測試1

2014年5月21日星期三

德國working holiday第八十四章 : 走馬看倫敦

雖然好多人對英國趨之若鶩,甚至視之為老家,但老實講我對呢個國家真係全無好感
我今次會嚟既主要目的都係探朋友,既然佢11月特登嚟柏林,我點可以唔去返英國打擾佢一排呢~
咁同埋仲有兩位美女係度讀書,一場嚟到歐洲唔可以唔搵下ge~

亦正因為呢一轉行程既性質有d唔同,我幾乎全程有fd膀住唔使用腦,所以去左邊都唔太記得..........
而且好多重要景點都無去或者高速走過,所以標題先叫走馬看倫敦.........
同埋倫敦呢個地方咁多香港人去過,咩白金漢宮西敏寺大笨鐘London Eye同London Bridge is falling down就唔使我介紹咁多啦~
不過嚟到先知睇相好靚果條叫Tower Bridge而唔係London Bridge.......London咁多Bridge我鬼知邊條咩!最熟果條咪Son of the...........
Anyway,不得不承認夜景真係好靚!而同fd係大笨鐘時仲見到London Eye放煙花tim ar lucky!!!


(白金漢宮,唔太特別)


 (London eye呢堆相全部我老友影,係咪正先!)


係London最難忘既,絕對係睇左Musical "The book of Mormon"!
身為一個掹車邊既舞台劇演員,嚟英國點可以唔睇Musical!!
“The Book of Mormon”,2011年橫掃東尼獎9個獎項,包括Best Musical,被譽為本世紀最佳音樂劇之一
故事講述兩名剛完成訓練既摩門教長老,一心"do something incredible",以摩門經拯救生命,點知被派去非洲烏干達傳教!面對當地軍閥愛滋姦劫幼女陰囊生蛆蟲等等問題,佢兩個渣住本摩門經可以點攪?於是..........(下刪3000字)
由衰仔樂園製作人創作,以瘋狂爆笑手法寫出各種問題,由表達手法到演繹到歌詞音樂唱功都無械可擊!絕對係我睇過最精彩既音樂劇!
even到而家我都無限loop緊隻sound track!
有機會到美國,倫敦或他朝if佢地嚟香港演出,唔好吝嗇,一定要睇!
However,我睇完後就無時間睇Phantom of the Opear同埋Once啦.........



另一個我hea左好耐既地方就係Book of Mormon對面既M & M旗艦店
呢個都係遊客向多ga la,卻估唔到又幾有特色!
紀念品都係果d啦,吸引既係咁多隻顏色M仔既趣怪造型,以及自己揀自己混甚至自己刻名既M & M~
我記得好友既婚宴上就曾經用印有佢兩公婆嘜頭既M & M做來賓禮物,原來就係呢度整!
間唔中仲有一班朱古力同職員跳舞,係令我過得幾開心既一個地方~



另外老友同我行左Shoreditch同Covert garden,可惜大部份時間落大雨睇唔到太多,不過絕對係有趣既地方!
仲有就係傳說中既King's cross station皇十字車站既9又3/4月台啦!
一個因小說電影而突然出現既景點,一場嚟到點都想撞下道牆啦,話唔定比霍格華茲肯收我呢個超齡學生呢~
不過見一團蛇餅排隊影相,都係算啦........
於旁邊既紀念品店,出售大量故事中既著名物品 ------- 柏蒂全口味豆,接骨木魔杖,葛來芬多制服等等等等應有盡有
不過好似少左樣最重要既野..............唔該我剩係要妙麗得唔得呀?


 (大雨及轉晴的Shoreditch)


(Covent Garden)


(傳說中既皇十字車站)


第四日因車程關係,極速去左貝克街221B阿福記屋企行個圈影張相就算啦~
就算無直入登門造訪,個紀念品店其實都幾有趣!
唯一失望既係只有一款postcard,咋左d wor


(77地都入鄉隨俗帶帽影返張ar~)

(福生個雕像,個人認為欠霸氣,都係鐘意阿Benedict蛋個look多d!)

倫敦暫時係咁,真係仲有好多好多地方未睇!
雖然我麻麻地英國(even而家去完都係),但有種感覺將來一定會嚟多次,咁就下次再探索啦!

特此大感謝相片提供既老友Luigi及剛相識就帶我周圍走既越南朋友Katie!!!
仲有功課期都咇時間同我食飯既師妹Iresa!
香港見啦!~

=====================================

仲未攪掂個facebook page box ,睇嚟仲要用link一段時間.....
My Facebook Page : https://www.facebook.com/Garcia.in.Germany ,請多多支持!~


另外幫fd賣廣告~
Luigi既photo page : https://www.facebook.com/Luukaround?fref=ts

沒有留言:

發佈留言