測試1

2014年5月10日星期六

德國working holiday第七十七章 : 克拉科夫天氣晴

因為屋主早返,我要提早離開住左約三個月既柏林
時間突然多左,把心一橫,係開始西北歐之旅前先去一趟人人話靚既波蘭名城Krakow克拉科夫!
其實原本無乜大興趣去,之不過包圍波蘭既國家已經全部比我去哂,而家唔去睇嚟我一世無唔會嚟波蘭,車費又只係十幾歐,就嚟個白鴿轉啦!
第一晚去到時,明顯feel到自己停左3個月太耐無旅行反應慢左(我呢句比fd怒炳XD)
於是係找換店比人昆一昆,即刻成個醒哂!
嚟個夜遊轉換心情,ee又唔錯wor!


第二日天朗氣清,最岩訓個靚覺先正式漫遊舊城!
克拉科夫舊城區由一片綠草如茵的公園包圍,城內則是一貫的石舂地,其實見得多既都係咁,不過主廣場佔地較大,而其他建築亦頗有特色,區內亦有較多的小型酒吧和咖啡店,比起布拉格和布達佩斯各有特式,的確是不錯的!


比較起著名的克拉科夫城堡,我似乎更愛於河岸曬陽光,當然啦,兩樣都好靚!


舊城區無咩好講都係咁行ge,而第二日我就跟tour去左當地一個非常出名既鹽洞Salt Mine
聽聞此為少見既內陸鹽洞,不過內部卻只似一個介紹採鹽既博物館,大多所謂既重要“景點”都係人工所造......
雖然話比起國內既恐怖情況仍有一段距離,不過似乎就唔係值得花$300幾蚊join tour去既景點啦
有時間既,自己一去都不妨的


夜晚同剛相識既香港留學生Fung及新加坡日航空姐Phyllis於廣場旁睇靚景食晚飯~
廣東話普通話英文日文縱橫交錯!
難得人夾人,笑聲不絕~非常非常愉快既一晚!


題外話,波蘭物價幾乎係歐洲數一數二低!
係一d本地餐廳,一個飽到你死既餐有啤酒有湯有main course有沙律可以只係$40!
胃大既不妨叫多幾樣試盡佢! 波蘭菜都not bad的~

(個garlic soup一流!)
(Beef stew+薯餅,又幾好味wor!7€)

=========================================

遊記再開,但由於去既地方太多太密,我今次會試下唔咁長氣ga la!
不過由於個人廢,廢話呢家野真係好難避免~盡力啦下XD

====================

Email : funggarcia@gmail.com






另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!!

 





沒有留言:

發佈留言