測試1

2014年7月11日星期五

德國working holiday第127章 : 馬爾他Day1@Sliema好靚呀!

終於來到環遊歐洲旅程既最後一個國家Malta馬爾他啦!
香港人可能對此地唔太熟悉,最多都係聽過世界聞名既「馬爾他騎士團」,而西史從未合格過的小弟只係聽過「黑色騎士團」(詳見反逆之魯魯修,2006)
的確,要係世界地圖上一指就督得出呢個香港咁大既地中海小島國,如未去過都真係有d難度!
咁我點知呢個地方ga?
話說係德國時有日見到Utravel某位blogger寫左兩篇Malta遊記,相中的海洋清澈蔚藍至極點!但唔知點解突然有一日d文消失哂,連Utravel“馬爾他”這個文章分類都唔見左!
我一直都覺得世界上有個“馬”字既地方都特別靚ge!
馬德里、馬略卡、馬拉加、馬達加斯加、馬爾代夫、馬來西亞、羅馬、巴拿馬、赤兔馬、奧巴馬、華達拉馬、男人心一字馬等等等等
而我plan行程係睇住google map的,計劃南歐行程時原本想去西西里島,卻比我係非洲突尼西亞同佢中間發現馬爾他!
check下時間 ----- 唔夠去哂咁多地方!
check下點去 ----- Ryan Air €37 機票飛85分鐘from Bari !
考慮左5秒 ------ 放棄其他,一於嚟搵你啦靚仔!

2014-07-10,到埗已是深夜12點,地中海的7月,房間無冷氣但仍見清涼,此hostel似乎相當近海
第二朝訓夠休息夠就出門沿街道斜路直衝向海傍,第一眼望到ge --------- wa!我預左呢度係靚je!都唔使咁架勢呀!!!!



馬爾他的城市中心,大致上由北至南是San Giljan、Sliema及首都Valletta
San Giljan是旅客狂歡熱鬧蒲點,我住的Sliema是新舊混集似灣仔,首都Valletta則是政治行政中心,基本上旅客都只會住係前兩地
3個重鎮都可由上圖所見的海濱長廊一條路徒步行到,等於上環可以行到落筲箕灣,我懶d~天后出發啦~
但呢條海濱長廊都算犀利啦!
當天然石灰岩海岸係世界每一角落都係自然奇觀時,當地人表示「係咩?我地樓下街口轉角咪有law」
求其一忽有海既地方都靚到不得了,每一步都係既清且藍,具奇岩怪石既頂級泳灘!
更不要說沿海而建,一眾悠閒闊絡的露天酒吧與cafe吧!
出門5分鐘,我已經愛上呢度啦!


(有幾多國家會捨得花費貴重既海邊美景地段起兒童公園呀?呢度?no big deal!)


尋晚餓左一晚,老虎都食餐靚lunch呀!
據hostel推介來到Sliema的市中心 ----- 一個由數條彎曲道路交錯而成的小山坡,國際連鎖品牌及商店為主,唔算特別
不過就可以搵到香港失傳已久的紅色圓形郵筒!
點會有ga???無錯,馬爾他都係前英國殖民地,所以呢度既人英文係非常好的


(連過馬路都一樣,果然係英國殖民地)


搵左一輪先見到呢間位於小巷內的本地餐廳Ta’Kris!
lunch time 都咁多人,無死啦掛~
整返個Malta傳統名菜 ------- 燉兔肉先!
即係唔好當我虐畜住,兔肉係外國其實係好common既食材,脂肪少營養高,何況事實上兔算係害蟲一類呢,不過我都不能不承認兔仔真係好可愛.....唔好比我見到點劏ar......比我掩耳盜鈴下啦......
咁都老實講,食就唔係第一次食,青島既孜然麻辣燒鞋過我鞋低,立陶宛既忌廉煮反而唔錯!
至於呢度,係用蔬菜炆牛腩式細火慢煮,肉味香濃,軟腍,質感似食雞胸肉,唔講妳唔會知食緊兔,可惜仍是有d鞋烚烚,似乎呢個係烹調兔肉不能避免既問題,10分會比7.5~
不過你使唔使比咁大盤我呀! 等於我想食東坡肉唔係要煮哂成隻豬比我ga!
好啦好啦~一次過食夠啦!我諗我以後唔會再食兔lu~



食完繼續沿海邊前進!
睇地圖會見路上零零捨捨有一個島Manoel Island突左出嚟,本著冒險精神我又走左入去,行不數步,一大陣強烈臭味傳入我的鼻,就好似細個同阿媽落街市買餸時經過雞檔x10倍!家禽的臭味!
原來左邊有一個叫Ducks Village,約幾百隻鴨快快樂樂在此過活!
唔同農場,班鴨不單止有超靚複式海景私人住宿,仲有遊樂場,水池,食物........仲要睇個勢佢地唔似係被養嚟蒸燉炆炸wor!
除左臭之外,睇到都覺得嘆!我都好想做鴨呀!~
..........................你地知我唔係果個意思ga~



話哂都驚驚地禽流感,鴨仔村係出面望兩眼影下相就走lu~
而呢個島仔其他部份一係維修中封路一係就私人地方,探索不能去唔到景點Fort Manoel,於是返行主島d橫街小巷,欣賞下似係節日來臨的街道與教堂裝飾



慢慢地.........開始發現.......36℃烈日下我就咁周圍行都真係有d吃力.....
有一刻想過用2-3€直接坐船過對岸首都Valletta,但度縮如我,最終都係決定坐巴士
無計,呢度既巴士實在太平,One day ticket 1.5€ ja!
咁one way呢?1.3€....................
繼斯洛伐克return ticket平過one way ticket後,又一世紀經濟學迷思............(詳見 外傳 : 給背包客的斯洛伐克旅遊小貼士 )



寫得太長,但最主要都係相太多又唔捨得cut!
於是,下一回繼續Malta Day1~

=============================

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,多多支持呀!~

沒有留言:

發佈留言