測試1

2014年2月2日星期日

德國working holiday第六十二章 : 愛沙尼亞一日一城極速快覽

終於開始期待已久既波羅的海3國之旅!
離開聖彼得堡,坐Lux Express巴士只需約6小時就直到愛沙尼亞Estonia首都塔林Tallinn,車費只係$150-$250,抵到爛!
老實講呀,我唔係plan行程時睇google map都唔知呢個國家原來係東歐..........我Geog讀到中三ga ja.......
但都聽聞過呢個前蘇聯既國家非常非常靚,係歐洲人眼中既旅遊勝地,既然係咁,無唔去既理由呀!
而由於時間緊迫,我只能超高速咁一日去一個地方,其實愛沙尼亞仲有好多野值得深度遊ga.....
第一日 ----- 塔林Tallinn
塔林舊城區係聯合國教科文組織指定的世界文化遺產
不過越旅行就越覺得呢個銜頭周圍都係,十足7仔總有一間係左近,而且部份地方都唔係真係咁靚(當然有時係歷史意義較重唔一定係靚)
咁呢度靚唔靚?我唔敢莽下判斷!
因為到達當日下午身在日本既好友發生大事傾左兩個鐘電話,只能於日落前匆匆跑了舊城區西部一圈
如果真係要比comment既係 ------ 唔錯!黃昏比日間好!其他就睇相啦~



夜晚hostel下格床個痴線佬鬧我上格床盞床頭燈殘住佢
盞燈我照緊自己張床有幾光呀,算,熄左佢開手機嚟執野law
佢竟然想扔爆我電話仲話要隻揪,好呀,但我唔想同你打wor,你白痴je,我就唔想天寒地凍比人趕出hostel la
君子動口不動手,串完佢一輪再同hostel d職員講呢件事,換左間單人房比我當解決,第二日條友仲好似我殺佢全家咁仇視我,咁我當然對住佢笑啦~
呢個都係我住咁耐hostel以來最不愉快事件


第二日 ----- Haapsalu
愛沙尼亞西部港口渡假城市Haapsalu~
塔林幾乎每小時都有巴士到,坐約兩個鐘,車費一程唔使9€,又係一個問當地人後叫我去既城市,事前完全唔知咩嚟,去完之後先有人話我知,以前蘇聯係呢度製造核彈的.............
至於我既印象,呢度有兩樣野睇 : 
其一係中世紀既殘破城堡,內裡充滿戰火的烙印及昔日輝煌的痕跡。但係幾鋒利既刀都有生銹既一日,現已淪為兒童遊樂場所,係咪都算古蹟活化既一種呢.............


我嚟之前hostel staff唔肯講呢度有咩特色,話我嚟到就自然知~
咁我自然地行到海邊,師父明白了,眼前係一個完全結冰既波羅的海!
呢個冬天,係挪威見過浩瀚洶湧既太平洋,係斯德哥爾摩同赫爾辛基見過結冰龜裂既海岸,但完全結冰到汽車可以行上去有海上公路既真係第一次見!!!
我起初都以為眼花!明明係海嚟ga wor!下面乜都無,你架架車都Top Gear lai ga!!!???
後來先知此乃係當地“名勝”之一,嚴冬時冰層可厚達數米,所以形成左一條海上捷徑比車行~此同時被譽為世界最危險的公路之一,好似話如果車速太高會融化冰層,結果當然係...........
車都行到啦,人當然無問題啦~
woo我用雙腳站在波羅的海上呀!!!!!!!!!!!!!!!!!!!!!!!

(細心睇中間有3點黑色,其實係有3父子係海上行緊街.........)



Anyway呢個城市冬天係死城一個!
因為係海邊渡假城市,而家天寒地凍搵鬼嚟食風! 想陽光與海灘?夏天請早~


第四日 ------ 塔爾圖Tartu
愛沙尼亞第二大城同時係大學城既Tartu,主要係欣賞波希米亞風格既藝術建築與風情
老實講,真係唔算多野睇,地圖上的街道比例亦係我見過最小的,幾次行過龍都唔知!
比較值得一看既係舊城區山上的Tartu University Historical Museum
另外由於係大學城,所以有好多特色的咖啡店及酒吧,亦有超平既小食店,有間叫“Metro"既小店3€有Subway一個foot long包仲要勁足料又好味!明打對台!
Hostel的環境亦不俗!廚房係少見既明火煮食,設備亦超級齊全!
由北歐開始就餓左好耐肉類(好貴ga!),終於嚟到物價平既地方,豪華地煮左一餐比例極不健康既烤五花肉沙律!過足癮!
總括嚟講,有時間想休息下既,花一日係度都是不錯的~
(唔係食哂ge~包埋第二日午餐的)


我既愛沙尼亞就係咁多啦~
ee等等! 第三日呢???????
因為果日有d特別,下一章再詳細講.................o車!即係未完啦!!!!!!
 ===================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia_backpacker/





==============================


我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~




=================================


Email : funggarcia@gmail.com





文章同時刊於UBlog、 DC Fever Travel、 Blogspot 、遊牧爆谷Medium,請各位繼續多多支持呀!!!!!!!!!!!!!








沒有留言:

發佈留言