測試1

2019年12月23日星期一

漫遊保加利亞6 - 飢荒平安夜

上回,而家要講下我平安夜係當晚離開Plovdiv返去Sofia既實況了

係德國生活時都一早知道,歐洲既聖誕節會由平安夜開始連續數日keep住死城狀態,之不過估唔到連我係Sofia既住宿都要收工! 到連行李寄存都唔比!?
「唔得呀,我地下年先再開門,個背囊你想放到下年?」
教書有Christmas Holiday放十幾日,估唔到保加利亞既民宿業都有,真係好公司呀…………
所以我上回所寫既Plovdiv所有行程,其實我都係孭住全身行李full gear上山下海的!
話就話backpacker一早已習慣當負重做gym je,但做完gym都要飲水ga
到了晚上我身上既飲用水已一早清空,口喝到死,但行上羅馬鬥獸場的路上,連士多都無間,就算有tap water都好ar….……….
真係無乜幾可係城市會有沙漠既感覺…………

(燈火通明,但其實收哂工~)



(黃明志的沙溪,好歌嚟ga!)


2019年12月19日星期四

漫遊保加利亞5 - Plovdiv文化小鎮一日遊




普羅夫迪夫Plovdiv,十個保加利亞人有九個都會話真正既保加利亞文化保存左係呢個第二大城
係真唔係我唔知,因為文化底蘊呢d咁深奧既野,決不是我呢個嚟玩一兩日既背包客咁易就明白的
之不過如果要係Sofia以外揀一個城市去玩去癲去ocean park的話,真係所有人都叫我去Plovdiv!
既然係咁,就整個one day trip la~

2019年12月13日星期五

曼谷Skybar - 60樓的情調晚餐半價食到? 【泰國雜記4】



Wa個標題真係超級x假期咁ar!
但幾廢都好,似乎大家真係好易比呢種topic吸引走入嚟睇,係呢個文字低迷寫Blog無人睇既年代,咪又試下law~

曼谷著名酒店Banyan Tree相信各位都唔會陌生,5-6年前佢61樓的Moon Bar曾被選為曼谷No.1的Skybar (無fact check~ 個資料係好多年前睇過而家搵唔返~)
但呢幾年曼谷周圍都係新skybar,主要對手Sirocco更因為《醉爆伴郎團2》加持而成功後來居上。
不進則退,Moon Bar的人氣已大不如前,唔知係咪咁,連帶60樓的室內酒吧餐廳「Vertigo too 60th floor」都無乜生意,要做特價嚟吸客
其實佢咩原因有折就唔關我事ge,只要佢平左就得ga la~
用平常一半既價格就可以品嚐五星級酒店的skybar餐廳,無理由唔試試佢ga~



2019年12月1日星期日

曼谷浪漫餐廳 - 艾菲爾鐵塔下的醉人晚餐 【泰國雜記3】



係曼谷除左按摩shopping同灌醉個fd去搵人妖外,最多朋友做既應該係搵間靚餐廳fine dinning下~
無他ge,同樣係浪漫餐廳,香港3舊水幾食垃圾,泰國3舊幾水勁好吔,仲要係泰幣wor! 不同既價錢卻有同樣既享受,點可能唔去~

(睇過Hangover2就會明呢張圖點解~)


只要上網打「曼谷浪漫餐廳」,超易會搵到一大堆 ------- 當中不外乎係天台sky view,近郊田園view,同埋岸邊路伴的開揚view
而其中又有一堆係集中係臥佛寺近河一帶,睇嚟果邊好feel wor~
Google完一輪,就後決定試下最多好評的呢間「Eat Sight Story Deck」,希望唔會令我失望啦~

2019年11月5日星期二

香港郊遊004 - 赤徑與鹹田灣,宛如沙巴的美麗海灣

11月,又係郊遊既季節,呢個封塵左成年既系列又出動返了~
前兩日去左行赤徑至鹹田灣,風景竟然靚到嚇親人!
赤徑的紅樹林淺灘步道,鹹田灣的水清沙超超超極幼,令我以為自己去左沙巴tim!
就同大家介紹下呢條我認為係香港最美風景的行山路線吧~



2019年10月31日星期四

漫遊保加利亞4 - 簡陋的Sofia聖誕市集

聖誕市集呀!!!!!!!!
歐洲為譽為世界上最具聖誕氣氛地方既原因有一半就係因為有Christmas Market!
我綽號「聖誕市集專家」(幾時改ga??),假假地都去過德國大大小小廿幾三十個Weihnachtsmarkt,(詳見德國working holiday第三十五章 : 德國聖誕市集大解構! ),非常清楚每個國家地區既市集都有佢地自己既特色,有d會主打本土美食,有d會非常華貴,有d會出名貴……..
至於Sofia的聖誕市集,係網上搵的資料少之又少,唯一既information就係 ------ 「係囉,會有市集囉」,完全唔知道內裡係乜料子!
所以,好期待呀~~~~~~

到步後問問當地人,好容易就會知道Sofia唯一的聖誕市集位於City Garden,幾乎係所有遊客hea行Sofia市中心的必經之路,所以一d都唔難搵
都岩ge,如果山旮旯既搵鬼去咩~
Wa個正門好有feel wor!!!!


2019年10月17日星期四

漫遊保加利亞3 - 索菲亞的免費午餐Free Food Tour



俗語話天下間無免費的午餐,但係索菲亞竟然不適用! 因為佢地竟然有免費既food tour! 而且江湖傳聞係一個非常好既體驗tim!
儘管我半信半疑,總係覺得會有d位會收錢收返妳好貴,但貧窮又度縮既我,免費有野食咁著數又點會唔去呢~
就睇下妳乜料啦!



2019年10月2日星期三

漫遊保加利亞2 - 索菲亞行下hea下行程一覽



於多哈機場訓個靚覺後,就正式上機向保加利亞首都索菲亞Sofia出發了!
其實我今次既行程幾乎無plan過,工作忙到連Sofia係咩o麥頭都無時間google,之不過,到埗前一d小確幸已經可以令你對未來既行程充滿期待~
估唔到卡塔爾航空飛Sofia途中會低飛掠過高加索山脈~
從高空俯視的連綿白雪山勢,好正呀!!!!







2019年9月20日星期五

漫遊保加利亞1 - 轉機多哈,舒適地訓機場



玩野咩~ 又話保加利亞遊記開始,點會係多哈轉機ga!? 回水呀!!!!!!!
我呢個blog一向無收錢又無錢收好難回ga wor~
咁我今次去保加利亞的確係要先飛多哈再轉機嗎~ 咪簡單講下咩情況law~



由香港出發飛左10個鐘,終於到達全球知名既多哈國際機場
好似《漫遊保加利亞 - 出發前資訊總匯集》所講,係多哈轉機會有以下3種情況 :
1. 報city tour出去行個圈
2. 享受卡塔爾航空的優惠以平價訓一晚酒店
3.呆,玩UNO
City tour最後一場會係21:00,所以如果似我咁凌晨到達係同佢有緣無份的
至於我當年的免費一晚酒店住宿優惠只限轉機時間多於12小時的旅客,我去程就係尷尬既7個鐘……..不如妳嚟個大delay比我啦plz…….
於是我剩餘既選擇就只有係呢個冰冰冷冷既機場寂寞地過一晚夜了…….


2019年9月15日星期日

漫遊保加利亞 - 出發前資訊總匯集



又開始新既長篇遊記啦!!!
呢個係我上年返新工後第一個長旅行,亦都係小弟誤墮塵網,被嚴重壓迫而出現精神問題後第一次去遊行,希望呢個旅行可以當係一種治療,再順便整理反思下腦內如山般既問題……
咁我個人有問題同大家有咩關係呢? 最大關係就係攪到我寫作不能,上個長篇「格魯吉亞背包行」total寫左一年有多! 於是保加利亞呢個我2018聖誕去既旅行要而家2019年中先得閒寫law……
不過放心啦,嚟緊應該會快返d,因為post blog既呢個moment我已經離開高壓地獄進入失業地獄了~~~~ 大把時間寫野ar~




好啦anyway,呢d私人野都係唔好講咁多,入正題~
唔知大家對保加利亞既認識有幾多呢?
好老實,呢個地方一直都唔係我既旅行to go list上,我唯一認識就係世界杯史代哲哥夫,細個仲以為佢係哥爾巴喬夫個細佬
唔係去完working holiday對歐洲國家有返d概念,根本都唔會知呢個國家係南歐洲巴爾幹半島東邊~
而係上年ViuTV既《嚮導玩》比賽,我就答錯左一題關於保加利亞既題目,間接導致我同Yuki後來追唔返慘敗
咁岩我今年好想睇雪 ; 又咁岩見到Qatar聖誕都有平機票 ; 又真係咁岩保加利亞我又未去過!
於是,4年之後,我再次踏上巴爾幹半島的土地啦!!!!!
 (上一次既巴爾幹之旅,可參閱標題下既旅程分類 「南歐 - 巴爾幹半島+地中海之旅」)

等等!!!!!!!!!!!!出發前都要做功課ga!
介紹香港人不常到的冷門地方一向係我呢個Blog既宗旨~
保加利亞雖然係歐洲國家,但對香港人嚟講都唔係一個好common既背包旅遊地點,資料唔算好多。
所以我就整理一下我d功課,希望呢個總匯篇可以幫到想去既朋友啦~ 保加利亞真係好正ga!!


2019年9月3日星期二

泰國雜記2 - 我的芭堤雅黃色小見聞

上篇講完芭堤雅正經既玩樂,呢篇就講下唔正經既玩樂啦!

超嚴重利申左先 : 我絕對無做過d咩大家幻想中既行為!
之不過好似小弟舊文《霓紅燈下的事情》所講既阿姆斯特丹咁,芭堤雅一樣係世界頭一二位的情色產業城市,只要行到市中心就根本無可能見唔到,而小弟更係唔知情下差d中招.......
以下係我既第一身見聞,大家當故事咁睇下就算啦~

(以下內容18禁,年齡及心智未夠秤既請回啦~)

(網上圖片)

2019年8月22日星期四

泰國雜記1 - 芭堤雅3日快閃行程懶人包

估唔到平時寫野係story mode既我都會寫行程懶人包呢~
事緣今年6月頭公眾假期放五六日,最fit當然係星期四晚出發星期日晚返快閃一轉啦~ 泰國呢d飛兩個半鐘頭近近地話行就行最岩ga啦!
雖然話芭堤雅係一個已開發過度既老牌旅遊城市,個個fd都話「無咩睇啦,去華欣好過」,但我去完又覺遠比想像中好wor!
食物又平物價又低,就算唔幫襯紅燈事業都有野睇有野玩!
比起日日塞車放題既曼谷,都係芭提雅陽光與海灘有度假feel得多~
小弟唔係泰國專家,只不過係將自己呢3日plan左既健康行程公諸同好,等大家唔使用腦原封不動copy and paste都得,真正輕輕鬆鬆話行就行啦~




航班及到埗交通

HK Airline / HK Express / 皇家約旦航空 / 泰國航空等等大把夜晚機同凌晨機飛Bangkok唔使我講啦~
不過要注意飛邊個機場,Suvarnabhumi airport (BKK)地理上係正曼谷同芭堤雅中間,落機坐的士or Grab大約1.5小時可到,去程價格約1200 – 1800 THB,回程則最多1000 THB攪掂
如果係飛廊曼機場(DMK),座落曼谷市中心北邊,就要搵下方法去了,雖然夜晚嚟講的士都係唯一既option.......

2019年8月14日星期三

帶著爸爸行富士山3 - 夢之日出! 惡夢之下山!



攻頂!

日本時間早上02:15,我地正式開始攻上富士山頂了!
但實在係太多人啦!!!!!!!!!
基本上攻頂就係傳聞一樣排隊買iphone一個個貪食蛇上山!
如果閣下體力足夠,的確係有「左邊快線」可以衝上去,只要唔介意有某d路段要插返隊比人”啤”就得ga la~
其實都少人咁做,因為大隊其實行得唔算慢屬正常步伐,塞車情況亦不多,緩緩一步一步上最終都會輕鬆上到山頂的~



之不過我仍然係高估左阿爸的體力
起行後約3個Z佢已開始步履不穩,高山反應+睡眠休息不足,令他每行3-4分鐘就不停氣喘要休息
到達9合目後情況更差,我只能緊貼阿爸後方,右手金剛杖支撐自己,左手渣電筒兼打Rugby式掂住佢backpack,一有咩ee郁就捉實頂住!
縱然係咁,佢都仍數次向後倒下! 有次甚至連我都扶唔住差d一齊碌落he is falling!~~~~~
如果唔係有途人幫手捉實,如果唔係有阿哥做back backup支援,後果真係不堪設想
由細到大,一直都係阿爸照顧我地兩兄弟,今次掉轉到我地照顧返佢竟然差d出事,真係嚇到嘔電......
終於明白阿爸當年睇住我地兩隻馬騮有幾辛苦了.........

2019年8月2日星期五

帶著爸爸行富士山2 - 上山啦! 惡劣之御來光館


出發前的時間預算

開始前講多少少時間管理先~
「吉田線」由五合目至八合五勺的「御來光館」平均上山時間約6小時左右
以天黑時間約19:00計算,即係中午13:00前點都要由五合目出發,計埋休息和行得慢,最好建議11點半左右就應該起行,早到小屋早休息永遠都有著數~
再推返前個時間計算,當日既行程應該係咁 :

08:00起身
08:45 check out,自行乘車到河口湖駅
09:30乘河口湖巴士往五合目
10:30到達五合目,食d野影下相買金剛杖
11:30前出發
17:30至18:30到達小屋,食完飯21:00前休息
01:30起床,02:00前出發 (御來光館計,往下d的小屋請早返半至1小時)
04:00到達十合目,搵位睇日出

以上係理想既狀態,我上山前都係on schedule,上山後就........睇大家修為啦.........
總之,21/7/2019,日本早上11:25分,我地3父子與姨丈一行4人,上線啦 上山啦!!!!!!!!!

2019年7月31日星期三

帶著爸爸行富士山1 – 路線、小屋及裝備選擇心得

本篇開始之前想講下,原本我係行完富士山後因為太深感受,於是想寫幾隻字抒發下,連原本已一早寫好的保加利亞篇都扔埋一邊,點知一寫就寫左成6千幾字..........
我自己都睇到嘔啦何況大家?
所以就將佢斬開3舊,當做一個小短篇,希望大家易睇d開心d啦~

=====================================

唔知邊個偉人曾經講過,「富士山難度唔高,只要做足準備,普通正常人都可以登頂!」
阿爸作為行過不少5-6000千米高山既行山老手,當然唔會覺得呢個3776米既日本no.1係咩一回事啦,聽到朋友講話正就興致勃勃話要搵機會上一上去!
大佬呀佢就嚟70古來稀啦,仲要身體有事食藥中,唔通仲放佢一個通山跑咩??
加上我地比上面果句「普通正常人都可以登頂啦~」引誘,於是家中年紀最細但又最虧既我,仲有識日文但已變胖既前運動員阿哥就頂硬上一齊同行了
講真呀我係擔心我地自己多過老豆,不過自從長大成人後都無再3仔爺行山了,上富士山又係老父既心願,就當做係一個美好既回憶啦~



好~ background講完,但係同我今個系列寫既野無關係ge!!!!!
我呢個blog經常都係比我自己自high ga la~
如果夾硬要講關係既話,就係我行完之後發現,富士山根本唔係大家口中咁易行!!!!! 如果抱住玩樂心態輕鬆行的話我可以絕對斷言你會死得好慘!
所以儘管坊間已有很多很多富士山登頂攻略 / 注意事項等等等等,我仍然想係呢度用我第一身既主觀感受寫幾隻字,希望會幫到想登山既朋友啦!


2019年7月6日星期六

東京雜記6 - 蠔大大小店,性價比超掂



有次中午係新宿剪個彌敦道9號前有d時間  (剪髮請參閱https://garcia-in-germany.blogspot.com/2017/01/day81.html) ,打開tabelog亂咁睇,無意中發現左一間分數成3.61的炸物定食小店「わぶ 」,主打係大大隻吉列炸蠔。
基本上係香港,所有食肆既吉列炸蠔都係伏嚟ge,一係腥一係臭一係細細舊,實衰一樣ga wor!
既然呢間店係新宿呢個日本美食激戰區可以咁高分,就睇下你會唔會令我對炸蠔改觀啦!!



https://tabelog.com/tokyo/A1304/A130401/13042801/

2019年5月21日星期二

紀伊半島番外篇 - 白浜溫泉超主觀評價

白浜你唔係講過啦咩?做咩又勾返個topic出嚟ar??
即係咁,係上次我都講過,和歌山縣既白浜係我日本其中一個最鐘意既地方,於是係2016年頭去完第二次之後,呢幾年間又快閃左一次,又有d新既體驗~
同埋我發現我果兩篇舊文 ------ 《白浜風景簡易全接觸》《白浜刺身燒烤乜都有漁市場》只係講左有咩風景同野食,完全無講到著名既溫泉係咩狀況,而當地溫泉花多眼亂,初心者可能完全茫無頭緒
所以小弟就以自身經驗,綜合主觀評價一下白浜各個不同溫泉,睇下有邊個一定要去,有邊個話鬼知佢啦~


====================


1. 崎之湯

毫無疑問,白浜no.1既溫泉,一定一定係崎之湯!
呢個已有過百年歷史既露天溫泉,座落於礁岩海邊,依岩坡層遞兩座大池,一入場所見已有濁浪排空,波瀾壯闊之感
呢個風景宜人唔在講,更特別既係唔止望到聽到來自太平洋既海浪,仲可以伸手掂到tim!
不難想像打風大浪時會浸浸下捲埋你落海餵蝦呀~
日本成千上萬個溫泉,望海邊既無一千都幾百,但近到咁既真係唔會太多!

兼且呢度溫泉水熱得岩岩好,唔會太"辣"肉之餘,海風吹來又唔會令浸緊既你覺得凍,環境乾淨企理,仲可以聽到一木牆之隔的女性專用池的聲音 ........
不過呢度有樣野煩 ------ 更衣處只係一個無乜遮掩既屋簷,意味冬天時大家要係零度之下除哂衫先落得池,只係果10幾秒已足讓大家變成一大條雪條了.......
而另一個唔好處對某d朋友嚟講應該係好處 -------- 係崎之湯再南多少少既海心觀景亭,係可以好清楚咁見到男湯內所有細佬ga......

2019年5月1日星期三

過境哈薩克 - 阿拉木圖一日漫步


邊個話個遊記就咁完結~
離開左格魯吉亞je,仲未返到香港ar嗎!
由於Air Astana轉機問題,我將會係大城市阿拉木圖Almaty停留大約15個鐘,凌晨5-6點到埗,即係話我大約有一日時間可以睇下呢個哈薩克前首都係咩情況~
再加上Air Astana有轉機優惠,1蚊美元就可以住一晚4星級酒店!
係~係同Qutar免費住5星級有d距離,但港幣$7.8住一晚Holiday Inn +機場來回接送+自助早餐仲想點?
旅行得咁攰,就比自己係張酒店大床好好抖下一抖先返香港啦~

2019年4月13日星期六

格魯吉亞背包行Day10 - Wine Tour@Sighnaghi



嚟到格魯吉亞之行既最後一日了!
原本只係想慢慢買下野休息下,但可惜,我份人真係太怕浪費時間了,格魯吉亞又真係太多野未睇了
一場嚟到葡萄酒大國,又點可以唔去酒莊參觀下呢~
於是,Wine Tour,我嚟啦!!!!


2019年3月23日星期六

格魯吉亞背包行Day9 - Kazbegi tour概述


旅程來到第9日,今日book左tour去另一個格魯吉亞非常著名既靚地方Kazbegi!
有外國blogger話Kazbegi同Mestia好相似,兩者去其一就得
不過我份人最唔信邪,眼見為實,特別Mestia咁靚,如果同level的話點都應該去望下啦~



Kazbegi 其實可以好簡單地minibus自己去的~
之不過呢個tour會一程車包埋幾個「靚景值得一到」但「自己揾車嚟一嚟睇一睇好無聊」既hea唔耐景點(有無人明我講緊d乜???)
所以想輕鬆簡單d唔想辛苦,比兩舊幾專人車你+講解都係好事,特別係岩岩病好9成既我
呢個市內有名既旅行社Holidays in Georgia既Kazbegi tour每日朝早由Tbilisi出發,但由於太出名(幾乎市內的hostel既地圖都係佢地供應的),所以最好都係早一日book定先好


2019年2月23日星期六

格魯吉亞背包行Day8 - 交通日暨大病日

ee,我發高燒wor!
一起身就有想嘔既感覺,全身發冷,但額頭可以煎蛋
按schedule,我今日應該要坐車返格魯吉亞了,wei 咁既狀態點返ar......
都唔理啦,而家最重要就係飲杯熱茶食個靚早餐快d食藥!
民宿既日常阿塞拜疆人早餐雖然只是麵包+唔同芝士+唔同果jam ,但味道著實不錯! 可惜我真心無胃口,夾硬好慢咁塞d澱粉質落肚再食藥算了





2019年2月4日星期一

阿塞拜疆背包行Day7.2 - 城外小村Kish與飲飲食食在Sheki



續上回做完步兵回到Sheki市中心有d餓,下晝2-3點食個lunch又有d heavy,小食最好既當然係本地出名既甜品Halvasi啦~
呢種好似pizza咁樣既阿塞拜疆著名甜品當地人話本身已經好好味,而Sheki呢度更係公認全國no.1的!
不過我又唔記得一樣野 ------- 齋戒月開始左大部份店舖都唔會開門做生意呀!!!!
由山上行落市中心,10間有9間都黑掹掹,好不容易先有間開門!
店員劈頭就話要成底咁買! 大佬你呢個批我屋企張飯枱咁大wor! 會唔會個面積已經大過我個胃既體積ar????

2019年1月21日星期一

阿塞拜疆背包行Day7.1 - 與鬍鬚型男上山記 (#過客列傳17)


經過尋晚既飛蟲洗禮,總算訓到11點幾有得休息下
起身沖個涼啦--------喂無熱水ge????
Wa呢間民宿想點呀???? 又蟲又無熱水,加上我呢幾日總係隱隱病緊,係咪要考慮下走佬搬去間靚酒店呢?????
而呢個時候Gunay先whatsapp我,話因為春天所以周圍都係呢種蟲,係正常的 ; 另外好似因為市內唔知乜野破裂而全個Sheki都無熱水供應………..
Um原來又怪錯左間民宿,對唔住呀!
總之攪左一輪無野發生就好,12點食個late breakfast就出門了,我要去騎馬呀~~~~~~

2019年1月7日星期一

阿塞拜疆背包行Day6.3 - Sheki市區與遇上的女士們 (#過客列傳16)


上回講到得到神秘老伯之助,我終於來到Sheki市內唯一的Tourist Information Centre
開門既,係一位眼大大、鼻高高、輪廓深且身型窈窕的美少女,一開門就用流利既英文同我講 :
“Welcome! I think you must be Garcia! Nice to meet you! I am Gunay!”
聲音同頭先電話內既一模一樣,我而家先sure自己真係嚟岩地方了!
簡單寒暄兩句,已經發現呢個阿塞拜疆美少女非常熱情開朗~

“Gunay in Azerbaijan means Sun and Moon, so many of friend just called me Sun Moon~”
像是月亮又像太陽~ 告訴我方向~ 幾咁詩意既名字啊~

“I heard your situation, this place is not easy to find right?~ Don’t worry! I will help you~”
呢個笑真係像龍卷風吹過,怎可對抗這吸引ar~

“Ah~ Do you want some sweet? Azerbaijan candy?”
妳個樣已經好sweet~ 唔使糖都甜到漏啦~ You are my sugar baby~

“haha I just engaged~ Traditionally Bride-to-be need to share some candies to others for blessing~”
………………………………………………………..
果然,我邊有咁好死…….艷遇呢家野,從來沒我份……….