測試1

2014年2月10日星期一

德國working holiday第六十七章 : 誰說賞櫻要到日本?

打鐵襯熱,又係2月凍冰冰既波羅的海旅程返嚟現實4月大地回春既德國時空先!
=========================================
半個地球外既太平洋島國現正櫻花怒放,網誌、Facebook同朋友結婚相都提醒緊你日照耀下,心花放送無限
羨慕緊時同係wh既朋友講左一句:「下,德國都有呀」
德國原來都有櫻花睇!!!!唔係掛??咁東洋風既事竟然係質實剛健德意志出現??
聽聞係德日建交時送過嚟的(未知是否真實),分佈係全國各地,據說Baden-Wurttemberg州約海德堡一帶特別多
我地上網check過連柏林也有!咁當然不能放過吧!
這幾天天氣特別好,花開得也正好,看花的人也就最多。「紫陌紅塵拂面來,無人不道看花回」.................. 一時之間,幾乎形成一種空氣,甚至是一種壓力,一種誘惑,如果誰沒有到Gärten der Welt看花,就好像是一大憾事
此公園位於柏林東面,坐S Bahn S7線到Marzahn再轉巴士195到Gärten der Welt 站落車就到,平日入場費4€
一入場已見百花盛放,加上蔚藍天空,園內景致該不會太差吧~


入場向左直走數分鐘,已見兩大棵櫻樹造成的粉白色小隧道,置身其中,彷如被花海環抱
春風吹,紅櫻落,浪漫得不知人間何世.......
但點解旁邊會係你既老友??XD


走到前方Japanese Garden內,會驚覺日式幽靜庭園的一草一石和櫻花是如此的相配,落花流水竟是如此的詩情畫意
如說園外花是天真純潔的少女,園內櫻則是輕淡蛾眉的美人,花園的小谷,巖石,清溪,堆滿將化作春泥的落紅
樹上地上的粉與綠與天上的藍混在一起,名畫也沒此等豔色吧
看動物,到非洲看好 ; 賞櫻花,都係日本feel好


隨後走到Korean Garten同Chinese Garden,園林風光仍是非常不俗
我對韓國既認識只限泡菜烤肉和紳士的品格,是否正宗不得而知,但中式庭園卻也起得似模似樣~
可惜我地既心已被櫻花佔據,只掛住邊走邊哼著有關歌曲
「會風雨不----------改,會此志不-----------改........願望是即使天老地老,櫻花一再為你開..........」
「 春風給我按摩~彷彿有滿天櫻花慶祝我~ 」
「無奈已經不可糾正,泰國捐.........太過堅貞!!!!!如有天櫻花正開,期望可跟妳............」


行到攰,park內大多草地上都有凳或躺椅供人休息,又或直接訓係草悠悠青草上亦可~
不過呢個係人間磁石,訓底就起唔到身!
個天咁靚太陽咁正,點會捨得起身呀???
其他花園同草迷宮?唔理lu~~~~


其實聽講柏林仲有好多賞櫻的地點,之不過我地懶再一個個做資料搜集,
這個Gärten der Welt,雖沒有一望無際的花海,亦無「如錢塘潮夜澎湃」,但對身在歐洲的我們已十分滿足!
之不過,似乎粉紅色既野都係可遇不可求,我去完當晚凌晨落左場大雨,過兩日另外有fd去到,話連邊棵係櫻樹都見唔到.......
Anyway,最近天氣又好返d,如你正在德國的話,不妨一試~
p.s.老友話我有d影左既係梅花,但我唔太識分,係咪5瓣是梅?拜託各行家睇到d相時,唔好話我文不對題呢~
p.s.2 其實有無人發現我係copy左一段《花潮》落去?XD
 ===================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia_backpacker/





==============================


我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~




=================================


Email : funggarcia@gmail.com





文章同時刊於UBlog、 DC Fever Travel、 Blogspot 、遊牧爆谷Medium,請各位繼續多多支持呀!!!!!!!!!!!!!








沒有留言:

發佈留言