測試1

2014年5月15日星期四

德國working holiday第八十一章 : 丹麥小島遊3站Møns Klint

我終於由丹麥西部玩到最東南部啦!
Møns Klint可以話係丹麥其中一個最出名既野外景點,係我大學時曾到丹麥exchange既師妹趣怡小姐極力推介的。
由Svendborg or 哥本哈根出發都必先到達 Møn Klint 呢個東邊島嶼,再轉班次極稀疏既巴士先到
兩個鐘及兩程車起跳係閒事,係丹麥呢個用交通費嚟殺人既國家真係好甘下ga
我只係呢一轉出入已經用左約$400.........

咁水就潑左出去啦,究竟呢個 Møns Klint係乜地方咁巴之閉呀?
根據網上資料所講,係一個白色斷層山下既海灘
啊.......海灘.......我年中見唔少啦!尋日係 Ærø 先見左4個靚到爆,大前日就係Fanø 同Esbjerg睇到兩個氣象森嚴既,仲有更早前波羅的海果堆呢.........有咩大蛇未見過呀..............
喂但係呢個會唔會靚到有d過份呀!!!!!!!!!!!!????????



應該唔使文字描述都得啦ho?
純白粉狀既山嶽,鵝卵石構成的海灘,清澈透底既藍綠色海水,微風飄,浪濤響,烈日照
唔使講野啦,我沿海岸漫步左一個鐘都完全唔覺得悶!
丹麥既自然風景真係一山還有一山高.........





遠近高低各不同,行完海邊,到山上林蔭間俯視又是另一番景象!
水平線上一個島都無,這才是真正既一望無際!
但我點解會出現“係呢個海遇難咪大鑊!?”呢個念頭ge.............
Anyway唔係高處都唔知個海都係分唔同深淺色區的,而身處既白黏土山(個名我作既,無讀geog唔知係咩)亦明顯係山泥傾瀉先會有呢個模樣出現,而且個樣睇落仲好脆tim........
點解我即刻覺得有d危險ge........同埋有種預感,呢度終有一日會完全下陷消失,想嚟睇既朋友,要快呀!



呢幾日連續去左3個唔同特色既島,一個比一個靚,但我個丹麥其實仲有超多靚地方,但時間同金錢所限真係要將來再續啦!
丹麥d住宿交通真係好貴好貴呀!!!比芬蘭瑞典更過份!
另外丹麥既火車非常發遲,但地方之間又好似無乜巴士連接,所以更貴都係死死地氣爬上車啦.........
好啦,要向丹麥last一站出發,咁當然係首都哥本哈根啦~



===========

改用外部連結d相即刻舒服左,多謝各位提供意見既網友!!!
但個facebook like box仲研究中,要Like我個page既朋友(假如真係有的話......)對唔住啦,都要麻煩自己copy條link : www.facebook.com/Garcia.in.Germany,不便之處敬請原諒!

另外有無朋友識facebook like button呢家野?我post哂d連結都唔得.........
(as at May 2014)

=================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia/





Email : funggarcia@gmail.com





另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!



沒有留言:

發佈留言