測試1

2014年1月29日星期三

德國working holiday第五十八章 : 赫爾辛基冰上要塞,凍過北極!!

坐挪威之翼航空,由Rovaniemi到赫爾辛基只需約個半鐘,機上仲有WiFi tim!
價格話貴唔貴話平唔平,近$600港幣啦,但點都好,晚上總算嚟到呢個著名既芬蘭首都
而呢度都係我香港來回德國機既中轉站,與此同時我既working holiday到此正好過了一半,巧合得咋舌呢
一直都聽聞話赫爾辛基無咩野玩,所以我只計劃在此停留一日,時間有限,到達當晚怱怱逛過市中心後,第日便選擇到Hostel職員推介的芬蘭堡Suomenlinna
由赫爾辛基港口,只需2.5€就可以坐約15分鐘船到達Suomenlinna ,約每小時一班
上船前如有時間,可以到港口旁的教堂一看,或碼頭前廣場係正常時間都有不少街邊檔的~但我來到時似乎唔係正常時間.............
點唔正常???我著住係北極圈縱橫江湖既裝備都凍到發癲應該唔算“正常”掛!!!
當日溫度計係-16℃,但比-34℃既Kiruna更凍!
赫爾辛基港完全結冰!濕度加上海風,6件衫3條褲+全身防水防風都受不了!
之不過,海上既日光在冰雪反射下靚到爆燈!特別開船口美得令人咋舌,死都唔要屈係船艙呀!!
唯有變身撒亞蒙面超人,勉強頂住先啦.........

Suomenlinna係一個海上要塞, 根據維基百科所述,其原名斯韋堡(Sveaborg), 是瑞典人於1748年開始建造,主用於防禦俄國人的擴張,後來芬蘭人出於愛國將其重命名為芬蘭堡(Suomenlinna),現在瑞典人和說瑞典語的芬蘭人仍稱其為斯韋堡。
此處既是軍事要點亦是村落,直到而家島上仍然有約七百位居民,所以有部份地方是不方便進入的
係島上可以見到唔少戰爭的遺留,大炮,防空洞,堅固既城牆,監牢等等,而睇資料話呢度幾乎濃縮左成個芬蘭既歷史,而且和諧地協調左不同時期既建築風格

但老實講,我一方面凍到唔太集中到,另一方面大多地方都比厚厚既積雪淹沒了(雖然好靚就真)
所以最吸引我既,都係佢壯麗絕倫既海岸!
我一直周圍行都係覺得"not bad ar",但無意中行到海邊果下真係發左個F音出嚟!
我知個海結冰,但都唔係結成咁ar????

睇相可能未必feel到,但想像當你企係山坡上,望著一望無際既波羅的海,結成一塊塊既如岩石又如蜘蛛網既結晶,延伸百里,係幾咁壯觀!
走著長長既海岸步道,每一轉每一彎,大海都會展示給你不一樣既氣魄,而隨日落西沉,海面上紅藍色爭妍鬥麗,你會不自覺被這場鬥爭吸引,呆呆地看著此美景,不知時間流逝,不知人間何世............
更不知而家係零下廿幾度吹緊十級海風呀!!!!!!!!!!!!!!!!!!!!!!!!!!!!!!!!!!!!!!!
到我清醒時,我已經凍到個人行動同思考都緩慢左!!手指係雪地手套內嚴重赤痛,頭痛頭暈,腳步不穩,真係覺得凍到有生命危險!
有無攪錯!赫爾辛基低北極成條緯度ga wor!
但剎時間搵唔到室內,連廁所都無!唯有躲於山坡下的牆壁角落暫避,清醒返d先搵到洗手間取暖,而呢度都正式成為我整個北歐波羅的海之旅中最凍既地方
奉勸各位如果冬天嚟既話,最好有咁多著咁多,唔係草薙京上身都唔掂!
今次真係名乎其實愛靚唔愛命啦...........

不負眾望,回到hostel後忽冷忽熱頭重腳輕,即刻食兩粒panadol先啦!
果頭食完,果頭即刻比同房熱情既瑞典醫生捉去飲酒!!!
wei食左藥ga wor!!!!!!!我未想死住呀!!!!!!!!!!!!!!!!!
佢望一望我盒必利痛“Just two pills~It should be ok~Trust me I am a doctor!~"
arrrrr...................................你係醫生..........你話得就得la...........
於是就加埋同房另一位墨西哥人及芬蘭本地人一齊落樓下酒吧把酒暢談~亦算係是次旅程中其中一次最開心的異國交流~

凌晨兩點先發現,原來一陣凌晨5點班火車我買錯聽日飛!!!!唉我又有蝦碌on居野la.....................
攪完一大輪,都係決定係赫爾辛基stay多日,反正我都真係要休息,唔想病住咁繼續旅行ar
刻意昏迷十幾個鐘,必利痛加薑茶,第日真係好返好多!
傍晚行埋Helsinki幾個景點,休養生息,就按買錯既火車飛時間向俄羅斯進發~

Helsinki呢間Hostel Erottajanpuisto真係好好!
地點優越乾淨舒適WiFi快員工友善且盡力幫忙,值得推薦~
===================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia_backpacker/





==============================


我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~





=================================


Email : funggarcia@gmail.com





文章同時刊於UBlog、 DC Fever Travel、 Blogspot 、遊牧爆谷Medium,請各位繼續多多支持呀!!!!!!!!!!!!!








沒有留言:

發佈留言