北陸之行2 - 世界最美Starbucks?

只要係網上打「世界最美Starbucks」呢幾隻字，必定會出現呢間位於富山市內的明星級咖啡店，而再睇落去，就會見到d人話「其實間店唔係特別靚……」
乜料? 矛盾對決定陰陽共濟ar?
點都好啦，富山市內無咩野睇，一場嚟到點都要會一會你ge~

呢間Starbucks位於富山駅北方的富岩運河環水公園內，由車站行去大約需要20分鐘，如果好似我咁由富山城既市中心行去則大約40分鐘
聽落好遠，但反正入黑後既富山無咩野做，食完飯去行下散下步都未嘗唔係一件好事ar~
之不過一路上鬼影都無隻，9月中又唔係寒冬，真心懷疑富山係咪無人住ga……..



由富山市總合体育館旁甚有參道感的大路向下斜路直走，就會見到富岩運河的盡頭，亦係一覽整個環水公園既地方
晚上的公園欠缺人氣，但在彩燈照射下仍然甚美，至少我覺得比幻彩詠香江有feel得多!
日本人操控燈光既質素有幾掂，妳懂的~

北陸之行1 - 黑部峽谷的雨霧雲霞

有睇小弟facebook都知，岩岩9月又去左一轉日本………..
無錯又係日本……實不相暪我係真係好鐘意日本旅行同日本既事物的!!!
日本菜啦，日文歌啦，日本動作片啦………………就lai變埋日本專屬Blogger ga la…………
唔得呀!!!呢個世界仲有好多野未發掘!!!!唔可以屈死係一個地方ga!!!!!!
今次呢，其實係阿哥需要去東京參加婚宴，兩兄弟好耐無一齊旅行過，咪再順便去大阪探親友law~
東京入大阪出，唔用腳行唔坐巴士的話，最抵既交通方式都係整個「7天北陸拱型JR Pass」沿北陸-------即富山、石川、福井等縣玩過去~
最正係可以新幹線當普通火車咁無限任坐，1個鐘既車程10分鐘攪掂，慳時間到爆~
所以今次「北陸之行」系列係base on呢張pass lai玩，唔打算自駕既朋友絕對可以慢慢追post參考參考!(好老式既賣廣告說話…….)
原本我想寫寫上年九州之行先ge，但諗諗下都係打鐵趁熱好d，凍左既就等佢繼續凍啦~
短短幾日，內容太多，預計會寫6-7篇，希望大家繼續支持呀!!!
好啦~前言講完，新連載開始!

=================================

黑部峽谷貴為日本落差最大最有名既峽谷，去得富山縣就無理由唔去ga!
Wa~~~~~~~睇相秋天時滿谷紅黃葉，真係靚到仙境一樣!
Um~~~~~~~但尋日日本打10號風球落大雨ar!!!!!!!!!仲有9月中有鬼紅葉咩!!!!!!
唉一早plan好哂又無理由唔去wor，唯有頂硬上啦……..

去黑部峽谷其實都幾撓崎
由東京出發，坐北陸新幹線到富山縣「黑部宇奈月温泉駅」，出閘後行去正對面的「新黑部駅」(超近，一出就望到) 坐20分鐘富山地方本線(要另外買票) 到達「宇奈月温泉駅」…………
wei大佬ar d名「衛詩 詩雅 衛詩雅」咁睇死人咩………..

東京雜記3 - 池袋的災害體驗

衰d講句1 : 以遇害 次數嚟講日本都係發達國家中數一數二，剩係地震一項都嬴幾條街……….
衰d講句2 : 香港人其實無乜機會體驗咩大型災害，萬一大吉利是遇到危險時，第一件事我諗有一半人諗既唔係「快d走!」而係「快d走入去拍片先!」
唉講physically的危機應變處理，我地一定唔會夠日本呢d訓練有數既咁快咁好ga， 所以有機會既話，做d防災練習下有定個底未雨綢繆絕對係好事!
可能大家都有d咁既心理，所以位於池袋西口既「池袋防災館」開放以來奇異地深受外國遊客歡迎!
我中學男班長whatsapp group度話去完幾唔錯，咁我今次係東京咪去學下野law~

「池袋防災館」門口並無乜野大型宣傳板，只係一座不甚起眼的建築物樓上
原來呢座係真正的消防處物業，防災館亦是以教育為目的非為牟利，所以遊客只要入場填form登記，就可以參加每次兩小時的tour，先到先得~
每個section既tour內容都會有d唔同，可以參考下面張相~

活動1 : 睇教育動畫

呢個館原先既target根本係日本小學生，同學校帶我地參觀科學館既道理完全一樣，所以我地呢班唔la間既瘟神唔該都坐定定係度一齊睇教育電視呀!
Ee估唔到個兒童向教育動畫又幾好wor!
故事講述3個小學生做功課時突然穿越去到不同時代既東京，親身遇到多個歷史上的大型天災
故事有哂起承轉合，有緊張有友情有熱血有感動，連end song同英文字幕都有! 誠意度超級爆燈! 好睇過TVB多多聲呀!

東京雜記2 - 東京千本鳥居+爆料天丼

話說我放左呢張相係facebook page寫上「伏見稻荷大社」，係完全無人發現有咩問題ga wor!? 最大問題似乎係極多人想打爆我個樣............

就係咁我先知，原來唔係好多人知道，係東京市中心一樣有個千本鳥居!

咁又係，呢d鳥居既樣式幾乎一模一樣，等於我地睇韓國選美都分唔到邊個打邊個啦

而呢間

東京雜記1 - VR館簡短Game評及小貼士

講起VR，我第一件事就係諗起90年代尾我初中時代既卡通片「VR戰隊」!
呢套由鬼佬夾硬將日本特攝片「電腦奇俠」格鬥場面同美國校園畫面剪埋一齊既真人卡通，當年真係膠到令人嘖嘖稱奇!
特別係首主題曲! 其魔神級既洗腦程度比Go Go Power Ranger恐怖10倍! 我到而家仲記得阿哥個老友係我屋企唱左一日「V! R! VR! (怪聲)V……R………..」……….

https://www.youtube.com/watch?v=6A5FfwLBe7U

OK廢話講完~
去玩過東京VR館既朋友相信都唔少，但玩過哂咁多隻game既人應該唔好多吧!因為10個有9個都會買佢地既4400yen包入場費+4個game，其他game就逐隻計，有幾多朋友可以有咁好精神時間同財力呢
所以! 就等小弟! 呢個無錢無精神無時間，打機唔叻唔識日文但又想過下VR癮既small potato，純主觀分享下4個zone 12隻game內我玩過果4隻有咩特色及優劣，比大家參考參考，唔好揀錯game浪費quota啦~

台灣雜記3 - 在那激光war game中穿梭

9個男人係台北，唔玩女人唔睇風景，除左食之外仲有咩好做??
原本想去郊外玩弓箭war game，但8月中攝氏36度緊，真係一出門口就「不如返酒店訓覺啦」
點知無意中比我搵到台灣流行玩室內鐳射war game，有冷氣唔使熱，仲唔怕痛，比人射到Mark哥咁都無問題!

台灣雜記2 - 一次台北拾屍的經驗

「拾屍」，台灣用詞，意思即把醉到不省人事的女生帶去皆大歡喜唏唷唏唷唏，同東京果班喰種拾野嚟食一d關係都無
一般嚟講呢件事最常發生係夜店，對於不喜愛夜蒲既我嚟講一d關係都無
但果然，世事往往就係咁出人意表，神推鬼㧬下，我竟然係台北拾走左個女仔…………

那是8月中台北兄弟團的第三天晚上，google map帶我們到忠孝敦化左近一間任飲酒吧，重拾大學時那瘋狂的不醉無歸生活

伊朗獨行17th last - 家一樣的波斯餐廳

無錯，最後一篇又係講食~但無辦法呢間餐廳又係有趣到要獨立開一篇講講~
話說last一餐in伊朗食埋就上機la wor，梗係要搵波斯菜大刷一餐啦~

穿過上篇既Tabiat Bridge和Taleghani Park西邊，來到呢間係Tripadvisor上德克蘭總排名第5的著名餐廳Khoone Restaurant
但間野其實唔係咁易搵，因為佢位於一座綜合餐廳的10點鐘位置，好似我咁唔識波斯文既都係問問人好d

餐廳以白身牆身搭配木式傢俱，再用地氈和格仔有簾營造柔和感，更有大量小擺設點綴，充分表現出設計者既心思，務求客人可以係最安心舒適既環境下用膳………………
點解我變左安樂蝸主持ge???我要大面Bella呀!!!!!!!!!!!!!!!!!!

伊朗獨行16th - 德克蘭兩大摩登景點

在不少美國電影電視劇中，伊朗首都德克蘭Tehran係又污糟又落後兼周街bomberman既地方，需知美國佬好憎伊朗 (伊朗人又何嘗唔憎美國化呢) ，抹黑又有幾奇呢
所以閣下如果仲帶住落後既概念嚟德克蘭，保證嚇到妳彈起!
甚至已經有心理準備既我，見到呢兩個地方時都呆一呆「伊朗竟然會有d咁摩登既建築?」
伊朗之行接近尾聲，就寫幾隻字記下我係Tehran唯二去過既景點啦!

1.阿扎迪自由紀念塔Azadi Tower

此建築物係德克蘭既地標，甚至近年來被當作伊朗既象徵，非常重要!
不過大家都知地標呢家野真係好易中伏，金紫荊廣場都無乜真係香港人會理過佢啦，所以我下意識係避開左佢ge
但咁岩內陸機由Shiraz返Tehran竟然無乜delay，導致我多左好多個鐘free time，而座塔又只係距離內陸機場「梅赫拉巴德國際機場」不夠20分鐘步程
就去望下啦~

伊朗獨行15th - 粉紅清真寺的理想與現實

關於粉紅清真寺其實都無咩好講啦~
這個同伊斯法罕伊瑪目廣場一樣無去過的話同無嚟過伊朗的超著名景點，只要睇過相，夢幻、仙境呢d形容詞多多都有
而的確，莊重嚴肅的禱告室內，晨光穿透五彩琉璃窗戶，染成斑駁絢爛的粉色世界，以傳統高雅穹頂及暗紅波斯地氈相襯，華麗得令人彷如置身幻境，如一清純少女穿起血紅性感晚裝，那帶點破戒味道的不相襯，更為誘人………….
特別朋友係我到達設拉子前幾日send左呢張相比我既時候，我真係口水都流埋……..

伊朗獨行14th - 差勁hostel的一夜奇遇

設拉子有一間非常出名的住宿，叫做Golshan Traditional Hotel
出名原因有二:
一) 地理位置正到爆燈，正對面過馬路就係遊客必到的鏡宮聖陵和粉紅清真寺
二) 波斯傳統大宅格局，氣氛十足
以上，係世界各地backpacker 3年前既評價，3年後既今日 :「不知所謂」「圖文不乎」「污糟到爆」 ………… 隨便上Tripadvisor都search一大堆剷到佢上天花版的負評
綜合各前輩意見，原來間hostel出名後人太多，於是係附近開左一間「別館」接收客人，但間別館卻hea到爆炸，情況等於book麗晶酒店但比人踢左去麗晶大賓館! 雖然有陀地有北菇但都好難唔火wor!
理論上就真係唔會住既，但偏偏其他同地點既平價住宿全部full哂，我又超級唔夠時間觀光，慳得一分鐘得一分鐘…………..
根據我既專業分析，35%係酒店，65%係賓館，唔係酒店就係賓館………
唉一晚je，就粗粗地唷左佢啦………..

伊朗獨行13th - 鏡宮聖陵，超出理解範圍的美麗

時間所限，係Yazd短短二日一夜，下晝就坐6個鐘巴士直奔中南部，嚟到另一個遊客必到既城市設拉子Shiraz
呢個地方我初想skip左佢，因為交通需時太耐，我會好大機會返唔切德克蘭返香港
但一做research就知道呢個地方逃不掉 -------- 幾個最靚最精彩既景點係哂呢度，甚至可以話唔嚟 Shiraz等於無嚟過伊朗!
所以我先會一狠心 cut走成個德克蘭行程留返d時間係度，但都係得一晚一朝唔夠24小時
唉走馬看花都無計，唯有放低背囊就即刻跑出去啦
晚上10點正，我來到伊朗極為著名的建築 -------- Shāh Chérāgh

Shāh Chérāgh中文多譯做「鏡宮聖陵」or「光明王陵墓」，維基則叫「燈王之墓」，係一座安葬左千幾年前什葉派伊瑪目穆薩·卡齊姆個仔Ahmad的大型墓室
根據網上所講，Ahmad叫「King of the Light」唔係因為佢識發光，而係因為「有人發現墳墓發出光，於是決定調查光的來源，發現一個全身穿著盔甲的屍體，戒指上的文字「驕傲屬於真主，穆薩的兒子艾哈邁德」證明，這是穆薩·卡齊姆兒子的埋葬地點。」(from維基百科)
總之，呢個就係伊斯蘭什葉派教徒心目中一個非常重要的神聖陵墓，基本上好多遊記資料都話非教徒係不能進入，就算入到都要搵人帶定係攪一堆手續咁.......好麻煩!
但唔知點解，我夜媽媽on居居又走得入去wor! 只有門口食蕉望兩眼我部相機就算，一路上通行無阻，繼續有返伊朗人一貫的親切微笑~

伊朗獨行11th - 亞茲德d本地餐廳又幾好食wor~

Yazd所食過既野，係要特別開一篇嚟慢慢講的，
一來因為係呢兩日三膳的用餐經驗實在頗為有趣
二來應該唔係好多伊朗初心遊客會走去試呢d旅遊書無講既神秘餐廳，而家就將我做白老鼠既經驗分享比大家，要唔要試就自己決定啦~

1. 本地串燒
係阿米爾喬赫馬克建築群Amir Chakhmaq，即係果個牌坊直行入去，成條路都係本地的鐵串燒烤餐廳
我中午行過時，鋪是開門的，但唔好話鬼佬，連鬼影都無隻，除左幾位波斯大叔係度叉肉，剩下的就只有街道內淡淡的肉類腥臭
照道理呢d主要地標周邊既餐廳應該超多遊客勁吃香ga……奇怪啦…..

伊朗獨行10th - 天葬台上的燒肉

在Yazd不可不到的，絕對是Zoroastrian Towers of Silence天葬台
Zoroastrian，譯作「瑣羅亞斯德教」，中文多叫「祆教」
咩係「祆教」呀?
即係我地俗稱既「拜火教」law
咁咩係「拜火教」呀?
即係張無忌on居居學左乾坤大挪移，之後無啦啦解決左六大派圍攻光明頂，再傻更更比班矇佬捧左去做阿頭果個教派呢
咁邊個係張無忌ar???????
………………………………………………..
唔該拖佢出去打ar………………………..

伊朗獨行9th - Yazd遊魂

係伊朗既第6日，離開Varzaneh沙漠，來到伊朗東部的著名古城Yazd亞茲德
聽聞Yazd本係一個沙漠綠洲，千年來經過波斯人的智慧與努力，變成而家咁樣既一個大城市
咁樣即係點樣？
即係一落車果下覺得同廣州無乜分別law.........
唔係wor! 聽聞Yazd個古城好特別好架勢ga wor!
無錯，的確係真的，但只係限於古城範圍內，海洋公園都唔係成個都係海啦!
而呢個綠洲古城則是一片泥黃色的迷宮，特別是正午時份太陽直曬落嚟果種熱力，令你真正進入了電影裡的中東迷失國度
Lonely Planet話「迷失於Yazd古城」是遊伊朗的must do item!
我做到了，因為我係咁盪失路..........

伊朗獨行8th沙漠篇 - 露營過夜睇日出之天氣先生好忙呀!

成行啦!!!!!!!!!!
當初我知可以lai沙漠，就一直搵緊有無tour係for沙漠露營過夜睇星，好似文字中的浪人一樣感受波斯世界~就算一個人都必定非常浪漫~
最終係tripadvisor forum上有人覆我佢地做到，就係我住既呢間Chapaker Guest House啦~
不過能否成功過夜好視乎天氣，前一回《伊朗獨行6th – 沙漠小鎮抖一陣》出現的白頭佬都話佢lai咁多次Varzaneh一次都未成功過! 黑大叔讀大學英文系既兒子都一直話今晚大風有機會唔得
點知到6點時突然一句「ok啦快d起行!」就5分鐘之內極速出發!!!幾乎野都未執得切!!
睇lai我既黑氣終於係伊斯法罕耗盡了!!!!!!!
Come on baby!!!沙漠之夜空~~~我lai啦!!!!!!!!!!

伊朗獨行7th沙漠篇 - 滑沙鹽湖好梳乎

行程第5日亦係我最重點既一日，係期待已久既沙漠之旅呀!!!!!
講真ar，咁大個仔見過最多沙既地方竟然係大浪西灣真係有d失敗!
果陣係歐洲無沙漠之餘d沙灘又全部係石舂插腳既，所以對真正走進沙漠做沙漠之虎一向期待期待!
其實係Varzaneh去沙漠非常簡單，因為佢同鎮上只相距約10公里，跑既話世界紀錄都係26分鐘攪掂，快過外賣pizza!
而根據自己係渣打馬拉松爬過既經驗，10k的話架11號車兩個鐘內點都arrival的! 所以真係有唔少背包客真係選擇行路去沙漠
至於我，sorry第一次去，都係跟團好d
一早7點幾起身時黑大叔識英文既brother岩岩返到，傾掂數後食完早餐就出發~
ee……..成間guest house得我一個去ge……..唉private tour就private tour la，總之就成功起行啦!!!!!


有趣地，負責渣車暨導遊既係另一位素未某面兼唔識英文既本地叔叔，即係我算係包個司機車我去咁解………..
需知道「導遊」同「司機」不論文字上同性質上都係有分別的，我要豬柳強但比左好味d又健康d既煙肉強我都會唔高興呢
無計，唯有當係無人煩住我欣賞沿途風光啦~

伊朗獨行6th - 沙漠小鎮抖一陣

離開靚到爆既伊斯法罕，坐上真正本地平價既長途巴士，過山車咁搖到嚟Isfahan東邊的沙漠小鎮Varzaneh
唔使問阿貴，我呢處梗係為左玩沙漠啦～
以伊朗旅遊嚟講，Vanzaneh唔算非常有名，一般去伊朗沙漠都會去東南部既Shahdad或者卡尚左近既Maranjab Desert，但係Tripadvisor同Wikitravel見呢個地方又沙漠又鹽湖又好有歷史咁好似唔錯，咪去住返兩日發掘下law~
一落車就有位本地青年主動帶我去guest house!
好彩有佢，因為間民宿原來係無招牌的，真係古城中既一個爛門口，超感謝!
不過見到我企係佢身邊行路時街上居民既羡慕目光，好似佢都好爽皮wor!

伊朗獨行5th - 伊斯法罕的萬人迷

所謂的萬人迷，無錯，就係我
…………………………………………………
……………………………………………
…………………………………….
咩呀!~而家唔比咩~
所謂萬人迷就應該好似發哥咁-------行到邊去到邊都比人笑住眼望望指手劃腳，周街都有人lai搵妳傾偈，仲有一群人爭住走過lai自拍!
以上所有野我成個伊朗trip通通都有! 但以伊斯法罕情況最為駕勢! 直情嚴重到有少少影響到我個行程planning!
所以，呢一篇就以所見遇見既朋友為主軸，繼續講下我係伊斯法罕既所見所聞啦~

話說上回講到睇完極其雄偉的伊瑪目清真寺，出返lai見個巨形大水池竟然玩噴泉，又係另一個look ok靚wor~
舉起相機較哂角度，總係差咁d野咁………有條友坐係度磨爛蓆阻住個view ar!!!!!!!
幾乎想問候佢「Did you eat glasses for growing up?」

伊朗獨行4th - 亮麗又架勢的伊斯法罕

旅程第3日早上，離開令人著迷的卡尚，坐約3小時VIP Bus到達伊朗第三大城伊斯法罕Isfahan / Esfahan
理論上呢，一般人都會公認呢個中部城市係伊朗最受歡迎兼最熱鬧的旅遊地點，無lai過等於無去過伊朗!
我份人一向都包拗頸，個個都去我就偏偏唔去!!!!
但chok多媽爹先，資料搜集時睇d相又真係幾靚wor!!!!
名氣最盛，號稱全世界第二大廣場的伊瑪目廣場（Imam Square / Naghsh-e Jahan Square）係藍天白雲之下有花有水有靚景有氣勢!
但點解到我去到時會係天黑暴雨ga!!????

台灣雜記1 - 台中嘉賓平價鐵板燒，6餸$100飽到嘔

點解無啦啦整篇完全”唔la間”既台中飲食出lai ge?? 阿鋒你攪邊科呀??
是咁的，事緣小弟plan緊今個暑假一班佬友去台灣旅行，突然醒起2015年時同一班backpacker既台中之旅stay behind時，食過呢間好味之餘性價比高到嚇死妳既鐵板燒，到而家我諗起都流哂口水呀! 正到我唔可以扮無去過埋沒左佢!
見兩年後既今日仍然無香港blogger講過，好啦，就係主菜伊朗遊記中間來個飯後小點轉轉口味吧~

伊朗獨行3rd - 卡尚d建築有無靚成咁ar?

上次講大屋，今次講建築~

如果要我揀一個卡尚最靚既地方，我一定亳不猶豫選擇老巴剎深處庭院的穹頂!(Old Bazaar，即舊市場)
穹頂，簡單講即係屋企個天花板，香港我諗99%屋企除左吊燈同四腳蛇唔會有其他野，係中國最多有條橫樑比d君子坐下，西方咪畫幾幅衰鬼上帝普羅米修斯~
但係中東ar伊斯蘭ar，總之果種好沙漠feel既國家，佢地會將重要建築物頂部建造成中空圓形雪榚，附以內嵌魚鱗式花紋或拼貼圖案，再八爪魚式籠罩而下。
抬頭仰望，每一個都能瞬間拉妳跳進萬花筒，睇到唔捨得走!
係伊朗呢一星期，真係每個屋頂都影到妳手軟ga!
上一篇大家應該都睇過一部份，但老巴剎深處庭院呢個穹頂唔單止顏色完美配搭，最重要係帶出一重古樸氣氛，令妳覺得眼前唔止係一個天花板，更加係一個舊既天花板! 係一種歷史之美
講左咁耐，其實我都唔知呢d乜鬼形容lai ge~總之我就覺得好靚啦!!!!!!!!!
咁岩我去到時係朝早8點幾乜人都無，唔無限自拍自high都對唔住自己啦~

伊朗獨行2nd - 卡尚d大屋有無靚成咁ar?

接上回係機場的鐵長凳一覺醒來-------冷氣好凍ar!!!!!
睇睇錶，06:30，原來只係訓左兩個鐘
坐係度發呆時突然諗起，原定今日stay係德黑蘭只係for買sim卡同last day既內陸機票，而家sim卡已到手，機票又唔使急，why not去第二個地方而跳過出名無野玩既德黑蘭?
個腦即時諗起一個很早前就比我因時間關係skip左既小城 ------ 卡尚Kashan
見你咁靚仔，就你啦!

伊朗獨行1st - 初階入門資料篇+Day1@德黑蘭

我終於衝出歐亞，嚟到中東啦!!!!!
個Blog名話明世界流浪，總要去多d唔同地方先得ge~
咩話？中東都係亞洲？Hey呢咁小既事就唔好計較啦～
反而每次同朋友同事講去伊朗，佢地第一個反應都係「下!？好危險ga wor! 仲要一條友去?」
我 : 「好危險果個係伊拉克Iraq唔係伊朗Iran呀」
佢地 : 「咁Iran係邊ga？」
我 : 「Iraq隔離」
Come on James! 你office隔離位個老細係hihi都唔代表你係hihi啦~
係Backpacker既世界，去伊朗真係唔係一件咩特別既新鮮事! 所以d咩「勁野」「勇闖」「走過烽火」既字眼唔該慳d，妳話而家係去敘利亞南蘇丹就真係勇la!
而每一個人伊朗返嚟後，都異口同聲absolutely agree呢個比美國妖魔化+嚴重制裁既中東國度，係一個先進、文明、極度安全友善既國家! 不論係風景文化同人，都同我地一般所知的截然不同! 分分鐘好過唔少西歐發達地方!
既然有平機票又有假要清，一於一支公去走一轉啦~

香港郊遊002 - 簡單快速+靚景，龍蝦灣郊遊徑

唔好話你地，我自己都就lai唔記得我開左一個咁既系列~XD
其實小弟間唔中都會行下山郊下遊扮下文青(你中年la wor師兄)，原本都有幾個topic想寫下ge，但成日轉個頭就唔記得左，同埋有d地方太common無咩特別唔吸引，我又無著bar top行山呃唔到Like呢~
不過龍蝦灣呢條郊遊徑，果日同fd行完都覺得幾有趣~
風景極佳、交通方便、難度唔高(我自己覺得)，重要所需時間唔長2個鐘內可以攪掂! 真係訓到中午食個lunch撩緊牙時身痕即興走返轉都ok!
有個咁好既option，就簡單幾隻字分享下啦~

窮遊越南3 – 會一會你個會安古鎮

尋日cooking class後，我再次lai到呢個網民一致推薦峴港旅行必到的古鎮會安Hoi-an
講起會安，其實一開始我係拒絕的
峴港周邊可以玩既地方太多了 : 順化古城有柬埔寨feel，巴拿山有超長既索道影相，甚至有出海快艇玩遊島，最重點係google ”Hoi an”時真係搵唔到d咩震撼人心既靚人靚景lai吸引我去!
Old town呢家野大大話話都去過百零二百個，有50%去完後既comment都係”啊係咁先”，我今次越南得4日3夜，浪費一日既cost太高了!
之不過，整合中外本地各方人士的不同評語，上面3個地方都各有缺點，只有會安呢個地方係一致話”要去抵去必須去”，加上尋日街市tour時匆匆一督既感覺都幾好，所以就”係啦好啦是但啦”

窮遊越南2 – 意外地好玩的Cooking Class

唔單止好玩係意外，根本連報名都係個意外!
純粹係比原本個basket boat tour reject左，咁岩見到hostel有個咁既tour平平地兩舊水唔使先報名攝時間ga ja!
仲要on居居，係接送巴士落車果個moment先知我去左會安!!!!我仲打算聽日先lai做個day trip ga ma!!!!
Ok~既來之則安之，就盡情enjoy左個cooking class先啦~

窮遊越南1 - 峴港景點懶人包好邪惡呀!

搵食艱難，收視率節節下降，自已又懶去勤力寫好d wor(乜Q鬼理由嚟??)
聽聞加某d字係標題度會多人睇d易呃like d~
寫呢篇野時fb見到連李準基戀情曝光都有「懶人包」兼幾百個like，我再加埋「好邪惡呀」仲唔無得輸!!??
今次掂呀~我齋落相唔寫字算啦!

咁又唔得~~~~~話哂峴港都係我近期少見，一個會有咁多有趣野玩既城市~唔龍飛鳳舞亂up幾句都對唔住呢個令我玩得咁過癮既地方啦~
既然標題都落左做懶人包，就一於簡單d point form攪掂啦!


美溪海灘
曾被評為世界最美的六個海灘之一，水極清藍沙極幼白，無去過唔好話自己lai過峴港!

不過有得睇無得食，呢個海灘係唔游得水ga!!!!!!即係男朋友約你去迪士尼玩但原來只係係門口猜包剪揼玩埋舟!
但就算有得游都千其唔好游! 睇下個海面，天朗氣清都咁多白頭浪，絕對會打直游出去打橫飄返lai ar……..
都唔使擔心ge~
面對如此水天一色的靚海灘，一邊買個椰青咬下，一邊視乎喜好欣賞下四圍比堅尼女郎or肌肉猛男揮曬汗水，都係一樂也~


遊玩時間 : 一早到天黑，玩到你想走為止

二千蚊峴港4日玩到盡!

越南機票、簽證、食、住、玩，全包$2000! 只需向公司囉兩日假，就可以4日3夜係峴港大玩特玩! 呢個價錢星期六日過一轉澳門連輸錢都唔止啦!
仲要係早機去晚機返，過程輕鬆舒服， 唔使節衣度縮，日日食飽喝足心滿意足! 真係岩哂我地呢d無錢無假又遊行成癮既窮鬼backpacker呀!!!
其實網上早就有好多峴港$3000 3日2夜既專題報導，但親身經驗之後，發覺可以用更少錢玩更多日的!
先此聲明，我係完全無刻意meet $2000呢個target，只係真係咁岩得咁撓上機前用剩幾蚊雞!
咁我無理由特登再買d野「死都要爆quota呀吹咩!」同埋成件事真係唔難完成! 我做到，你都做得到!
好啦，究竟我呢2000港幣係點分配ga呢？

新加坡篇(五) – 水火交融單車行

我其實完全唔明，點解咁多人覺得我去新加坡踩單車係一件怪事?
新加坡地方細交通貴，要周圍走周圍睇既最佳方法唔就係做個飆速宅男咩?
況且做過功課，知道新加坡既單車徑非常完善，仲有24小時的單車店，配套咁好點可以唔踩踩? 我原本打算環島ga! 都係9個鐘左右g ma~資料話~
可惜既係，當我認真計一計我剩底既空餘時間，只係得返最後一日12點至4點ja………..
環島不成，唯有改變策略，據報紙所講由Marina Bay既魚尾獅出發踩到East Coast Park來回啦~
(警告!本文涉及大量驚嚇自拍，有心臟病及睇唔慣核突野人士敬請注意!)

新加坡篇(四) – 花園有棵世界樹

經過左前3篇既重點活動介紹，呢一章終於變回活著VIVA可以繼續瘋癲啦~~~
呢3日2夜除左睇GOLF同李準基，剩低既空餘加埋大約有一日一夜，時間有限故行程必須非常精準! 剩揀D自己想去既地方啦!
所以第一日記者會(http://blog.ulifestyle.com.hk/blogger/aeolusgarcia/2017/03/sg-1/)一結束，即刻叫的士兄車我去金沙酒店旁邊的濱海灣花園Gardens by the Bay!

新加坡篇(三) – 高爾夫音樂節睇下基仔唱成點先

新加坡篇重點活動最後一項就係「李準基Asia Tour – Thank You@ HSBC Women's Champions Music Festival」
活動會場正正就位於Golf Club的不遠處，係一個建於草地上的大型露天音樂會
Woo~個場又幾有feel wor~

新加坡篇(二) – 第一次睇高爾夫

第二個重點活動係「HSBC Women’s Champions」匯豐銀行女子高爾夫球冠軍賽
高爾夫球對於一般香港朋友都是比較陌生同離地的運動，感覺打親既都係有錢佬
再者係90年代末興起返大陸打golf熱潮，各香港太太都非常擔心老公去完觀瀾湖打18個洞後會再去二奶村打18個洞
但近年golf已經洗底，除左唔少人去南華會及長沙灣果邊打波外，香港舊年亦已有女子高爾夫員陳芷澄係奧運勇戰!
可惜既係今次新加坡呢個比賽佢無參加，未有機會現場一睹其身手
而事實上我既golf經驗只有打過一次Driving Range同平時睇新聞only，今次難得有機會，就lai學下野，見識下真正既golf有幾精彩啦~

新加坡篇(一) – 亂入男神李準基記者會

係新加坡篇開始之前，首先要多謝ULifestyle同UBlog比我參加「U Blog x HSBC Women’s Champions 請您飛新加坡 睇Golf + 音樂節！」活動，等我可以lai個3日2夜快閃獅城
可惜既係同是3日2夜，
點解無歐陽巧瑩陳庭欣林泳淘陳婉衡張秀文朱智賢一齊把臂同遊浸溫泉玩泥漿?仍然只得我一支公晝夜無間踏盡面前路
算啦，作為背包客都慣哂了~
不過今次有sponsor機票酒店，同背包個concept有d d背道而馳……..
Anyway~儘管有d野唔係我一貫風格，但作為旅遊Blogger，都用幾篇文講下呢幾日係星洲食炒米之餘仲發生左咩事啦~
好~新加坡短篇遊記開始!

====================

今次去新加坡主要有3個活動要參與，第一個就係「HSBC Women's Champions Music Festival feat. LEE JOON GI [THANK YOU] ASIA TOUR – Press Conference」，中文大致上就係「匯豐女子高爾夫球賽音樂節暨李準基亞洲巡迴演唱會 - 記者會」
李隆基? 唐玄宗ar ma~ee復活左咩?
啊李兆基!「舉頭望明月，低頭思故鄉，好詩好詩~」
以上兩個都好出名，但李準基???抱歉，小弟真的孤陋寡聞了