測試1

2013年11月12日星期二

德國working holiday第三十三章 : 失業人,生活在柏林

睇過我第廿五章都知我係柏林咁耐量地咁耐
咁我呢個幾月除左搵工究竟仲做左d咩呢??
引用黃子華個uncle既說話 : 每日剩係食飯,乜乜乜乜,訓!好危險呀!!
咁我係日日唔知做乜,但都盡量每日搵d野做下盡量給予呢一日意義
難得嚟到外國,唔係日日屈係hostel等運到既~
 
行哂成本旅遊書講既免費景點就唔使講ga la,另外就係睇下hostel當日有咩特別event推介
有時有d Turkish market or Art market會買到好野的~
天氣好既,都會行返個二萬五千里長征既
行去邊?唔知ga!開著google map,呢度幾大塊綠色wor!去啦~
去到close map,求其亂撞亂行,行左邊都無所謂,幾個鐘後開始攰或太凍頂唔順先搵返最近既地鐵站係邊
我鐘意呢種無計劃既亂行,就係咁先睇到好多預計唔到既野~
不過當然都會錯過好多.....咁就當我地無緣啦~~~~~~
 
 
可惜既係11月既柏林大部份時間都係又冷又濕
係酒吧同coffee shop上網過日晨就係我最常做既活動
plan下嚟緊long trip既行程,book呢樣book個樣,諗下今晚食乜,咁又一日
量緊地,多數都自己煮ga la,於是呢個無聊月就變成左我試菜兼鍛煉廚藝既好機會!
為免我facebook page變左飲食版專頁所以好多都無post出嚟
啤酒焗雞脾,黑啤燉羊肉,自製柏林咖哩腸,咖哩烏冬,自製pork ribs,自製叉燒,餐蛋麵,漢堡扒奄列飯(想整日本果隻,失敗),港式西餐羅宋湯,由零開始整忌廉蘑菇意粉............
點解無魚??海鮮貴嗎.........要食魚唯有買雀目牌焗熱佢,應該唔叫煮掛
經過呢個月,廚藝好似進步左呢!各位老友,我返香港後有空上嚟試下!
 
 
四喜詩中起碼3樣長期與我無關,唯他鄉遇故知果種happy真係好難用筆墨形容
月中時有朋自英國來非奸即盜,兩支公行下圍牆,遊下Potsdam,逛下動物園,食下美食,逍遙咁過左4日
係hostel煮左一次15人份量既素菜,換來了一晚免費住宿,總叫完成左第一份“工作” (facebook page講果次呢)
而係離開柏林前一日仲睇左世界冰上速滑大賽~叫做玩得好夠啦!
 
 
呢一篇文章結構都幾雜亂下,因為我純粹係大概記錄呢一個月既無聊大小事而已
我總是定不下來,既然成個月都搵唔到工發ou逗,就一於按原定計劃繼續去旅行啦
超長途旅程開始,今次long trip感覺會比東歐危險,希望一切平安啦!

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



2013年11月6日星期三

德國working holiday第三十二章 : 豬扒

如果唔食豬肉既,基本上可以唔使嚟德國
呢度出名既食物香腸,豬脾等,無一不是皮脆肉嫩,滋味極美
只有一樣野例外 : 豬扒!
 
你會話我夠唔鐘意豬扒啦!我講緊真係放入口咀嚼果d豬扒ar
可能係東西方人口味問題,東方人會盡力將豬肉整得越嫩越好,例如東坡肉,日本既豚角煮,吉列豬扒,韓燒五花肉...........就算香港既代表洋蔥豬扒,間茶餐廳整得鞋既你都想飛隻鞋比佢啦
但德國就唔同啦,除左部份餐廳同水煮豬手外,佢地好鐘意將d豬肉整到變可以點火既乾柴
例如啤酒節or Christmas market四處可見既咖哩豬肉串
長期咖哩魚蛋咁煮住,咖哩味係極香極好,不過口感就不敢恭維啦
就算係某幾間慕尼黑名店既燒豬手食落都有“沙尼篤”既感覺
 
另外係佢地鐘意食里脊肉,呢部份本來就無乜脂肪較鞋口,再overcook真係.............
仲有好有趣既係,一般餐廳有既扒類豬肉,較滑既“pork neck"係比鞋口多渣既“pork steak"平約$10的!
呢個情況係捷克都係咁,可能係捷克同德國歷史文化接近有關
其實我覺得歐洲人都有種鐘意食乾身肉類既傾向
超市雞脾雞翼又係平過雞胸好多(有懷疑過原因係咪佢地知雞翼係打針位.....而豬頸都係......)
只能講句真係文化差異,但對於我呢d窮鬼住家飯客嚟講絕對係好事~
 
做乜無啦啦寫篇咁既野呀???
因為今晚食左個好鞋既豬肉乾意粉呀!!!!!!!!!!!!!!!
 
 
上三層係正義既嫩滑代表
左起 : 捷克 - 炭燒豬頸肉,德勒斯登 - 黑啤酒汁豬頸肉,自製 - 蜜汁梅頭叉燒
 
中間及下層係邪惡既鞋烚烚代表
中 : 啤酒節 - 咖哩豬肉串 (個包好食d)
下,左起 : 捷克 - Grill pork steak,慕尼黑 - 門口show比你睇既明爐沙尼篤,柏林 - 著名餐廳乾淨淨燒雞

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



2013年11月4日星期一

德國working holiday第三十一章 : Hostel的決擇

獨行backpacker如果無住過hostel只有3個可能性 : 
1. 超級有錢晚晚住酒店
2. 超級無錢晚飯訓街
3. 從來唔使訓覺
如果不在上述之列,咁hostel ---- 青年旅舍呢種住宿方式你一定接觸過,不論鐘唔鐘意都好
有女性朋友話「wa要同d陌生人同房,又共用廁所沖涼房,好危險ga wor!又無私人空間,萬一夜晚乜乜乜乜乜咁點算.........」
咁我一直都相信人類係一種有要求既生物lai ge,而且so far我到而家住過近20間青年旅舍,都未需要買貞操帶
加上大學時住宿舍,共用bathroom早已習以為常,而私人空間可以自己製造ga je~
對於我嚟講, 擔心既反而唔係人,而在於hostel本身的質素
去到柏林後一直都搵唔到住宿(但同行既朋友一send email就幾百個回覆...........),把心一橫!長住係hostel算啦!
有free wifi,又有人打掃清潔地板洗手間,anytime都有人同你傾偈解悶飲酒,幾好呀!
而且更重要係高機動性,話走就走,唔似租屋會被困死,價錢雖然略貴,但其實呢種住宿係幾岩我的
正因為咁,如果間hostel唔掂我係會死的!問題就係「唔掂」呢個詞係指邊方面啦
要求呢家野人人唔同的,但我諗「乾淨」係最基本必需要ga la(其實有無人唔使ga??)
暫時係柏林我已經住過4間不同既hostel,做乜一個月轉咁多????
話說第一間hostel係位於Oranienburger Str.既Meininger Hotel and Hostel Mitte
4星酒店一樣既靚房靚廁所,一出門口就係S bahn地鐵站,可以行路去柏林最旺既Friedrich Str.,Hackescher Markt,Alexanderplatz
但氣氛死寂,難識朋友,廚房10點要close,左近一間超市都無
最重要係同完全無WiFi係無分別!每3-5分鐘斷一次線要重新開browse login過!我之前成星期無update就係拜佢所賜!
同fd傾偈時既whatsapp對話 : 
我 : 「你英國過嚟搵我時住唔住呢間hostel,好靚好乾淨」
佢 : 「最緊要乾淨!」
我 : 「但WiFi係垃圾」
佢 : 「咁WiFi又重要d wor!」
而住左7日終於頂唔順,以勁WiFi為前題搵間新既
去到第二間位於S bahn站及U bahn站各10分鐘路既"Inn - Berlin",岩岩係柏林B區邊緣
網速快到5分鐘download完一套戲!
但張床軟到彈床一樣,晚晚練體操咩,朝朝訓醒都腰骨痛!
而且成間hostel比左我一種住醫院既感覺,由顏色氣味至氣氛都係,仲有個霸住爐頭整西班牙海鮮飯既怪人(雖然我整叉燒都不遑多讓....)
受不了,訓左3晚後走人!
第3間係係於U8線Hermannplatz的Cat's Pajamas Hostel
其中一間見過最perfect既hostel!
酒店式分開既廁所浴室,超大靚廚房,張床硬兼私隱度高,common area精緻舒適,與我無關既free早餐,WiFi不俗,員工友善,交通方便
wei咁都仲要轉??????
咁都唔係無缺點........佢網絡既下載速度快但上載則極慢!一張相要upload 20分鐘!
另外最主要原因係我上面對話個英國fd會嚟柏林玩幾日,而星期六日竟然full house!
於是被迫又要搬........呢度都住左約7日
最後到左我打緊呢篇文章時所住既地方,EastSeven Hostel
TripAdvisor及Hostelworld.com票選柏林No.1既青年旅舍,位於U2線北Senefelderplatz,可行廿分鐘到Alexanderplatz
無超華麗既環境,以泥黃木色為主體的裝修,有一種樸實,輕鬆,似home既感覺
係歐洲訓過算最硬既床,廚房設備完善,common area令你識人容易,staff超nice勁helpful,仲會有指南話你知今日柏林有咩special events
而且網速同我香港既屋企無分別!連係房都可以睇到戲!
所以就算比較貴(15€係柏林係貴ga!)我都選擇係呢度長居
寫呢篇文章時仲有幾日就離開柏林,即係我係度住左3星期啦
其實每個人對住既要求都唔同,如果係旅行中,一晚半晚我有張床就得啦!
但long stay當home既, 地點,氣氛,整潔,網速,廚房,舒適度缺一不可
都係果句,有得揀,點解要委屈自己先
順帶講一句,我係處女座的

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!