測試1

2014年6月26日星期四

德國working holiday第109章 : 薩拉熱窩遊盪的華裔青少年‧續篇

續上回~繼續遊盪於薩拉熱窩~

既然戰爭佔呢個城市歷史既重要部份,一場嚟到點可以唔join個day tour,了解下薩城各處戰時大事懷古一番呢!
但我真係無join到ge................
唔係唔想,只係第二日想報名時tour已full............ 不能一到羅密歐茱麗葉葬身之橋憑弔,點都有d遺憾ar ho.......
無辦法啦,唯有睇住呢張當時圍城軍事圖,再行埋其他未行既城市部份,邊走邊唱“是對青
春小情人......”聊表心意啦



飲食方面,真心覺得波斯尼亞係食肉獸天堂!
繼前一回Mostar既1舊水超級大拼盤後,今次有50元有找既牛仔肉T-bone steak!!!
唔夠飽既仲可以要個薏米雞湯或芝士煎雞胸,加埋啤酒又係港幣100左右!
Dzenita呢間餐廳位於舊城區中心,必到!



不過波斯尼亞既菜式又點止煎肉咁簡單ar~ 最常見又最出名既一定係Cevapcici,一種超鹹既免治肉卷配生洋蔥及中東式麵包!
呢樣野係克羅地亞已經會見到,越向東南就越常見,理論上可以話係巴爾幹半島既代表菜
式之一
而每個地方既食法都有少少分別,hostel大叔就話正宗係用手撕開一塊塊麵包,再夾住生洋
蔥及肉卷,蘸少少鹽再放入口
當時我絕對有茅塞頓開既感覺!但回到房細心一想,登時一臉=_=
呢碟菜得3樣野,唔係夾埋食就係分開食ga啦!等於炒蛋多士同蛋治烘底個味真係會完全唔
同??
仲有我份人本身都幾咸下ga啦!果幾條鹹肉卷仲加鹽落去食?即係考驗我強勁既腎功能je!
年紀大ar唔食咁咸ar.........
同埋Cevapcici正式係無乜汁偏乾身的,不論肉同包都係,我有幾次都頂唔住要學土方十四
郎加個沙律醬調劑下………
好似講左好多負面野,其實Cevapcici係好味同值得一試的~
成個南歐之旅我起碼食過4,5次,一份約港幣25至45元,lunch首選~


(求其撞左入間民居小店,好味!)

(係市中心可以見到市民好causel咁坐低食Cevapcici)

另一樣係波斯尼亞常見既大便狀酥皮卷Pite Ispod Saca,內藏豬肉or芝士菠菜
味道都係偏鹹,近似美心酥皮肉卷,一般會好似pizza咁一餅大便切開出售,有時普通麵包
店都有,非常適合外賣上車食
之不過我食過兩次都不太對我口味,加上外觀麻麻又大舊always食唔哂,so大家都係有興
趣先試啦~



我食過既仲有名為Sogan Dolma既煮小洋蔥釀肉碎加酸忌廉,味道是不錯的~
至於其他美食.............我一個人一個胃點食到咁多呢!
大家去到前南斯拉夫地區時再慢慢試啦~


(呢舊甜品係我呢一世食過最甜既野,唔係咁易頂ga!)

係薩拉熱窩既第二日雖然去唔到day tour,但有樣不能錯過既事 ------- 又係世界杯呀!!!
係~我知係4年一次唔可以當旅遊景點介紹,不過去到比賽國家當地睇氣氛真係超唔同呀!!!!
首都市中心有超大屏幕,全場一條心怒撐波斯尼亞大勝伊朗3:1!
大雨到我防水風褸濕透滲水都唔理!超high ar!
只不過有d死靚仔借慶祝為名亂咁放煙花炮仗炸人,加上底褲都滴緊水啦!半場見穩操勝券
就走左,d衫成晚都未乾第日濕住走ar.............



仲有件事,我係公園比狗咬
乜料呀!!!!!!!!!!!!!!!!!!!
歐洲十個有七個人養狗,而且全部都好溫馴ge!
我見隻狗離遠望到我,跟住搖住尾慢慢走過嚟,好地地,突然就撲上嚟我!
好彩避得快!但都比隻牙拮到背脊痛痛地...........
似乎波斯尼亞唔係咁鐘意我wor........



最後講多少少住宿啦~
Balkan Han都係Sarajevo最高rate既hostel之一,行兩步斜路就到市中心,係去火車站同長
途車站遠d(要行超過20分鐘)
不過房間設施就真係全面兼超乾淨,主人Han大叔非常熱情,約埋你睇波之餘check in仲會
比杯welcome drink你~
動靜佳宜,氣氛不錯,值得推薦~



就係咁~我total係Sarajevo度stay左兩日,波斯尼亞短短4日之旅亦在此完結
其實薩拉熱窩我絕對係超級蜻蜓點水式既到此一遊,仲有超級多野未曾發掘!例如Vrelo
Bosna、War Tunnel等等等等
離開時坐巴士,見到一連串不知名但極美既風景,即係又要等果個唔知幾時先嚟到既下次la!



而各位睇完成篇文後一定會問 : 「咁究竟砵仔榚係咪真係有如此神效呢!?」
我可以話比大家知 --------------------- 我都無呢方面既問題~點答你呢~~~
有興趣既可以落街市買返10蚊3個,記得使用前按照醫生處方呀!

==========================================

近期次次都寫到水蛇春咁長,怪不得進度慢左咁多啦!
唉職業病,越來越長氣,下次不如就咁打“呢度好靚”之後扔一堆相出嚟算啦..........
講笑je~~~~~~咁hea底,自己都過唔到自己呀所以,大家忍耐下啦~XD

========================================

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,多多支持呀!~

沒有留言:

發佈留言