測試1

2020年10月29日星期四

飛鵝山芒草之行【香港郊遊8】

「我要睇芒草!!」

唉平時10月11月應該係日本睇紅葉ga嗎,點知今年不論紅葉黃葉由加利葉,唔理咩行業都收皮啦

無得去外國,芒草總算係香港都睇到既美景,就當係出國影相,自我滿足暫離一下這個煩悶的城市啦~

而講到芒草,香港人第一時間都會諗起大東山,只怪5-6年前有人寫過相關Blog,之後每年既芒草季節,Tai Tung Mountain立即變成People Mountain,大嶼山仲旺過銅鑼灣!

於是再google搵下,原來飛鵝山都係芒草熱點!

飛鵝山唔係for偷情ga咩?????

講真呀我呢d既純情又貧窮既無車階層,飛鵝山上傷避震呢家野同當面鬧老細一樣 ----------- 你諗下好啦~~~~~~~~~~~

Anyway啦~ 一於襯放假天氣好走一轉飛鵝山,係睇下係一個點樣既 車震勝地 芒草勝地啦~


飛鵝山

行程概覽 : 

  • 德望學校至百花林
  • 百花林至飛鵝山觀景台
  • 芒草小山
  • 大老山天文台
  • 扎山道停車場觀景台至沙田坳至慈雲山


交通 : 

唔渣車的話,可以係彩虹村or荷里活廣場坐91 / 91M / 92巴士,於「德望學校」站落車

再沿清水灣道上斜行約5-10分鐘,到燈位再轉上飛鵝山道繼續上行,不多久已可見到「飛鵝山」三隻字的石碑


「德望學校」站

清水灣道

回望東九龍

呢個位轉行上路

順利村
順利村,好似係~

飛鵝山

飛鵝山



起點至百花林

起點方面,原本我想行「自殺崖」上「倚天脊」至「飛鵝山觀景台」做目的地

但起點路牌有人寫住一定要帶行山索,再google深入d先發現呢條路係5星難度超危險! 而且發生過唔少致命意外!

我當日對腳同裝備都唔太好,都係跟大隊兜遠d ---------- 繼續沿飛鵝山道上百花林慢慢上山啦~

比起影相,都係命仔緊要d!

「自殺崖」入口
「自殺崖」入口

飛鵝山道
飛鵝山道

飛鵝山道

飛鵝山道



百花林至飛鵝山觀景台,條路好差呀!

由百花林墓碑開始就正式進入飛鵝山範圍了!

呢條路真係 ---------- 好悶呀!!!!!!!!!!!!

風景無乜、難度無乜,只係不停不停地上斜,不停不停地上斜…………

行左兩個鐘我都仲係面不紅氣踹!

想行山減肥既朋友真係要諗清楚呀! 無用ga!!!!!!




飛鵝山道

飛鵝山道烏龜
行過突然凸出嚟~

飛鵝山道

飛鵝山道
沿途唯一休息地方

餐肉包
自製個餐肉包先~

飛鵝山道
差不多個半鐘,就行到頂先有d野睇一眼



條路仲有另一個問題就係無行人專用路!

平時行山行車路都無乜所謂,但飛鵝山本身就以「汽車直上山頂」而出名,如果唔係d MK點會飲兩杯就問「我車妳上飛鵝山頂睇夜景呀~」

儘管日光日白,但仍然每兩分鐘就有私家車的士係後面駛上嚟。山路狹窄,我地d行人只能靠到好邊好邊,甚至要停低比車過

司機nice既就話慢慢上,司機shit既就當正自己上緊秋名山踩油飄移頭文字D,毫不在乎自己與旁人的生命

所以每當呢d車一過,行山人士團結一致舉中指好合理呀~


飛鵝山道


慢行個半鐘後,終於到達第一個有野睇既地點「大老坳」

由此處可轉入「衛奕信徑4段」,或行去基維爾營地,更吸引的是右方不遠山上已是滿滿的芒草~

Wa~~~~~~~~~~~~~~~~~~~~ 成個山頭都係人呀~~~~~~~~~~~~~~~

加上果度唔係我既目的地,都係休息一陣望下遙遠的西貢算啦~


「大老坳」

「大老坳」

「大老坳」
放大睇,其實成個山頂都係人

「大老坳」

「大老坳」
開始有芒草睇啦~



目的地「飛鵝山觀景台」

繼續上山~

唔使10分鐘,終於到達目的地「飛鵝山觀景台」!

眼前突然一片開揚 -------------- wa! 成個九龍香港180度無死角盡收眼低呀!!!!!!!!!!!!!!!!!!


飛鵝山觀景台

飛鵝山觀景台
我部機唔夠wide ja,左邊整個維港,下面係全九龍,上方係青衣及昂船洲大橋、馬灣海峽

飛鵝山觀景台

飛鵝山觀景台

飛鵝山觀景台

飛鵝山觀景台

飛鵝山觀景台


儘管呢排行多左唔同山,多左係高處俯瞰不同角度的香港

但視野如此廣闊開揚,能在一個地點同時欣賞維港、九龍、香港,甚至昂船洲大橋、馬灣海峽,將所有香港引以為傲的美景一次盡覽的地方,真係屈指可數! 

怪不得咁多人要夜嗎嗎上嚟啦! 夜景一定超級無敵正!

至於而家,當然係擺post影kai相啦!~ 我IG post呢幾張唔少fd都表示chok到令人難受tim ar~


鋒加西亞 「飛鵝山觀景台」

鋒加西亞 「飛鵝山觀景台」

鋒加西亞 「飛鵝山觀景台」

鋒加西亞 「飛鵝山觀景台」

鋒加西亞 「飛鵝山觀景台」


芒草小山

但唔好忘記今次我既目的係芒草呀!

其實上山沿途已經見到有d,但就好似沙勿略的髮型一樣稀稀疏疏

要影芒草既,我推薦「飛鵝山觀景台」向前行約300m,左右兩座山 (詳情可見文末地圖~)

雖然無夕陽金光,芒草亦略為稀疏,但至少有藍天白雲頂當~

滿意ga啦~


個比喻好似用得唔係咁好,沙勿略係完全無的.......

芒草小山

芒草小山

芒草小山

芒草小山

芒草小山



呢座小山芒草不但較茂盛,山頂更誇張地360度望埋沙田及大埔! 即係無死角全部都係靚風景!

加上山頂有足夠平地,絕對可以係度野餐露營談談情


黃子華講過 : 「如果妳沒有時間跟我談情,那就請妳跟我露營~」


既然有地方,何必傷避震呢~

當然啦山頂凍到痴肺係另一件事~


小山芒草

小山芒草

小山芒草

小山芒草


大老山氣象站

如果天仍未黑哂,絕對應該行前上埋「大老山氣象站」~

只要妳行埋果幾級樓梯,yeah妳已經來到大老山山頂了! 呢邊可以睇埋吐露港、中大及慈山寺

平時大老山隧道過得多,大老山山頂真係無咩幾可會到此一遊呀~

我果陣仲有咸蛋黃紅霞(少少)配芒草tim~


「大老山氣象站」

「大老山氣象站」

「大老山氣象站」

「大老山氣象站」望吐露港
遠望吐露港、中大及慈山寺

大老山氣象站

大老山氣象站

大老山氣象站

大老山氣象站


扎山道停車場觀景台至沙田坳至慈雲山

係時候落山了~

由「大老山氣象站」落返「衛奕信徑4段」,沿路下行約10分鐘已可到達扎山道停車場觀景台,另一個欣賞香港夜景的絕佳地點~

多數駕車人士都會係度放架車步行再來回飛鵝山,所以都算幾多人聚集

平時無乜野,但而家都係戴返口罩好d


飛鵝山

扎山道停車場觀景台

扎山道停車場觀景台
扎山道停車場觀景台

扎山道停車場觀景台



繼續落山啦! 

你可以沿馬路行返落去彩雲村,但果條係車路加超級無敵遠

所以最佳選擇,都係面向夜景向右前進,往沙田坳村「獅子亭」出發~

此路少車易行,仲有路燈照明,仲有夜景邊行邊睇,輕輕鬆鬆半個鐘就來到「獅子亭」~ 

同時接駁返我上次「沙田行去慈雲山」的尾段落黃大仙or慈雲山~

完成!


++++++++++++++++++++++++++++++++++++

延伸閱讀 : 《沙田行去慈雲山,原來超級簡單【香港郊遊005】》

https://garcia-in-germany.blogspot.com/2020/01/005.html

++++++++++++++++++++++++++++++++++++


沙田坳

沙田坳

沙田坳

沙田坳獅子亭
又再嚟到沙田坳獅子亭了~



總括嚟講呢次行程只計上落山只需2.5小時,當然啦上山影相時間另計~ 我就影左粒幾鐘了~

而我係岩岩10月尾3日連假出發的,當時芒草仍未非常茂盛,估計出文既呢個moment會濃密好返好多ga啦~



另外要講既係 ---------- 行完返嚟寫呢篇文時,我先發現我上既其實係飛鵝山+大老山既混合體~

我呢條路線初段真係有d悶,而且可以渣車直上,但卻係最老少咸宜最安全的道路,唯一注意就係可能太多人山上塞車落山塞車je~

如果對行山有經驗有能力既朋友,的確可以上飛鵝山自殺崖,或由百花林上倚天脊,經東山象山到飛鵝山觀景台,咁成條路就好玩有趣得多了~

如果他朝有機會上的話,我再同大家分享啦~

記得add我IGYoutube Channel呀! 下回再見~~






=====================================

IG果邊間中會有d和Blog及fb page不一樣的相片和story,大家有興趣既去follow下支持下啦~









=====================================


我既Youtube Channel正式開通啦!!!!


新影片已upload,快d Click入 「鋒加西亞 / 旅人瘋語」Subscribe 睇片再禁個like啦!~






=================================



  • Email : funggarcia@gmail.com





文章同時刊於以下平台,請各位多多支持呀!!!!!!!!!!!!!












沒有留言:

發佈留言