測試1

2014年2月10日星期一

德國working holiday第六十六章 : 一樣米養百樣人

上一篇已經提及過下,我真係好少會唔鐘意一個國家,但拉脫維亞卻讓我不想再久留於此!
要比較既話,呢度好似另一個現代中國,有充滿特式既文化歷史建築,有善良豪爽既人,但有更多既粗鄙狂妄、令人無語、欠缺文化的怪人。
講左咁耐,其實呢段前言係同下文無關ge!
以下純粹用point form記錄所寫我在拉脫維亞所遇,與人有關的瑣事,個人觀感方面請讀者自行演繹。


Hostel方面 : 
1. 因怕冰雕節時遊客太多太full,所以早於12月頭我已book定2月的hostel,但到達前兩星期hostel卻突然通知我佢地唔可以host我,仲自動幫我轉左另一間tim!當我到達新既hostel,職員反而問返我點解會有咁既情況?大家都唔知道,咁究竟原本間hostel攪乜鬼?
2. 香港人大多不同意早前有調查指最不受歡迎旅客首位是美國人,大陸人竟屈居亞軍。但就我旅途所見,美國人獲此榮譽仍實至名歸!他們最鐘意一大班人霸哂成個common area大吵大鬧拍枱拍凳郁手郁腳,能將任何地方變成自己的private party! 我係common area坐左一陣,佢地見我唔出聲上網竟然叫我行開,我冷眼超一超佢,佢先識趣講sorry


3. 美女hostel職員問我同加拿大叔叔 : 「如果有個女仔你追左兩個月佢仲係唔嗲唔釣,似有意或又無意,唔拒絕又唔一齊你地會點?我完全覺得佢玩緊我個friend law! Fxxx her!」
加拿大叔叔同旁邊聽到既德國仔同時表示 : 「She's a bitxx! Two months!Wasted two months!」
我保持沉默,香港幾多女仔做呢樣野呀,8個月都係咁啦,講埋“我好掛住你呀”都可以係無意思同玩你的~
區區兩個月?少見多怪~You haven't seen the big snake pee yet!


4. 同房既德國仔非常健談! 佢話係嚟搵佢long d既女友,點知一嚟到女友話已有第二個男人,德國仔即刻被飛,連行李都飛埋出嚟,所以臨時嚟呢間hostel stay幾日先。
我 : 「I am sorry man............you may need some alcohol.」
德國仔 : 「Ya I think so...............so tonight I called two girls who I met before. God! I have 3 condoms only, it may not enough........」
佢第二日仲同我分享尋晚“三人行,必有我師”既經歷.....我只能給他一個滴汗logo...........


5. 據聞Riga非常出名“夜生活”,hostel房內就寫明唔比帶非住客過夜。但第一晚有個美國佬就帶左個女人返嚟想開餐,6人房嚟ga喂,我+同房印度人望住佢兩個並排訓係床上緊密休息,5分鐘後我地四目交投x2,就急急腳走人。證明眼神攻擊唔係X men既專利呀




街上所遇 : 
6. 在里加歌劇院外影相,突然有個年約60既華服婆婆同我say hello,唔識英文但身體語言一輪後表示佢係今晚節目既舞蹈老師,叫我跟佢一齊去後台參觀! 點解個騙徒感覺咁強烈ge......即刻扮唔明say thank you goodbye la!


7. 就算唔去hostel職員所講地圖上既9反地帶,但舊城區一帶仍然係一街醉酒佬打交爆樽奪命狂呼!


8. 去一間當地人稱為神級既酒bar食飯,係門口被一對少男女禮貌欄住 : Are you student? No? Sorry tonight is student's night!
第二晚再去,係門口被一對彪形大漢欄住 : 我要搜你身!點解唔搜其他人?關你咩事,我係要搜你呀!
我留低兩個爆唇音英文單字及一個手指動作後轉身即走


9. 來到一間門面不俗既Irish bar,係bar枱坐低15分鐘都無人囉menu嚟,終於有waiter望到我,我笑住同佢hello,佢冷冷望望我,不回答就走開左,我轉身即走x2


10. 夜晚11點到餐廳食飯,點菜後waiter問我做咩細路仔咁夜仲唔訓周圍走,我話“I am 29",“What !!???You are 29???I think you are 16!!",聲浪係成間餐廳都聽到,我真係唔知開心定唔開心好............而係hostel同樣曾被誤認為未成年


11. 里加中央車站外,不停徘徊著兜售不知名彩票或要求銀兩的中年人,與國內大部份車站非常相似,行路時常要打美式足球般高速閃避。而此處上車亦充滿頂級既打尖格鬥家


12. 於Sigulda中央車站,我同嬸嬸講要返里加既巴士飛,寫埋紙仔比佢,佢都可以賣張火車飛比我,仲要班火車走左而我上到巴士先知,乜料!


一個地方進步唔止係經濟建設,人文質素亦是同等重要的一環,其實四處都可以見到呢個國家正在蛻變中,但換湯不換藥始終唔掂
老實講我未必會再嚟呢個國家,但如果真有此一天,希望佢會變成一個值得留戀的地方吧


 ===================================

IG果邊間中會有d和Blog及fb page不一樣的相片和story,大家有興趣既去follow下支持下啦~

Instagram : https://www.instagram.com/fung_garcia_backpacker/





==============================


我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~





=================================


Email : funggarcia@gmail.com





文章同時刊於UBlog、 DC Fever Travel、 Blogspot 、遊牧爆谷Medium,請各位繼續多多支持呀!!!!!!!!!!!!!








沒有留言:

發佈留言