測試1

2016年3月16日星期三

日本紀伊半島Day6.1 - 白浜風景簡易全接觸

忘記尋晚既白痴事,來到Day6,訓到夠就出去漫遊白浜了~
今次係我第二次來白浜,上次係4年前有阿哥帶住以浸溫泉為主,但就算唔浸溫泉呢度都有各種一流既天然風景非常值得遊覽!
今次呢篇就等我一次過講下有咩靚風景同靚相位啦~

1.)白良浜
押得上本地地名,呢度自然係白浜no.1必到既靚景啦!
100%純白幼細的沙粒,完全蔚藍既清澈大海,前方一望無際的廣闊視野……..
我夠膽講就算係馬來西亞以至地中海,要搵一個比得上白良浜的美麗海灘都絕不容易!
與情人同遊,可手牽手赤腳漫步沙灘
與好友同行,則可學一學日本學生玩下數字劈下西瓜(我都好想join…..)
就算係好似我咁既獨行旅客,一人趟於這無垢海灘上聽聽浪潮聲都足以令你沉醉其中坐返2-3粒鐘
冬天海灘上會有燈飾,夏天仲有花火大會tim! 基本上係一年365日都推薦既超正景點!
Um,陰天下雨時除外



2.)三段壁
白浜三景之一,就算以全日本計都係非常有名既景點
位於白浜的邊緣位置,高達5-60米的巨型懸崖,係不少情侶山盟海誓及影結婚相的熱門地點
崖上沒有波兒,但有觀光電梯直達崖下的海蝕洞穴,收費大約係1舊水
不過,呢種類既濕笠笠洞穴我無乜興趣,有崖上展望台向右行會有條崎嶇小路直去另一邊崖頂,果處先係欣賞三段壁的最佳場所,仲可以遠望浪泊海蝕洞的場面tim~


(基本上我今個Trip都係行緊呢個國立公園)


如果你行到去懸崖邊,再向前行,你就會發現有另一條路通向另一個地方,果條路做「陰陽路」
…………...........
小心d呀! 三段壁同時係日本有名既自殺熱點,一個唔覺意差錯腳真係羅蘭姐都救你唔到!
呢個都係三段壁著名既原因之一……..
Anyway新開既三段壁足湯位置不錯,都可以一試~


(個足湯唔錯~)

3.)千疊敷
白浜三景之二,距離三段壁約10零分鐘路程,賣點是一層層一疊疊的岩石奇觀
根據網上搵返嚟既資料,「千疊敷是由新第三紀層的砂岩所形成的岩盤。由於砂岩是由砂子凝固而成的岩石,因此質地非常軟,受到海浪經年累月的侵蝕之後,終於形成今日複雜而且獨特的景觀。」(from http://www.zipangguide.net/travel/sight/wakayama/senjojiki.html)
Oic~~簡單嚟講就係一個超大型既酥皮海鮮湯~仲有33層好鬆化tim~
Shit我成日都諗起食野……….
Btw千疊敷由於岩石柔軟,所以香港山邊涼亭果d「小明愛阿強,心心」既雕刻墨寶都非常易見,不過比人發現會罰錢ga! 做返個有公德心既旅客啦~
同時此處都係睇日落既勝地,不過由於白浜海岸線向西,其實係邊一忽都好易睇到超靚既咸蛋黃
但要推薦既話,我就會選擇下面既第4個地方了~



4.)御船足湯外之長堤壩
呢個係白良濱與圓月島中間的一個小半島,由御船足湯的小路行入去就會見到~
比起其他地方,係度睇日落既好處係防波堤插入海中,就好似起左一排特等觀眾席,無遮無擋比妳最前排的視覺享受!
左方近岸處微有淺灘亂石,影相起lai無咁dry~右則是圓月島~
如果天氣好的話更可以睇到咸蛋黃消失於地砰線的一瞬! 可惜今日略有煙霞睇唔到……
其實要睇夕陽in白浜最出名一定係圓月島的,個蛋黃岩岩落正個窿度好正ar~~~
之不過事實日落位置係每日都不同ga (小學常識科有講),一年只會有幾日個太陽會咁岩fit到位入到洞,仲要depends on果日好唔好天
所以撞唔岩的話,推薦呢個長堤壩呢~


(右邊就係著名的圓月島)

(雲太多,呢個已經係日落既盡頭,有點可惜不能見佢消失於地平線上tim)

(御船之湯,呢班鬼仔妹好嘈,仲以為我唔識英文係度亂講野,有個仲係度講德文,哼,我識danke schön ga!)


以上既4個地方其實的確可以一條海邊路直行到的,都只不過係由黃大仙行到觀塘咁上下距g ma~
但如果要去埋著名既漁市場ToriTori market同其他溫泉,你就需要有三樣野 ---- 一對腳,一架單車同無限體力
d暗斜大斜長命斜多到嘔.......
所以,可以既話,都係渣車啦,當然,的士都得,有隨意門會更好
下回就講下個大人氣market~



================

My Facebook Page : www.facebook.com/Garcia.in.Germany
Utravel Blog : http://blog.ulifestyle.com.hk/blogger/aeolusgarcia/
Instagram : https://www.instagram.com/fung_garcia/
DCFever - Fever Travel : http://www.dcfever.com/travel/utravelogue.php?id=799202
Email : funggarcia@gmail.com
請各位繼續多多支持呀!!!!!!!!!!!!!!!


沒有留言:

發佈留言