測試1

2014年6月19日星期四

德國working holiday第104章 : 克羅地亞(6)Hvar小島,海邊幾好

係時候離開本島,坐船向克羅地亞最有名既渡假小島Hvar出發啦!


Split係距離Hvar最近既城市,但其實係Zadar甚至最南部既Dubrovnik都有船直達,只係比較遠je
船票方面都係無上網,買要親自一早排隊,而且時間極度飄忽,同埋有兩個不同既落客點,故宜早一日plan定作好準備!
至於隻船同去澳門果架幾乎無分別,船程1至個半鐘,所以不提也罷~



12點正一落船踏上小島既土地就有人拍我大背囊!
背後受傷係武士既恥辱!!立刻回頭打算以手作刀整個鬼斬佢嘆下!
點知一望,又係Katis!?我地第三次撞見啦wor!
正當我自戀地懷疑有人對玉樹臨風既我起啖跟蹤我時,Katis已經搶先stop左我既幻想~
佢係咁岩行過碼頭見到有個傻仔on居居先叫我ja~Hvar得一條主要沿海道路g ma,鬼得閒跟蹤我!
咁又係,我尋晚都未知自己今日坐邊班船,點埋伏我呀!~
言談間原來我地仲住埋同一間hostel! 都話克羅地亞backpack係好易撞返熟人ga啦!
haha有個岩傾既朋友同行都唔錯ar~
於是Hvar既3日2夜之旅我就難得既有伴同行啦!


(落船碼頭)

(咁都見到,梗要自拍一張la~~)

行一輪到hostel check in放低野後,正式探索呢個傳聞中廣受世界遊客歡迎既小島啦!
正如上文所說,Hvar鎮內主要交通就係一條彎彎曲曲既沿海道路,想去海灘、碼頭、酒吧,不論人同小型汽車都係行呢條ga la,亦由於係一字長蛇陣,所以point to point基本上係無任何捷徑要行餐慒的!
但advantage既係呢條路沿途非常非常之靚!
除了城鎮風情,更係求其一個位都可以跳落水既絕妙海灘!
儘管之前係Pula,Rovinj見既海灘已經極靚,但一山還有一山高呀!!!



嚟到市中心,其實都係一條小小的廣場大街,但主要以米泥色建築+紅屋頂結集而成,比起Rovinj既彩色和Zadar、Split的白色主調又是另一番風味!
雖然以酒吧食肆為主,但既為遊客區,價格自然生人勿近!
好不客易係market旁邊搵到間快餐burger店醫肚!
其實想講呢種fast food shop好耐 --------- 係克羅地亞城內,特別火車站會常見呢種店,最大特色係港幣約$20會有個你塊面咁大既漢堡包!
唔係hea底齋肉果隻,係可以加哂蕃茄洋蔥生菜茄汁沙律醬kebab醬既超豪華巨無霸!
多數分為beef or chicken,仲要係新鮮即整!一個頂3個M記!
佢已經成為我克羅地亞之旅既日常午餐! 前一日買定係巴士食都抵呀!



食完野同Katis千辛萬苦終於book好聽日既出海trip,但因為岩岩遲左一步,最想去果個tour比人full book哂ar.......
但都無辦法啦,希望聽日平平安安可以出發啦
再沿海邊道路西行,行呀行呀,行呀行呀..........好遠呀......
終於搵到個岩心水既海邊,係時候投向大海既懷抱啦!!!
說時遲那時快,原本猛烈既陽光突然一收 ------- d水即刻凍左10倍呀!!!!!
都話地中海幾熱都好,一陰天就涼ga la.......落水3秒即起哂雞皮.....
同Katis坐多陣,唔係路,都係繼續前進。唉仲諗住showoff下我“沙田菲比斯”既精湛泳術tim.......



前行數里見到一大堆睇落舒服到不得了既海邊沙灘椅!
我諗有機會係某間餐廳既專用椅,但左睇右睇都見唔到有店有職員,無理由唔試下佢係咪真係咁舒服ga~~~~
結果係,我唔想走ar~~~~~


(仲可以睇埋日落,點解香港無d咁爽既野???)


hea完一輪再繼續前行,見到一間正既程度有100℅的海邊酒吧餐廳!
幻想下: 碼頭、草屋、軟沙發,飲住金黃剔透既白葡萄酒,咬住新鮮既炭燒魷魚,配菜係夕陽與海浪聲........
wa~~~~~~~呢個世界係幾咁美好~~~~
再睇睇個menu, wa~~~~~~~呢個世界係幾咁殘忍~~~~
近2,300蚊港紙一碟野呀!!!!!!!!
兩個窮鬼,再睇下個景色,都係返市中心搵飯食啦.........


(淺水灣d餐廳整返d咁既野,發過豬頭啦!)

(岩岩有宗教儀式,好似係復活節前後幾多日果d,唔太知)

於市中心考慮左好耐,最後去左於碼頭旁既唔記得咩名既餐廳試下唔記得咩名既克羅地亞本地菜(其實呢句係咪有d廢?)
門口拉客既美女講左又話點點點又話咁咁咁特別,其實出嚟既效果就係“一大堆肉加薯仔紅蘿蔔加高湯cup蓋一鑊熟”
不過味道的確唔錯~係行左一日餓到爆既情況下,一大盤美味烤肉的確能回復體力!
睇埋場波,完結係Hvar美妙既第一日~
明天繼續係Hvar,要出海la喂!!~~~



====================

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,多多支持呀!~



沒有留言:

發佈留言