測試1

2014年7月13日星期日

德國working holiday第130章 : 馬爾他Day3@Blue Grotto及其他Ok靚啦!

第3日既馬爾他~
想發掘d唔係太多遊客會去既景點,係地圖見到Malta主島西南部有個叫Dingli Cliffs既懸崖,不如去冒下險啦~
但hostel職員一野就ban左,話果度無野睇唔值得特登去,不如去佢左近既Blue Grotto仲好
從善如流~一於向呢個馬爾他第二個Blue藍岩洞出發啦~

約個半鐘頭後,巴士停係一條山上的海邊斜彎公路,到了~
落車第一件事唔係欣賞呢個睇第三日都完全不厭的深藍海洋,而係睇清楚回程巴士時間!成個鐘一班車ga!
沿斜路而下,經過各露天coffee shop,市集,街頭表演等,右手邊會再有一條更斜的路,似係海船維修既地方,去Blue Grotto既船飛就係呢度買啦~


(江湖賣藝鷹)


無坐過船既根本唔算嚟過馬爾他~
同尋日去Gozo既大遊輪唔同,今次係坐小艇直接深入敵陣接觸如此美麗既海洋!真係未出發先興奮!
不過一上到船,興奮既心情即刻被打殘左
簡陋的碼頭內雖然有不少人在藍海中暢泳,但濃濃的汽油味直沖鼻蕾,海面隱隱泛著一層彩色油光..........拜託!!!!不要弄污呢個咁靚既地方好無???
不過似乎有機器就有呢種污染,而家我上左船,都係幫兇之一呢............



點都好,開船啦!
海上的涼風一洗岸上的酷熱,陽光仍然猛烈依然,但感覺都係好爽好爽同好爽~~
快艇沿著岸邊穿梭--------原來岩岩落車的山崖下就係一個個被海水侵蝕而成既小岩穴!
可以話係一個個迷你的Azure Window,或者過同第126章講過意大利的 Polignano a mare 一模一樣!只不過今次終於可以係崖下直接欣賞此奇景啦!


(阿生........你係邊度嚟ga......)


當然~海水既清澈透底係唔使講ga la~
伸部相機落水,亂影都係咁靚!不過無乜魚都係真ge,無計啦,比著妳係魚都唔想一日幾百人嚟妳屋企問題妳呱!
快艇穿過一個又一個的崖下,約20分鐘,開始回程了~wa個崖洞真係幾靚~~~~
等等........................................
................................
Blue Grotto......藍岩洞........個藍洞呢!!!!!!????????
船家 :「頭先崖下果個d咪洞穴law~個海又有藍色,你唔見頭先岩邊海上有一忽特別藍ga咩~」
啊!有藍色有洞穴就係藍洞!咁我係香港娶個女仔就係娶港姐啦!
我即時諗起「精裝追女仔」王晶既經典邏輯 ----- 「你兩個係香港人,佢兩個係台灣人,果兩位係阿星,咪港台群星law!」
呢個所謂既藍洞,同 克羅地亞Hvar既Blue Cave
真係完全兩回事!
短短廿零三十分鐘睇野唔多既出海,索價7-8歐元,學星爺話齋 ------- 點解我好似領左你野咁ge?




遠比預定時間要早離開呢個小鎮!咁真係無乜野再睇嗎.......
回程巴士上,涼住冷氣望住download落嚟既google map............ee前面駕過既咪我原本想去既Dingli Cliffs???司機有落!!!!!!!
「逢~~~~」巴士絕塵而去後,方圓百里只有我一個站立於一片純泥土色的荒漠之中........
當時我個樣係咁的----------> =_=”
ee.........我係咪穿過蟲洞去左美國西部ar.........
又唔係寸草不生,只係無一種植物會高過我膝頭,40度既陽光兜口兜面射落嚟,我懷疑自己中緊炮烙之刑.........
至於個Cliffs,我已經無力吐糟了...........就係相中一樣.....唔係唔靚,只係見得太多,無咩特別..........



見到遠處有間小教堂,係呢個完全無遮無擋既地方,老虎蟹都衝入去抖抖!
呢座St. Mary Magdalen教堂於15世紀時已經存在(根據佢門口所講),而此小教堂都真係小得可以,大約只係一個學校課室咁大
安坐其內,你會感到..........會感到................我係咪焗緊桑拿呢?................
於無窗既教堂內,我只係一舊蒸氣騰騰既小籠包
終於都係要出返去沙漠...........走在柏油路上,看著遠處因熱氣而矇朧的景象.......我口中不由自主講出Peter Chu既千古名句 : 天地有正氣..........
係下班車來臨前既呢一個鐘,我希望唔會變成一舊紅燒豬腩肉啦.........



係巴士上回氣唔夠半個鐘,就嚟到馬爾他的前首都Mdina,阿拉伯語"城堡"的意思
根據資料,此地於公元前5-600年已經存在,一直都係馬爾他島最大最古老的城市,只係15世紀馬爾他騎士團於戰爭後先遷都至Valletta
而家Mdina稱為The Silent City,全城只有約400人居住,實難以想像此地曾經是繁榮的首都!
走進城內,老實講同Valleta及意大利Bari都幾似,只不過此城色彩更土黃,街道更狹窄,人更少牆更高,而高牆窄巷做成的陰影又使城內非常涼快
加上各文藝復興時代的建築,都係值得一到的!


(Mdina城望出去,都幾似果先個Dingli Cliff)

天未黑就回到Sliema,唔得啦曬左一日太肚餓,去到hostel介紹的另一間傳統菜名餐廳TA Kolina
除左兔肉,馬爾他另一經典之作就係Octopus Stew燉八爪魚啦!
其實有時都好怕食八爪魚,一來易煮過龍無哂鮮味,二來好易變擦子膠!
但呢度既八爪魚,用左蕃茄洋蔥嚟燉,竟然軟滑得嚟仍帶濃郁鮮味!
不過其實感覺有點過腍欠彈性,但就sure無牙都食到!而更有趣既係,呢味菜係酸ge!
我唔知係呢間餐廳特別加酸豆落去燉定傳統上係咁整,總之真係會完全顛覆我地一般認知既食八爪魚感覺!
總結係此菜有少許獵奇成份,但仍然值得一試!


(超正既戶外座位,望住夕陽,第一次要扮明星帶黑超食飯。Btw其實我主要係影靚女的)


食完飯快步走進海濱長廊的咖啡店,幾乎已坐無虛席 -------- 梗係啦!!!!今日係7月13日,世界杯總決賽德國對阿根廷呀!!!!!!唔早d坐低分分鐘連企位都無呢!
好不容易搵到個睇到電視既位置,可以係Sliema美麗的海邊夜景中欣賞世界杯決賽!正!!
飲品來到,我問waiter Wifi密碼,「Sorry we haven't WiFi here!」
arrrrrrrrrr..........我坐低前唔記得問左先ar..............梗係whatsapp同班fd越洋一齊「睇波」講廢話先過癮ga嗎!
9秒9速度飲哂杯野,再用9秒9速度衝上Sliema市內的斜坡!
仲有約一個鐘開波,無時間慢慢搵其他酒吧啦!
於是連續第三晚來到前幾日晚餐之地Salisbury Arms,好彩!總算Bar枱仲有位!
兩碟nuts,一杯John Smith extra stout,開始享受我既世界杯決賽大戰!
話哂我都住左係德國咁耐,梗係撐德國隊啦!!!!!殺呀!!!!!!!!對冧阿根廷佢!!!!!
「從前我愛西德隊~~~~魄力無問題~~~~」



當然,一年後既大家都知道,德國最終嬴2:0囉走雷米金杯!
當時成間酒吧既人都開心都癲哂!當然我都係其中一份子啦~~成間酒吧既人周圍亂叫亂碰杯~超high!
這時,音樂響起--------老闆,首Don't cry for me Argentina使唔使播得咁快ar~~~明係一早預備定啦~~~
係呢個熱鬧既氣氛中,其實我帶著一絲絲的落寞..................
我唔係德國呀!!!!!!!!!!!!!!!!!!!!!!!!!!!!點解!!!!!!!!!!!!一生人都未必再遇到一次既於世界杯戰勝國當晚熱鬧慶祝!!!!今晚既柏林一定係瘋狂到癲!!!!!!!!!!!!
果然...........當晚我係德國既朋友係咁send相比我話氣氛有幾正幾正...........
仲有第二日中午係布蘭登堡門的盛大party.......聽聞德國隊既回程飛機當時特登飛過廣場上空tim.........
呀!!!!!!!!!!!!!!!!
唔止Argentina,我而家都cry緊啦!!!!!!!!
雖然比我從頭再揀,我都未必會提早完結馬爾他之旅返德國,但真係好唔甘心!!!!!!
如果問我呢個working holiday有咩遺憾,我相信呢件事一定排no.1........



Day3故事到呢度為止,聽日係馬爾他last day啦!!
死啦.......已經有唔捨得........
所以,聽日我要玩盡佢呀!!!!!!!!!!!!!!!!!!!!!!!

===================

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,多多支持呀!~

沒有留言:

發佈留言