成個場都係無限loop「Tore tore tore tore tore tore tore tore, tore to---re ichban~~~~」，仲要係由我2012年第一次來到至而家2016都係同一首歌同一節奏，仲恐怖過百老匯的永恆的容祖兒新曲+精選!
係度返工既人會唔會夜晚發惡夢有條魚唱住toretore殺戮都市咁追殺你ga??
(部份照片來自2012年)
(踩單車去既話，沿途風景都唔錯的)
(但最後上呢條斜路都有d甘)
Ok吐糟完畢，先抑後揚，唔計首煩歌，ToreTore Market絕對係白浜必到既重要地點! 唔係度食返一餐以上都唔好話自己來過白浜!
無他，實在係太正啦!!!
基本上係日本叫得出既海鮮呢度都有齊哂，游緊水既吞拿龍蝦鮑魚貝類長腳蟹等等基本功唔在講，仲有醃漬類如金目鯛一夜乾，甚至獵奇d連鯨魚肉都有(但我反對捕鯨，絕對唔會食)
每個種類試一啖都可以令你飽到聽日呀!
另一個必到既原因係抵食! 真係好抵食!
堂堂大拖羅一大舊都只係2000- 3000幾yen! 中拖羅價格當然更低啦，普通既吞拿魚更加平到唔使錢一樣! 比我就買齊咁多款來個「手動版放題之吞拿魚味道大比拼」啦!
好似我下面張圖咁，鰻魚壽司+鮑魚赤貝唔知乜蝦刺身都係約一舊水
如果好運既，臨收工前好多店家都會割價促銷，多年前我阿哥就以600yen 購入兩大袋約40隻大既赤海蝦
大家可以想像到當時我地臉上既反應同袋蝦一樣都係哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈……….
(12年既相，左邊果袋蝦真係食完一年唔使食)
漁市場另一賣點就係正門外的燒烤區
只需每人300yen，你就可以將市場入面買既任何食物放上炭火，無錯係將大拖羅燒到變魚肝油都得ge!
當然~市場裡某d食品係燒烤限定的，如岩岩上面講過既金目鯛一夜乾、香魚等，仲有如果買原隻伊勢龍蝦，刺身body barbecue head都係必須的
好似我呢d身痕友，最叻就係暴殄天物，油甘魚腩刺身當然係用lai燒ga la~~
Wa個金目鯛燒完都油份豐富，微焦的外皮甘香酥脆，魚肉又滑又軟，完全顛覆左我對咸魚既概念!
至於香魚，的確如傳聞中有一種特殊既魚香味，雖然係養殖，但都鮮美可口，值得一試!
(注意外來飲品另外收費的，另罐啤酒都係場內買的)
如果對燒烤同刺身都無興趣，市場內都有熟食店提供各種熟食，以排隊條龍水蛇春都長lai睇，應該係出名兼好食的!
可惜，腸胃容量有限，比唔到既咩資訊大家~
其實我一日內lai ToreTore market食左兩次 (即係條長命斜都單車來回左兩轉)，sorry熟食店都係輪唔到你，希望下次你有野吸引到我啦~
少少題外話啦，如果食完有時間，市場旁的”とれとれの湯”係類似大江戶溫泉物語式的現代化溫泉，非常值得去sorfu sorfu~
但時間呢家野，上次有今次無，食完飯，都係去返海邊睇日落吸引d~
老實講，我咁鐘意白浜都同呢個漁市場有好大關係
咁白浜呢度又有向海溫泉，又有奇岩美景、醉人日落，仲有超平既新鮮海產，有咩可能唔令你愛上呀?
好~長話短說(根本一d都唔短……)，Day 6就咁攪掂~其他就留返facebook page的「場邊小故事」再講啦!
================
My Facebook Page : www.facebook.com/Garcia.in.Germany
Utravel Blog : http://blog.ulifestyle.com.hk/blogger/aeolusgarcia/
Instagram : https://www.instagram.com/fung_garcia/
DCFever - Fever Travel : http://www.dcfever.com/travel/utravelogue.php?id=799202
Email : funggarcia@gmail.com
請各位繼續多多支持呀!!!!!!!!!!!!!!!
沒有留言:
發佈留言