測試1

2018年6月12日星期二

汶萊小記2 - 完美的水上民宿

係為數不多的中文汶萊遊記中,有一位師兄曾講過「可以的話應該要住係水上人家的民宿」,但就無任何further information,其他人問佢都未有回應,所以我開頭都係睇過就算
當我比果幾百萬間酒店住宿既價錢嚇親而轉投airbnb既懷抱時,劈頭第一個選擇竟然就係一家水上人既民宿!
睇相,唔太特別 ; 睇comment,d好評多到如黃河泛濫一發不可收拾! 點睇都唔似做假,咪一試無妨law~
結果,兩日兩夜,簡直係我旅行生涯其中一個最佳既住宿體驗! 甚至可以話呢間河上小屋令我的汶萊之旅變得溫馨難忘! 我住左係間dream house呀!
儘管無得到屋主Andrew同意,但係對唔住啦,容許我寫幾隻字讚下你間屋啦~