測試1

2018年2月5日星期一

【北陸之行5】雨晴海岸真面目

當初做資料搜集時見到冰見市 -- 雨晴海岸的相片,真係靚到嚇親!

湛藍海水映襯遠方白雪山脈,十足瑞士一樣的美景,點解會名不經傳ga??

所以set行程時,我求神拜佛都希望到埗時天清氣朗!
果然! 而家藍藍天空高掛我的夢呀!!!!! 今次仲唔一掃黑氣!!!
但事實又係咪真係咁如我所願呢………….

一片蔚藍的雨晴海岸
一片蔚藍的雨晴海岸
一望無際的富山灣
一望無際的富山灣



真係靚wor!!!!!!!

完全深藍色一望無際的海岸,配上晴空萬里的天藍色,略以輕紗雲霞點綴,微風帶來清爽的海洋氣味,葉子與潮浪沙沙作響,確實是個令人心曠神怡的絕妙美景!

不過……..等等先………..好似差左d野咁ge………….
Wei我睇相係咁ga wor!!!!!!

(官網圖片)


個雪山呢? 少女峰呢?? 瑞士山區肺呢??? 乜都無ge???????????

喂個天清到咁已經好盡ga啦wor! 唔通真係要去到萬里無雲空氣污染指數係零先得!!?????
咁好似係北極光level既難度wor!!!
怪不得我係冰見市睇來睇去都係得果張官方相啦!
所以,唔係大紅大紫係有原因的…….

Anyway啦,係有d違反商品說明條例,但坐係度望下海飲罐野真心疏乎~
雨晴海岸絕對係遊富山必到之處!


雨晴海岸海濱長廊,都非常舒服呀~

我係日本讀書的話,一定成日嚟呢度 談情 溫書
雖然只係一個小小海灣,但非常寧靜舒服


講下交通啦~

由高岡站坐JR冰見線至雨晴站約23分鐘,落車向前行幾步橫過路軌就得
班次約每一小時一架,建議落車後買定飲品先去~坐一粒鐘後上車向冰見市出發,perfect~

特別注意前一站越中國分至雨晴一段路風景非常靚,火車彷如水上飛馳一樣,記得坐係右方同早d訓醒ar!

另外如果係fans的話更加不能錯過冰見線的忍者小靈精列車,因為冰見市就係藤子不二雄Ⓐ先生的故鄉呢!
不過架車又黑又舊,真係好似長隆歡樂天地果d老翻鐵皮玩具呢......

高岡市美術館 - 越中中川站

鐵皮製車站充滿懷舊感
忍者小靈精列車

雨晴駅 -- 我覺得又幾靚幾好feel wor
雨晴駅 -- 我覺得又幾靚幾好feel wor
充滿日式民居感覺 ---- 咁呢度真係日本民居嗎!!


順便講埋冰見另一注目點「冰見番屋街」~
開頭以為係漁市場,但原來係「漁市場外的商店街」,同白浜toritori市場劈魚斬蟹沙鮮mi完全唔同…….
但店舖所售既食品仍非常新鮮!
超推薦墨汁螢光魷魚! 勁鹹! 鹹過我! 但鮮味到爆炸! 絕對一試上癮!!
信我! 我地攪住人半粒鐘試食左4-5種生魷魚後既最終答案!
由於冰見市再向西行已經係石川縣,故有不少金澤著名的金泊工藝品出售,唔少野聽都未聽過,有趣,值得一行~

冰見番屋街
冰見番屋街內部,就收工無乜人
冰見番屋街三大人氣,白蝦毫無疑問係no.1
有d鋪有得試食tim~
No.3既螢光魷魚超勁鹹,但超勁好味!!!
No.3既螢光魷魚超勁鹹,但超勁好味!!!
冰見市隣近金澤,所以都有唔少金泊紀念品



冰見市玩左幾粒鐘only,寫少d都好正常呀~
呢篇就此結束,下回……….um有追開我fb就知我會寫果間旅館呢~



====================================


IG果邊間中會有d和Blog及fb page不一樣的相片和story,大家有興趣既去follow下支持下啦~








==============================

  • 相關篇章 :



================================

我既Youtube Channel正式開通啦!!!!

快d Click入 「鋒加西亞 / 旅人瘋語」Subscribe 睇片再禁個like啦!~

岩岩開始,完全未有人睇呀~




=================================


  • Email : funggarcia@gmail.com






文章同時刊於以下平台,
請各位多多支持呀!!!!!!!!!!!!!










沒有留言:

發佈留言