝堡同Alpsee湖就回程啦
其實呢兩度都好靚,特別係Alpsee湖我覺得真係比得上國王湖,但陰天時風景殺傷力減40℅..........
所以旅行,真係好睇天氣ga
 
 
夜晚大家都好想食豬手,於是又去HB啤酒屋大杯酒大塊肉!
講真雖然呢度已經係遊客餐廳,但以我係慕尼黑食過咁多間燒豬手既經驗呢間一定係top 3!
只係前兩三日晚晚都飲到半醉,今晚唔想飲太多,於是叫個Radler抖抖(即係半啤酒半汽水)
只見waiter右眼微皺,左邊嘴角微微上揚,明顯心裡冷說一句「男人老狗飲Radler」
呀!!!!!!!!!!!奇恥大辱ar!!!!!!!!!!!!!!!!!!!!!!!!
 
 
預告一下,長線旅行遊記暫到這裡,因為旅行真係暫告一段落啦!
嚟緊會寫返多d德國生活上既點點滴滴~

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



2013年10月26日星期六

德國working holiday第廿八章 : 奧格斯堡,悶到離譜

開始正文前先來廣告!
旅程上有一d瑣碎雜相,想講幾句但又未能融入完整文章,都放左係新開既facebook page : 
同呢個blog沒有重疊的,各位網友有興趣可以like下支持下ar thx!~
 
============================
 
我自己都以為旅行會暫時完結,點知星期五六日慕尼黑所有住得人既hostel床位已經全full (係我角度hostel 30€一晚唔係人住ga)
而現暫借宿既印度人屋企,我真係再頂唔順佢果種極度潔癖
於是毅然再次負上背包,向另一城市進發!(得啦唔好講到咁型啦,其實你只係走佬ja)
 
奧格斯堡Augsburg,羅曼蒂克大道終點前一站,亦係其中一個距離慕尼黑最近既城市,坐火車不用一小時已可直達
雖然旅遊書都有一兩頁介紹此地,但如果你好似我咁已經厭倦哂普通既皇宮教堂,基本上呢度又無乜野睇的
舊城區行一,兩個鐘已經行完,地標既噴水池s全部維修中
既然係咁唯有周圍亂行啦!有地圖同google map係唔死得ge~
但行完哂後,又係係coffee shop及酒吧寫postcard打blog度日
好彩,當時仲係秋天,大教堂外遍地黃葉,而城內又有小水道縱橫貫穿,總算為此行添上幾分詩意

 
此行4日3夜,雖然真係幾悶,但有兩件奇遇真係要講講!
第二晚亂撞入左間主做本地熟客生意既酒吧食飯,旁邊一位中年伯伯好熱情咁捉住我不斷傾偈,而我又好開心咁不斷同佢講野~
問題係,佢唔識聽講英文,我唔識聽講德文!
個對話情況大約就係“回魂夜”個越南仔聽唔明隻鬼個恐怖電話一樣,但我地仍然你一句“X交叉Y”我“good good good!”,我一句“I go to school by bus”佢“yayaya!”
酒吧老闆娘係旁邊笑到痴線!
你可能好奇怪,咁都傾到3個幾鐘??
嗱~啤酒係男人既世界語言~同埋有種玩意叫draw something呢~
 
 
第二件事發生於第三晚
深夜係hostel房內睇交響情人夢電影時,同房既法國人返嚟,望一望我睇咩戲後大家開始傾下d電影話題~
荷里活點點點ar,波里活乜乜乜ar,梅麗史翠普有幾神ar等等等等
之後佢突然爆一句 : 「香港導演我最鐘意杜琪峯」
唔係掛!!!!?????咁你都識!!!????仲要話佢飛佛係“文雀”!!
識杜sir都算,竟然連“文雀”都識就真係唔係扮野!
我講到我最愛劉青雲時,佢即刻話“He is crazy and act perfect in Mad Detective!”
我講劉德華時,佢話“He is good but always the same character”
我講陳偉霆時,佢話“I don't know who is William Chan”
連“神探”同劉華都知,我唔寫個服字都唔得!
之後佢話到佢學過中國功夫tim,仲可以好仔細咁講出詠春,洪家,螳螂呢d門派特色
於是我地就咁講電影講功夫講成晚!
佢並唔係咩中華文化發燒友,只係識既野非常多其中包括左呢d je!
旅行中同呢type人暢談,愉快之餘都係學野呢!
 
 
備註兩則~
當地既postcard核突到離哂譜,把心一橫試下傳聞中既“自行曬相當postcard"!
實驗證明起碼有一張係寄到既!另外幾張仲未有回覆,不知是生是死.......
 
另外hostel既環境令人非常懷念,因為基本上同麥理浩夫人度假村及曹公潭戶外康樂中心係一樣的..........
細個小童群益會d宿營ar.............
 

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



2013年10月24日星期四

德國working holiday第廿七章 : 輕輕鬆鬆楚格峰

話說尋晚終於返到一個月無見既慕尼黑,但今朝一早又出發去玩啦!
今次係位於慕尼黑南部,德國境內的阿爾卑斯山脈最高峰楚格峰Zugspitze!
而同之前一個月最唔同既係,今次竟然係7個人一齊上山呀!
對於習慣獨遊既我,呢個真係充滿新鮮感!
其實幾年前既我都一定要有fd同行先肯去旅行,但自從去完北京讀書後,就愛上左一人旅行的自由自在
當然我同意有d地方係岩成班人去或同另一半手拖手慢步的,但一個人想去邊就去邊,唔使顧呢個就果個的逍遙,我想我已經上癮了
 
講返正題,由慕尼黑出發唔使兩個鐘火車+幾分鐘步行已經可以去到楚格峰的登山列車站
因為唔係我plan,所以我原先以為係要行下山坐左cable car咁ga,但原來只要坐火車就可以un un腳直上德國第一高峰!
大鄉里既我讚嘆科技之餘,亦不忘感慨科技果然要用錢堆砌而成呀~位位$500 ar唔該~
但我地去到時岩岩走左班車,要等多一個鐘成兩點幾先開車,而架登山火車又要行成個幾鐘,即係上到山就3點幾,但4點就開last一班回程車,即係又得唔夠一個鐘玩!????
點解我連續兩日都係咁ga!!!???????我期待已久既雪山ar!!!!!!!!!!!!
即刻覺得果張50歐元犧牲得好唔抵................
 
 
成班人談談笑笑食下零食(其實我唔明女仔點解旅行要帶零食.....),好快地終於上到去啦!
第一感覺唔係好凍,而係好大霧乜都睇唔到ar!!!!!
但不在乎霧濃與否,對於我地呢班香港人,只要有積雪,就自然腎上腺素急升hyper 10倍ga la!~
wa不過雪戰都未得閒玩ar!無時間啦!急急忙忙冒著雨雪影幾張相就坐纜車上最高點繼續參觀
到最高點時四周突然重雲深鎖已解,終能略窺傳說中阿爾卑斯山的景貌
基本上所有形容美麗高山既詩詞歌賦都能應用於此,但都不及呢一名句,最能表現其山巒起伏,蒼寒傲骨,氣象深嚴之景 ----------「wa真係好靚呀!」
 
(有團友強烈要求不公開她及其親屬面貌,我又唔識photoshop,唯有咁啦)
 
 
話咁快就要落山,雖然真係好凍但其實我真係玩唔夠.....唯有下一次再嚟啦
我會將呢度定為可再旅遊之地,特別可以同鐘意行山既阿爸同行唔到山既阿媽一齊嚟tim,咁易上山又靚wor
回到慕尼黑後適逢當晚歐聯拜仁主場,自從9月睇過次現場後就好想再睇,可惜太貴而且買唔到飛
白走一趟,但最後一大班人飲下酒傾下偈都不錯吧~
至此一個月漫長而精彩既長途旅行暫時完結~
今晚可以無牽掛訓覺好ga la!~

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



 

2013年10月23日星期三

德國working holiday第廿六章 : 相聚一刻國王湖

返返去之前旅行既時空~
22/10一早天都未光就坐火車離開Hallstatt,到Salzburg後再轉車到Berchtesgaden,等埋慕尼黑過嚟既好友先出發去國王湖Konigssee
網上好多人都話由Salzburg火車站去Berchtesgaden個巴士站難搵,好彩問左當地人,其實就係出車站右手邊麥當勞對面的百貨公司外,不過我都真係搵左陣
經過近一個月,終於返到德國啦!
12點準時到火車站,如果朋友都一樣準時12:05到,咁就可以坐15分班車啦(一小時一班)
過左15分......無人,可能火車delay la
但等到1點走第二班車........都仲係無人,我就有d擔心啦
乜事呢??遲唔緊要我驚有意外ja!!!!
我德國個電話未開通返上唔到網,充值時又唔知咩事充唔到,問人借電話先發現無佢德國no. (平時whatsapp ja ma),唯一有WiFi既士多主人又話唔可以比WiFi password我,如果唔係要殺我滅口(原文 : If you got the password, I must shoot you!)
最終到近兩點時唔知偷到邊個d流動WiFi,終於上到兩分鐘whatsapp la!!!!
原來個fd今朝極唔舒服去左醫院,買得藥嚟已經miss左班火車.......................
平安無事就最好啦!
最後我地要坐15點15分既巴士去
千辛萬苦終於到達呢個德國no.1既湖泊啦!
其實我嚟德國之前已經mark左國王湖係必遊之地
但唔知係咪之前連續太多日睇靚景,兼且尋日係Hallstatt睇左成日湖,我竟然有“風景疲勞”!對呢個期待已久既美景無大感覺呀!!!!!!
而且由於拍照技巧問題,我d相完全show唔到果種宏偉壯麗又靜謐既氣魄
其實呢度真係好靚ga..............
特別上船遊湖時感受特深 --- 深秋時色彩萬千的林木,伴以遠處雪山藍天,冰寒清風,碧翠湖水,真不知人間何世
把我帶回現實既係導遊既小喇叭
Konigssee著名既echo point,雖然呢種回音山唔係第一次見,但個回音岩bit到咁都真係幾神奇
導遊既演奏無從評價,不過我地之後既船程都被首曲洗左腦無限loop緊(我有另一個嚟過既fd甚至錄低左做鈴聲......)
其實我每次見到trumpet都會諗起天空之城,但個腦點都唔可以將Pazu同呢個阿伯連埋一齊law........
到達中途站,船長話“各位可以隨便遊覽,7分鐘之後開最後一班船ar” “好ar~”
等等!
7分鐘????????
原來我地坐呢架係尾班船!!!!!!!!!!!!
無時間慢慢行啦!我地兩個超極速係咁影相!完全係“到此一遊”式記錄!
唉今次無時間深入了解你只能夠相聚一刻鐘也不夠,唯有下次冬天再嚟睇另一番景象啦
之但係一場嚟到無理由咁早離開,返到碼頭的小鎮,點都望住d動物嘆杯本地啤酒先啦!
終於要返慕尼黑啦!
晚上9點幾既回程火車上先知原本個fd幫我安排既住宿突然唔住得
臨急臨忙慕尼黑hostel又全部full哂,所謂能提供住宿,應該守望相助的香港人又坐地起價
終於無辦法之下要搵返之前啤酒節時租房比我住,果位有潔癖既印度青年
雖然同佢相處時間不多情誼又非常normal,但真係好感激佢危難時肯幫我!
woo今晚唔使訓街呀!!!!!!!!
以為我返到慕尼黑個旅遊會暫告一段落?
你太天真啦!~聽日繼續!XD

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



2013年10月21日星期一

德國working holiday第廿五章 : 搵工定乞工?

之前10月既旅行仲未完,但先返左現實時空先
 
=============================================
 
今日係嚟到柏林既第13日,寫這篇時正身處Potsdam Platz旁Sony Center的Starbuck
岩岩最有機會既一份香港人餐廳工作都話full哂唔請人啦
其實呢13日真係無咩去玩,日日都係網上搵工,send哂email就出門,周街見岩既店就扣門白撞入去
言語不太通既我當然唔會搵sales工啦,搵既多數都係唔使語言既工,又或去d小店,食肆or hostel問要唔要人
而基本流程如下 (中文版本)-------------
 
我 : (推門)「你好」
店主 : (笑臉)「你好!」
我 : 「請問你需唔需要請人呀?」
店主 : 「唔好意思呀我地夠人啦」/ (黑臉) 「唔使!」
 
又或者 ----------
店主 : (笑臉)「你識唔識德文呀?」
我 : 「唔識」
店主 : 「sorry 咁無辦法啦」 /(黑臉) 「唔使!」
 
我出名係唔怕羞面皮厚,但日日咁比人咁拒絕廿幾三十次,點都會有d心灰意冷既,喂慘過櫻木花道ga
至於網上搵工,d請家教補習posts,回覆既都係d額頭寫住“我而家嚟扼你啦”既騙子
你只係叫我開個神秘網頁,又唔講咩嚟,請你cap圖send又唔cap,叫電話聯絡又回避話題,唔係信你ar?
加上本人性格麻煩,做咩工唔緊要,但極度討厭洗碗!所以中餐館全職洗碗都係auto delete
你可以話我麻鬼煩又醃尖,但我嚟德國working holiday就係想體驗不一樣既事,要賺錢我去澳洲啦!
又唔係等開飯,係滿足左生物文化層之下,有要求,唔做自己唔鐘意既野有咩問題?
其實呢我都唔算係好急搵工ge,之不過真係唔想日日無所事事je,少少working都唔係完全零working ga..........
工作既目的主要想嘗到不同的感受體驗,同埋真係要賺下個long trip既旅費,北歐唔係人咁品............
 
但其實都幾傻......本身教書佬既強項就係語言同溝通,但我係呢度就無法發揮所長
已經毛遂自薦左幾封email去d中文學校,但都係未有回覆
而我其他強項都係要用語言的,於是真心感受到唔識德文搵工呢件事係德國有幾咁困難
慢慢嚟啦
柏林個天灰色左好多日,但聽日一定會好天既! 
你點知ga?
唔知ga, _ _ _ _ _ ar ma..................................
得啦~~~~~簡簡單單同自己講加油咪得law!!
唉點解我細個唔學好d樂器呢..............冬天係柏林圍牆拉下二胡唱“萬惡淫為首”都好呀
唔通真係要返慕尼黑?傳聞易搵工好多仲有friend介紹tim
又或者柏林有無人會唱歌跳舞?我識少林功夫ar喂
 
 
=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



2013年10月20日星期日

德國working holiday第廿四章 : Hallstatt,最美不等於最好

完成Cesky Krumlov 4日之旅已經係20/10,距離約定既22/10仲有一日,於是打算21/10先到Salzburg過一晚,第二朝過國王湖可以輕鬆d
20/10係facebook曬命CK有幾靚時,有朋友兩夫婦叫我有時間不如去埋奧地利既Hallstatt,話如人間天堂一樣
好奇下用全能既google大神搵一搵,呢個咪前兩日U Travel facebook post相既“世上最美小鎮”???
再問問hostel老闆娘,原來我聽朝去Salzburg架包車本來就係去Hallstatt的!
一場嚟到機不可失!
於是我係出發前一晚九點幾臨時改行程,check車check時間睇資料book住宿,第二朝8點出車離開捷克直達奧地利中部小鎮Hallstatt,過一晚後將於22/10朝早經Salzburg到國王湖
朝早約11點幾到達Hallstatt呢個湖邊小鎮
來程時我已經被沿途美麗風光嚇襯,喂奧地利咁靚ga咩?
而到達後我卻有點予欲無言
呢個小鎮係咪世界上最靚我真係唔知,各位自己評價吧
至於我既朋友們,係睇完我facebook呢d相後一致目瞪口呆,公認呢度真係美得不可方物
而的確,呢度真係我呢世人見過其中一個最靚既地方
但靚唔係大哂既,我其實未有機會同大家講係呢個鎮遇到既麻煩事..........
此事容後再表,今日呢篇係用順序法寫的~
就好似U travel之前既介紹,此小鎮不大,除左呢個湖幾乎無其他景點,腳程快既只要十幾廿分鐘就可以行哂
咁當然唔係行哂走得啦,最perfect既梗係坐係湖邊食餐飯飲杯野~
正有此意時,才驚覺呢度唔係捷克係奧地利!
物價3級跳,要坐底食餐飯?無港幣二百個大洋唔使旨意安全出門口呀!
捨不得,最終只係囉40元正買個“薄切切”漢堡包配以群山湖水做餸
係捷克呢度半隻豬手ga la.................(其實係stay東歐太耐一時唔慣je......)
因為Hallstatt一時搵唔到平住宿,所以我住係湖另一邊既小鎮Obertraun (其實都係超貴!$400一晚呀!已經係呢區最平!)
而呢度既交通真係幾唔方便下,到其他鎮的巴士平衡個零鐘一班,而穿梭船又會突然cancel
到Obertraun時又因為整路要改行上山誤左時間(但意外見到一大片靚草原玩左陣XD)
再加上check in時reception無人等左半個鐘,終於攪得嚟都無時間再返Hallstatt
而呢個鎮基本上同Hallstatt一樣 ------- 除左個靚爆湖景外就乜都無
既然係咁,呢個下午就坐係碼頭邊,望住呢個詩情畫意,鬼劃符postcard比朋友和重視的人,直到日落吧
(我寫咁耐佢係度咁耐,我懷疑佢係肚餓“吼”住我d postcards.......)
夜晚7點半理論上係一個現代人類正常合理既食飯時間-----我一直都係咁諗,但我錯啦
呢度為數不多既食肆竟然係呢個時間已經完全無食物供應或關門!!??咁既遊客區我真係估唔到..............
係幾乎無街燈黑mama既路上尋尋覓覓,但冷冷清清,終於凄凄慘慘戚戚地有間店打洋前幫我打電話問遍鎮內有咩餐廳仲開
阿彌陀佛!一公里外有間店開到9點呀!!!!去到岩岩好8點50........
千辛萬苦有得食,唔理銀兩啦,Schnitzel加啤酒唔該!!!!
(個光球係月光而唔係街燈ar!)
寫完成篇,我先發現原來d麻煩事主要來自Obertraun!文不對題wor!
其實Hallstatt係指成個湖既地區範圍,即係沙田包括左大圍,沙田,火炭一樣
好啦........Hallstatt小鎮係絕對值得去既,但可能真係嚟半日感受下已經夠
如果話想要stay幾日,輕鬆寫意又多野遊覽,Cesky Krumlov一定贏呢度!
就好似女人一樣,最靚唔代表最好ge
當然如果兩者兼備就wonderful la~

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!