測試1

2014年6月12日星期四

德國working holiday第九十八章 : 斯洛文尼亞之BnB

呢個BnB唔係果個BnB ar!
果個係Bed and Breakfast,呢個係Bled and Bohinj,斯洛文尼亞東北部Trigilav National Park附近的著名觀光小鎮~
我見佢兩個都係有靚湖又近又係B字頭咪生安白做個名比佢地易叫d law…..出去咪同人咁講ar!比人笑硬ga!

不論去B先定去B先都係要走同一條路,巴士約每小時一班,可於中央車站check到時間同買飛
聽聞Bohinj比較少人去,所以我決定去左先,回程先停Bled~
程車都要約兩個鐘,一路上風光明媚,係差在落車時陷於朦朧雨裡,局住困係士多未食飯先餵蚊飯
唯有睇住雨中湖景,期望一陣細雨d能帶風走上濕透而未黃昏的街道啦!



半小時後終於可以起行~
路線可以分為上路(右邊)或下路(左邊),或求其一邊環湖一周都得,視乎用d咩交通工具~
汽車 : 半個鐘攪掂
單車 : 個半鐘攪掂
11號車 : 一個鐘攪掂,一邊
我就係睇少左個湖既面積,以為一兩個鐘可行完一圈,點知囉住地圖行左一大輪都係進展甚緩,仲要不停閃避後上各國車手既高速頭文字D……..無錯係馬路無行人路ga!
不過,一路上湖光山色的確怡人!
歐洲之行見過唔少湖,呢個都係其中一個最清澈同最清涼ga la~
加埋天氣時晴時雨,遠方密雲透出陣陣雷聲,為此孤山獨湖添上幾分神秘變幻~


(係無行人路ga……..)


行左邊下路有個好處,可以快d行到纜車站上山頂~
上到山頂望遠處雪山,係唔錯wor~
似黑還白的雲層下藏有白雪及翠藍的山峰,再往下便是剛剛走過的青綠樹林及深藍湖水~
Ar…….但呢個view個感覺咁熟口面ge……諗一諗個地理先…..wei咪阿爾卑斯山脈law!!!
我係德國、列支敦士登、瑞士同奧地利都見過啦!
不過~橫看成嶺側成峰,呢度個感覺又有不同的~
而且此處原來係一個大型滑雪場,即係而家夏天來到係乜都無的!
真係要搵雪?有ge…..一杯思樂冰咁上下多law…..
反而綿羊就真係好多,仲會望住你咩tim
咩咩ar?咪”咩~~~~~~”law



落返山行多兩步就會到達小村落Ukanc
由於時間關係要出發去下一個B Bled啦!
等車時又落大雨,好彩已經落左山je,如果唔係隨時被困山上,仲睇到暴雨下的小橋流水美景~



經過約1小時巴士,去到Bled時仍然係大暴雨中寸步難行!
但都因為咁認識到一對香港既小情侶~
大家言談甚歡~不過當時都忘記留下聯絡方法,點知我返到香港後竟然無意中於facebook既人海中遇見! 而且佢地仲係我挪威篇ge極光下求婚情侶的朋友tim!(詳見 第五十三章 : 北極光全攻略 )
世界會唔會真係太細ar~~~
Anyway nice to meet you Jessica!
同埋我個facebook page係真係有用ga~~~~XD



細雨後終於可以一遊此小鎮~
同Bohinj一樣呢度都係以湖為中心,所不同既係Bohinj係山谷中的平靜大湖,Bled則係小鎮環繞,湖面積較細,中心有兩座小教堂靜靜佇立著,傳聞去到教堂誠心敲鐘數下即可夢想成真!
正!我想身體健康、財色兼收呀!但落大雨無船出湖ar!!!!!!
唉講真ar,如果唔係先果輪睇U Mangazise facebook post,都唔知原來Bled係斯洛文尼亞咁出名既夢幻童話小鎮!


(理想)

但係我去到時陰天落雨,又濕又黑又多昆蟲,附近仲有一大賭場……童話小鎮係岩ge!黑魔后果類啦~但實在和夢幻拉不上半點關係!
由此可見,天氣對風景同個人喜好會起超嚴重既影響!
Ar用呢個做topic寫篇研究論文都好wor…..但研究嚟做乜?寫完識借東風?


(現實)


由於要趕車返Ljubljana睇世界杯揭幕戰,係Bled好快行左個零鐘就要走啦,都無食到廣告版上大大舊既布萊德蛋榚!
當然啦,如果我當時知道here係發源地,一定食埋先走啦!
所以呢個故事又一次教訓我地,起碼要做最低限度既功課ar…….

更可惜既係,儘管BnB可以話係Slovenia最靚既風景區之一,但我卻未必會再嚟
因為就算係而家資料搜集多左,斯洛文尼亞係我既旅行回頭草list上,仍然係影都唔見,擺脫唔到”無咩野睇”既印象
如果旅行去開克羅地亞北部,嚟一轉1,2 days trip都ok ge~
咁就順便講埋啦,下回克羅地亞大長篇正式開始!
我想寫好耐ga la!有排寫ar!!!!!!

=====================================

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,多多支持呀!~

沒有留言:

發佈留言