測試1

2020年10月17日星期六

城市步行︱鯉魚門的絕美日落【發掘香港2】

係香港行山路線就聽得多,城市步行路線就真係少wor!

咁梗係啦,香港個城市有咩睇? 咪樓呀樓呀同樓呀law

而且,略為有野睇有野玩既地方,有邊處唔係一放假就一村人ga?

唔一定ge~

今次小弟就輕行左呢由觀塘至鯉門的城市步行路線,慢行睇埋日落至入黑全程只係兩個鐘,人少清靜之餘仲有維港日落美景!

岩哂我呢d放假訓晏左行唔到山,又想臨時出發郁兩下既懶鬼啦~

 

鯉魚門日落


 

行程重點 :

  • 茶果嶺拍攝
  • 三家村碼頭
  • 鯉魚門海灘日落
  • 馬環村防波堤 

 

我既起點由觀塘地鐵站開,由D出口向藍田方向前進~

過左工業區見到頭頂好高既觀塘繞道就可右轉,行人路直行就會見到麗港公

其實如果唔係住呢邊,真係唔會嚟過呢個公園law

而呢個公園亦保留左一貫make in HK公園既特色,就係無咩特色

行過就算了~

 

麗港公園

麗港公園

麗港公園


 出左公園偉業街轉左,沿麗港城外圍直行約5-10分鐘就會到達茶果嶺~

 

茶果嶺

 

茶果嶺呢個名大家可能聽過,但問d後生仔女係邊可真係無咩人答到!

我父母個年代,要由觀塘去將軍澳一帶,不論人車,茶果嶺可是必經之路

、人去樓空,現只剩數間酒樓海鮮批發店,或五金、汽車維修等

生锈的鐵閘,剥落的牆身,清冷的氣氛

有點像到了離島的街道,難以想像和熱鬧的觀塘僅數步之遙

 

茶果嶺


再向前行到達茶果嶺村,這裡更舊了,為香港現存少有的大型鐵皮屋村

其實真係好難想像住係呢d屋會有幾熱,特別我行緊果陣34度戴住口罩,更加令我入村尋幽探秘的興趣大減………

據聞呢度有間茶記有d歷史有d名,不過我當時唔餓無幫襯,有興趣既朋友可以自己睇睇~

 

茶果嶺

茶果嶺

茶果嶺

 

茶果嶺盡頭係天后廟,入去求神求神都係好事~

 

茶果嶺天后廟


過對面再向前行接近油塘了,出現一列普通的建築簷篷+周街亂泊貨車

的是,兩者組合,在這無人路上,長長的骯髒簷篷竟變成奇幻的無盡隧道!

將相片再加少少味精 ------- 還可以wor~

 

茶果嶺道

茶果嶺道

茶果嶺道

茶果嶺道

 

至於個地盤大家去到會唔會無左我就唔知了

不過呢撻地裡面d雜草成寸高,好明顯係同富奸Hunter一樣,未來一百幾廿年都唔會攪得掂

放心走嚟影啦!

 

 

再前行多陣已經見到油塘站~

無錯近到爆,以後地鐵塞車可以行過嚟 (what!?)

提示 ----- 呢處超多蚊,如果對自己餵蚊功力有信心的話請放心停留~

 

油塘站

 

沿茶果嶺道上行,可到達三家村遊樂場,穿過埋左方的工業區後,鯉魚門就係眼前了!

 

三家村遊樂場

三家村遊樂場

三家村遊樂場
當日30幾度,係非常好的過冷河地點~


我先去左三家村碼頭,如果早起身的話,的確可以行完鯉魚門再係度坐船去東龍島郊遊~

不過我放假既「早起身」一般都係中午12點後,算吧啦~

 

三家村碼頭

三家村碼頭

 

碼頭隔離的海旁小公園係釣魚發燒友的聚腳地~

閒閒地都有十幾個阿叔無戴口罩高談闊論非常熱鬧~

d走呀!!!!!!!!!!!!!!

 

三家村碼頭

 

轉過頭來,望下個海 ---------- 維港日落出現了!!!!

 

三家村碼頭


 

一時間我都呆一呆,估唔到鯉魚門既日落竟然可以咁靚!

不過此地不宜久留,最佳既日落觀賞地點,似乎係對面鯉魚門海鮮村盡處燈塔!距離太落哂仲有d時間,行快d啦喂~~~~~~~~

不過原來公園仔無得直接過對面,要C大兜路返街市圖書館果邊先入得…………只怪自己傻仔唔睇地圖啦……..

 

 

三家村碼頭

 

兜個大彎,終到達令遊客聞風喪膽既鯉魚門海鮮村啦~

呢班海鮮檔十間有九間都殺人不見血,食人唔lun骨,本地人幫襯根本少之又少,於是係疫情下個個拍哂烏蠅

不論有咩途人行過都問「食左飯未」甚想捉你入去,我以為去左10年前旺角做問卷調查呀

好景4仔阿叔都唔會郁手郁腳啦,阿部長你唔好掂我好唔好

 

鯉魚門海鮮村

 

村內某幾個地方係賞日落既一流位置,有時間可以係度影兩張再前行~

 

鯉魚門海鮮村

鯉魚門海鮮村

 

穿過海鮮村,終於到達我此行的目的地鯉魚門燈塔啦!

亂石海灘雖比不上西貢的乾淨清,然此地卻能直視維多利亞港的壯麗日落

香港能看浪漫日落的地方不少,但這不用長途拔涉,搭車又搭船,就能靜坐沙灘寫意欣維港日落!
就像死氣沉沉的沙漠裡突然出現綠州,城市與郊外互相融合

真係講左好多次都要講句 --------- 香港真係好靚!

 

鯉魚門燈塔日落

鯉魚門燈塔日落

鯉魚門燈塔日落

鯉魚門燈塔日落

 

靚係好靚,但邊有咁好死呀~

黑仔如我,一去到石灘影左2分鐘個太陽就消失左了……..

aar…………你比我開心多一陣得唔得…….

所以剩下既相都係天黑黑欲落雨……..無計啦……..

 

鯉魚門燈塔日落
影完呢張之後..............

鯉魚門燈塔日落
喂咁就無左啦?????


鯉魚門燈塔海灘

鯉魚門燈塔海灘

鯉魚門燈塔海灘

鯉魚門燈塔海灘

鯉魚門燈塔海灘

  

襯仲有日照,可以沿球場穿過馬環村到盡頭的天后廟拜拜~

不過對釣友及攝友嚟講,村外的防波堤似乎更吸引呢~

 

馬環村

馬環村

鯉魚門天后廟

馬環村防波堤

馬環村防波堤

馬環村防波堤

馬環村防波堤

馬環村防波堤

馬環村防波堤

馬環村防波堤

 

天黑後行返燈塔,影多兩張維港夜景後,今日行程正式完結!

 

鯉魚門維港夜景

鯉魚門維港夜景

鯉魚門維港夜景

 

總結行程,簡單講就係由觀塘沿茶果嶺道行到油塘、鯉魚門睇日落~

全程慢行+影相打卡都只係用左2小時,非常輕鬆~

更特的係雖一直在城市之中,卻有到了郊外暢遊的感覺~

若想行多d行哂成個觀塘海濱公園先出發,不果邊放假時多人到行年宵咁,唔match我今次人少清靜既主題了~

 

 

補充少少既係我出行當天係星日,茶果嶺道我沿途遇見唔夠廿個人,鯉魚門燈塔亦無西貢人潮咁誇張~

不過又係果句 ------ 而家講左出嚟,幾少人都係成村人,妳見而家西貢d隱世海灘變左銅鑼灣就知啦………..

亦有friend同我講三門仔比我攪到多左10倍人……….

Hey無事ge~ 我個blog邊有咁多人睇呀~

 

++++++++++++++++++++++++++++++++++++++++

  • 相關篇章 : 《大埔三門仔,零難度的全海景輕遠足【香港郊遊6】》

 https://garcia-in-germany.blogspot.com/2020/03/6.html

 

++++++++++++++++++++++++++++++++++++++++

 




IG果邊間中會有d和Blog及fb page不一樣的相片和story,大家有興趣既去follow下支持下啦~









=====================================


我既Youtube Channel正式開通啦!!!!


新影片已upload,快d Click入 「鋒加西亞 / 旅人瘋語」Subscribe 睇片再禁個like啦!~






=================================



  • Email : funggarcia@gmail.com





文章同時刊於以下平台,請各位多多支持呀!!!!!!!!!!!!!












沒有留言:

發佈留言