測試1

2014年7月17日星期四

德國working holiday第134章 : 「林」別秋波,食左先講!

除左買手信,最重要緊係臨走前食多幾次德國好野啦!!返到香港唔知幾時先有得食呀!!
所以15/7晚係馬爾他返嚟柏林果晚,即刻就出去整個Doner Box!
香港朋友未必知咩,說穿了就係將果d土耳其轉轉肉片,加埋沙律(即係一堆蔬菜)或者炸薯條,落pat汁再塞落外國電影中果d中餐外賣盒!
聽落好簡單無咩特別,但呢樣野都唔知陪伴左我幾多餐飯!
係唔想食麵包既日子,有菜有肉味道不俗,只售3-4€仲想點?
滿滿的一盒,夜媽媽坐於巴士站的鐵線椅上,囉住支膠叉邊撈邊食,望住即將離開的德國街道風景.......風味也~


(雖然一pat野,但真係好好味~)

16/7,繼續我邊買手信邊食野既行程~
另一樣必定要食既野當然係柏林名物咖哩香腸Currywurst啦~
非正式统計Zoologischer garten超市外呢一間係全柏林最平既,味道亦不俗~
油煎腸仔包Bratwurst亦然,唔使問都知係我日常醫肚首選啦~
如果豪d d,十字路口斜對面果檔應該係全柏林最好味的,比旅遊書既Curry36及Curry61正得多!不過要2.2€,而家可能仲貴tim
另外仲去左Potsdamer Platz附近食比意大利Gelato更平更好味既雪糕!
兩大球都係2.6€,應該係我一生人食過最好味既雪糕!哈根大師?玩鞋都唔佩呀!
呢兩樣都係我完全無方忘記既柏林平民美食!!!
我諗我遲d應該會手痕寫幾章食物專題,所以而家簡單講兩句算lu~


(開心果及my飛佛冧酒提子雪糕Malaga!就係因為被佢地寵壞,我而家咩雪榚都只係覺得”普通”only!)


當然除左食野,見朋友都好重要啦~
小弟係柏林既朋友唔多,但幸好最重要既都係齊度~
呢日下晝就去左Oranienburger Strasse既酒吧餐廳Aufsturz來個德國last meeting~呢一間都係我地日常吹水兼解威士忌癮既地方~
美麗既C小姐一直係我working holiday間最好的飯友酒友兼吹水伙伴,兩個一見如故講野唔停既人,無呢個老友我真係未必捱到咁耐!
動人的I小姐係12月德勒斯登之旅中一見如故的知交好友,我認識唯一德文流利的香港人,現已成為柏林香港年青人圈內的知名人士~
其實我地3個真係好攪笑,鐘意飲鐘意玩鐘意食+無限話題就一定ga啦,日常我地仲會3條友邊行街邊唱歌!
想像下係柏林市中心Alexanderplatz,有3個亞洲人由「美少女轉身變~~~」唱到「平平淡淡日日亦都慣~~~」
正如坊間話齋, 神經有問題的自己身邊總要有一些神經病人來一起發神經~
雖然C小姐只會遲我一星期回港而已,但I小姐將會長居德國,這樣在異地一起瘋狂的日子已可一不可再
原本C小姐應該同我一樣環遊歐洲中,但不幸地passport被盜焗住提早返德國,但都因為咁我地先可以再重聚於德國! (我絕對無恭喜妳被偷野既意思!妳誤會啦大俠~)
有d野真係整定,咁都可以來個farewell round 2~真係超開心!
至於個薯仔奄列同杯Laphroaig 10’好好味等等,似乎都不再重要了~



17/7,係我係柏林的最後一天
如上回見到我話買咁多野,就知我仍然都係係柏林市內四處周圍走啦~
不過其實係開心事,真係有目的咁去再認真睇下呢個我生活過,工作過,真心愛上的城市
當然臨別在即,每一事每一物都變得份外特別,就好似當時我離開香港前事事感觸一樣......今天的Alexanderplatz都變得比平常恬靜可愛多了



係百貨公司Galeria Kaufhof行到攰,天氣太熱,入左Alexanderplatz車站內,一間經過左無數次都無入過去的小酒吧
一杯啤酒,4張postcard,好像又繼續我的歐洲日常........不過這是最後一次了
說來,這4張最後的postcard是給4個我當時最重視的香港朋友,有兩個現已形同陌路,唏噓


(介紹下我呢個旅程寸步不離既伴侶----Olympus Tough TG-2,全部相都係出自佢既手筆~)

正所謂有2必有3,寫完postcard,竟然大家都仲有時間來個farewell round 3!
I小姐話星期四係U bahn Görlitzer會有個food market(Wochenmarkt)叫Markthalle neun不如一齊去!
入到去,完全就係匈牙利布達佩斯中央市場既感覺!
不同既係呢處只有熟食無生肉蔬菜,價錢亦不算特別便宜,但環境氣氛都係一流~所有德國同唔係德國既特色食物都係應有盡有!
而更利害既係,我可以用德文嚟點餐呀!!!!!!!!!!!
對於一個完全無正式學過德文既我嚟講係幾大件事呀!!!我直頭覺得岩士唐登陸月球同天堂鳥登陸太陽都無我咁堅呀!!!
嗚嗚~~~~~呢個德國working holiday真係完滿左呀!!!!


(非常正既手工啤!)


C小姐晚上有另一場farewell要先走人啦,香港再見啦老友!
I小姐則捨命陪瘋子,同我去附近的柏林圍牆East side gallery走最後一段路......啋!大吉利是!係散步ar~~
碰巧慕尼黑的另一好友E小姐都旅行到柏林,於是3個人就坐係河畔,踢踢腳,輕鬆談心........直到9時許,日落西沈...........係時候返hostel囉行李啦......


(影埋呢張相,正式開始走la......個樣超殘)


臨走前,hostel主人問我下一站去邊,平時我總會興奮咁答我將會去邊個有趣既城市,但今日既答案有d唔同........
「Home.......I go home now!(停一停,忍唔住講)This is my last hostel in my one year trip,thanks you!」
主人微微一笑,舉起大姆指「Good Luck man!」
其實我既thanks you並唔係特別對呢個主人講,而係同我一年以來住過近百間既hostel所遇過的人致謝
大家都知我有房子定居的時間只有約3個月,此外既時間,世界各地既青年旅舍成為左我既家,即係裡面的種種生活大半就是我的歐洲生活
haha,講真,其實我一d唔習慣都無,反而有少少享受咁樣住均全世界,或者我真係一個適合旅行既人啦
之不過,今日,終於要告別流浪漂泊既生活啦
別過I小姐,黑夜中穿過街道,坐U bahn到達柏林Z.O.B.中央巴士站,登上那輛不知已坐第幾次的通宵行使的旅遊巴,向終點慕尼黑緩緩前進......



======================

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,進入最後倒數啦!希望大家繼續支持落去呀!~

沒有留言:

發佈留言