測試1

2016年3月11日星期五

【日本紀伊半島Day1.1】三重縣A5松阪牛做早餐

續上回係關西機場訓左一晚,我坐巴士開始我紀伊半島第一站,朝早流流嚟到三重縣松阪市~

成晚無食野餓餓地,整個A5和牛做早餐先!!

Wa係咪咁串呀!!! 阿鋒你發左達ar??? 背包客走嚟食和牛!??
無錯!因為松阪市只係出名一樣野,就係牛! 
傳說中日本首屈一指既 ----------------- 松阪牛!!!!!!

不良牛

唔係呢隻ar!!!!!!!!!!!!!!!~~~~~~~

根據資料顯示,日本三大和牛為 : 神戶牛、松阪牛及近江牛(亦有說是米澤牛),當中又以松阪牛最為強勁,而價錢亦都非常強勁!

不過原產地一定會係最新鮮同最平的,起碼會慳返運輸費ar~
一場嚟到,點都要試一試呢種位於世界最頂尖既牛肉既!

網上做完功課,松阪市內幾乎公認最佳的松阪牛食肆為「和田金」及「牛銀

呢一金一銀以壽喜燒sukiyaki馳名,亦店如其名吸盡你既金銀馳名,對於不嗜甜又欠金銀既我嚟講絕對non of my business


(唔講係食肆,以為係課長島耕作既辦公室tim)


(個專用停車場使唔使咁大ar…….)


(牛銀本店相對小店feel d)


(但都係超大個停車場)


靚既牛都係炭火燒係最好,所以我既目標就係三重縣既連鎖烤肉餐廳,以性價比高聞名既「一升」總本店

但佢地營業時間最早都係11:00,普通朋友日常可能已經磨刀霍霍向爹娘準備lunch,但對放假中既我嚟講呢個時間真係早到嘔,所以本篇”早餐”呢個標題係唔係昆人就見人見智啦~~~~

三重縣A5和牛「一升」總本店


店內地方不大,油煙亦非常重,但我就係鐘意呢一種風情風味,呢d小店式格局先係有料到ar~~

店員大多不懂英語,但一如日本慣例非常殷勤地招待你
正如上面所講,一場嚟到,無理由唔試下最高級既松阪A5和牛掛!

而且係度完全唔使擔心食到假野舢舨充炮艇,因為每份A5和牛都有標籤註明養育地、邊個牧場、發行商及邊日歸西,絕對係信心既保證


好多人
”一升”都會選擇要佢既5000yen和牛烤肉套餐,有A5、赤身、牛什拼盤及蔬菜

但我計計條數,赤身同蔬菜我都無乜興趣,單點其他野價錢都差不多,所以我既早點菜單就有A5、厚和牛舌及牛小腸,當然啤酒同白飯係唔少得ga la~


三重縣A5和牛「一升」總本店三重縣A5和牛「一升」總本店三重縣A5和牛「一升」總本店三重縣A5和牛「一升」總本店三重縣A5和牛「一升」總本店三重縣A5和牛「一升」總本店

  • 厚和牛舌

老實講係好好味的,又爽又滑,味亦比普通既香濃,之不過又未係好味到會爆衫或彈上屋頂果隻,係香港都可以食到既味道,又或者燒牛舌既極限已盡於此。

「一升」總本店厚和牛舌「一升」總本店厚和牛舌

  • 牛小腸

油脂甚豐,脆身,但基本上咬唔開,我第一次食,唔知係唔係正常啦

「一升」總本店牛小腸


  • A5和牛

主菜嚟啦!!!! 期待已久的世界最頂級牛肉A5和牛!!!!
2500yen就係咁兩件少女手掌心大小及食指咁厚既粉紅白色迷彩長方塊,但真係睇到都覺無得頂!!!

和牛放在炭火上輕輕一灸,肉色轉迅變得灰白,被鐵網烙出縱橫不一的漂亮花紋,油脂一點一點滴下,連帶輕煙和香氣,發出滋滋的聲音…….

好,偽文青既作狀說話就到呢度為止~ 

燒到5成熟中間粉紅,一啖咬落去,滑到幾乎唔使咀嚼,會係口腔內直接溶化!
牛味唔算真係好濃,但好香!真係好香! 但又唔係只食肥膏果種油膩,可以話係充滿牛味既滑豆腐!

讀者可能會話,呢兩塊咁既肉片,打邊爐嫌厚煎牛扒嫌薄,竟然要2500yen??? 當6.5匯率都要$162會唔會太過份ar??
唔過份~~~當你知道係香港,1塊索價$1700港幣,仲要係2014年既價格時,分分鐘妳會大叫 :「小二!嚟多兩碟!!」
但我一碟已經夠哂數~而且銀包都無咁豐厚……
唉大鑊了……..以後食唔返點算……………..

三重縣A5和牛「一升」總本店三重縣A5和牛「一升」總本店三重縣A5和牛「一升」總本店三重縣A5和牛「一升」總本店三重縣A5和牛「一升」總本店

一輪風捲殘雲,不論味覺、視覺同聽覺都得到左最佳享受,咁就係時候小二埋單了~
61xxyen……….我除左去婚宴外從未食過咁貴一餐,享受過後果然係痛苦ar……….
一生起碼豪一次,算啦
三重縣「一升」總本店
三重縣A5和牛「一升」總本店
(店員仲細心地奉上熱茶及冰水~)


食飽左啦,咁松阪有咩玩呢~

咁就要講返我嚟呢處既原因了。

其實當初我揀三重縣呢個交通唔方便又山卡啦既地點,表面目的係為左貫切一直以來的「開發少人去的旅遊地點」,但真實原因,根本就係三重縣松阪市係我最愛偶像既出生地!

鐘意果個人自然就想接近佢多d認識佢多d,所以根據毒男心態,我毫不猶豫就選擇左呢度為我輕輕鬆鬆放大假活著viva的目的地,之後先慢慢再plan周邊有咩地點值得去玩~
究竟係d咩人傑地靈既地方先可以誕生到一位如此人靚聲甜又完美的偶像呢?
更重要既係身處其中,踏足於佢行過既道路、用膳於佢食過既餐廳……..精神上會覺得同佢close好多好多……….
真係不能不講一句-- -- -- -媽,好毒呀!
但到而家完成個trip後,係完全無一絲既毒氣存在ge,反而異常精彩(我覺得)~
既然原本目的係為左我愛既人,第一站當然就要嚟到佢既故鄉啦~
三重縣松阪市~~~妳究竟有幾特別呢~~~~~~~~~~~~~

三重縣松阪市三重縣松阪市三重縣松阪市三重縣松阪市三重縣松阪市三重縣松阪市三重縣松阪市三重縣松阪市三重縣松阪市三重縣松阪市

係一d都唔得別ga…………開頭以為周街都會係我女人既歌曲同海報,仲會有代言宣傳,但估唔到係乜都無law……..

松阪市已經係三重縣比較重要既城市,但依然係人煙稀少,星期五早上充其量只有數間店鋪在營業

最有名的松阪城遺址亦只係一堆空地,但都有少少feel ge

而個feel就係步於石階之間時有三國無雙攻城侵略既感覺,忍唔住講返句”敵將! Is Doctor Lee!”
至於點解日本古城會有中國三國時代既感覺………….唔好問我……….

松阪城遺址松阪城遺址松阪城遺址松阪城遺址松阪城遺址松阪城遺址松阪城遺址松阪城遺址松阪城遺址松阪城遺址松阪城遺址松阪城遺址松阪城遺址松阪城遺址松阪城遺址松阪城遺址 三國無雙敵將is doctor Lee


原本浪漫地(劇毒地)踏足愛人既步伐,竟然變左殺風景既燒烤肉食,唉點解我嚟松阪既目的會完全轉哂ga….…….
既然尋尋覓覓都找不到,亦不宜在此磨爛蓆,向今日第二個目的地出發吧啦
下回繼續~

三重縣松阪市三重縣松阪市



p.s. 我食完呢餐飯後瀉足全日,唔知關唔關太油膩事呢………

=====================================

一升びん 本店

三重県 松阪市 南町 232-3

======================================


請大家Follow我Instagram啦~





=====================================


  • 相關文章 : 

【日本紀伊半島Day0】關西機場過晚夜

=====================================


我既Youtube Channel正式開通啦!!!!


新影片已upload,快d Click入 「鋒加西亞 / 旅人瘋語」Subscribe 睇片再禁個like啦!~






=================================

  • Email : funggarcia@gmail.com





文章同時刊於以下平台,請各位多多支持呀!!!!!!!!!!!!!












 

 

 


沒有留言:

發佈留言