測試1

2021年1月4日星期一

己連拿利︱港島攝影秘景,宛如荒涼未來的異世界【發掘香港3】

己連拿利︱港島攝影秘景,宛如荒涼未來的異世界

 

某日見到美女網友張相pre-wedding非常有趣~

有趣不在於俊男美女,而是拍攝地點前所未見 --------- 像是一條森林裡的空中隧道,同時帶著荒涼感與未來感


 

pre - wedding
特別鳴謝A小姐提供照片,祝妳同老公新婚快樂呢~

 

泰國? 印尼? 馬來西亞? 

但當時已經疫情左半年,按道理應該去唔到外國ga,於是忍唔住問下佢呢個係咩地方

佢比左我一個稀奇古怪的香港地名 ------- 「己連拿利」

 

己連拿利

 

呢個名我寫包單10個香港人有9個都未聽過!

己連拿利? 我連拉雲拿利同史高拉利都唔熟呀!

Google下,先知道己連拿利Glenealy原來係中環半山區動植物公園旁的一條小徑

根據維基王所講 :

己連拿利(英語:Glenealy)同時是香港的街道和地方,地名全名為己連拿利谷(英語:Glenealy Ravine),前名為忌連拿利,但因忌有「忌諱」的意思,1970年左右改為己連拿利,是香港僅有同時沒有中文及英文後綴的道路。

wa睇完之後真係覺得自己好唔熟香港呀!!!

好啦難得聖誕假無得出國,一於發掘下呢個香港鬧市中的隱世攝影位啦~

 

  • wiki link

https://zh.wikipedia.org/wiki/%E5%B7%B1%E9%80%A3%E6%8B%BF%E5%88%A9

 


文章概要:

  1. 前往方法
  2. 聖母無原罪主教座堂
  3. 己連拿利小徑
  4. 己連拿利天橋
  5. 己連拿利夜景
  6. 聖母無原罪主教座堂夜景


  • 前往方法

當然可以自己行上動植物公園啦~

不過懶鬼唔想行既我,就由中環坐扶手電梯,一直上呀上呀,過埋SOHO,到達堅道48號,再落返地面沿堅道向金鐘方向步行約7分鐘


堅道

到達動植物公園後轉右上斜 (見下圖),就已經係己連拿利了~

 

動植物公園

動植物公園



大迴旋處見到的係港島名校高主教書院

咁睇嚟呢間學校既學生應該對己連拿利好熟啦~

不過作為一個教師,我更加concern既係 -------- 間學校咁遠點返工呀??????

 

高主教書院


 

  • 香港聖母無原罪主教座堂

唔使咁急上己連拿利住~

坐落於高主教書院旁的「香港聖母無原罪主教座堂」,係有過百年歷史的香港一級歷史建築

唔知係咪太耐無去旅行,竟真係有一剎那令我覺得回到歐洲,估唔到香港竟有如此巨大而純白的哥德式大教堂,好感動呀哈利魯亞!!!!!! (我唔係教徒唔住半山,唔識佢好正常呀)

最重點係教堂前有一空地廣場,只要教堂無活動+小心車輛就可以點影相都得!

影完當去左歐洲啦~

 

聖母無原罪主教座堂

聖母無原罪主教座堂


  •  己連拿利小徑

落返迴旋處再上斜,轉個彎兩旁已突變為叢林的法則!

仲有一個神秘的引水道,睇落非常恐怖,絕對會有條洞口咁大既鰻魚標出嚟咬你!

我係咪打得Mario太多呢.......

 

己連拿利小徑

己連拿利小徑

己連拿利小徑

己連拿利小徑

己連拿利小徑

己連拿利小徑

己連拿利小徑

mario

 

更有趣的是從下而上看,半山區那錯綜複雜的高架道路,劃出了各種不規則的弧線圖案

如果係攝影高手,應該可以影到唔少「咁都得?」既有趣作品~

可惜我唔係,只能有此拋磚引玉引大家嚟啦~

 

己連拿利小徑

己連拿利小徑

己連拿利小徑

己連拿利小徑


 

  • 己連拿利天橋

離開小徑,沿路直上至羅便臣道~

羅便臣道


唔好理,再上幾及樓梯,就會到達今次的目的地------「己連拿利天橋」

呢度......真係香港??

 

己連拿利天橋

 

怪不得我朋友會揀呢度影pre-wedding啦!

實在難以相信在港島鬧市中,竟有這麼一處彷如未來世界般的荒涼景!

一條彷如電影場景中才會出現的空中闊道,緩緩彎曲向上,四周滿是高聳林木
明明頭上腳下都是車路,四周卻異常寧靜,簡直是原始森林與石屎森林的完美融合!

 

己連拿利天橋
較灰暗色調後更有末世感,係度見到北斗拳四郎都唔奇!

己連拿利天橋
影自己係少不免ga la~

己連拿利天橋

己連拿利天橋

己連拿利天橋
亮燈後更有feel~

己連拿利天橋
上圖係貼近原色,呢張大幅調低色彩,又係另一感覺~

己連拿利天橋

己連拿利天橋
Chok係少不免的~

己連拿利天橋



如果說這裡是科幻片場景,更不如直接話係「阿凡達森林中的機械人出入隧道」更貼切!

如果突然間有架高達係前方滑落嚟真係一d都唔奇!

而係男仔的話,更應該會幻想獅人鳳係呢度出擊啦!

 

阿凡達
阿凡達

gundam



(絕對無敵獅人鳳or雷神王,90年代著名動畫,由小學生駕駛的機械人是由學校變形而成~ 但我睇返都唔覺邊忽同己連拿利相似........唉是鬼但啦~ 當借d ee分享下童年回憶~)

 

 

而呢條神秘道路真係非常神秘,幾乎鬼影都無隻!

我係呢度又set腳架又擺Post大龍鳳近兩個鐘,成套歡樂滿東華做哂,行過的生命體唔超過廿個!

這條路基本上只有遠足落山人士、住半山的富豪外籍人士,及狗隻與它的外傭人士才會使用

咁呢篇文出左街後,會唔會又好似「三門仔」「鹿頸谷埔」咁多左成條美孚新村既人去遊覽呢?

hey無事ge..........我邊有咁大影響力呢........無事ge無事ge..........

 

己連拿利天橋

己連拿利天橋

++++++++++++++++++++++++++++++++

延伸閱讀 : 

【香港郊遊6】大埔三門仔,零難度的全海景輕遠足


【香港郊遊9】粉嶺鹿頸至谷埔︱夕陽下的隱世蘆葦田

 ++++++++++++++++++++++++++++++++


  • 己連拿利夜景

入夜時分的己連拿利又是另一個感覺~
昏黃的街燈下,既有點暗沉,又帶著浪漫

如果帶追緊既女仔嚟同佢影返幾張靚相比佢po IG,無可能唔得米啦!

當然首要你識影相啦,呢個技能真係好重要ga..........

 

己連拿利夜景

己連拿利夜景

己連拿利夜景

己連拿利夜景


 

離開前,可以沿樓梯上返干德道~

第一棟大廈的停車場可以從高處影到這裡複雜的道路架構,都算唔錯呀~

 

己連拿利夜景

己連拿利夜景

己連拿利夜景


 

  • 聖母無原罪主教座堂夜景

走果陣可以原路返落聖母無原罪主教座堂,夜景仲似歐洲呀........

 

聖母無原罪主教座堂夜景

聖母無原罪主教座堂夜景

聖母無原罪主教座堂夜景

++++++++++++++++++++++++++++++++

延伸閱讀 : 

格魯吉亞背包行Day1 - 夜遊第比利斯


漫遊保加利亞2 - 索菲亞行下hea下行程一覽

 ++++++++++++++++++++++++++++++++


 

如果大家覺得仲未夠喉ge,可以去埋旁邊的動植物公園同落一條路就到既大館暢遊tim~

不過呢d common野唔使講大家都識做啦~

 

大館


最後例牌補充少少~

  1. 己連拿利最大好處係唔使理會天氣,一樣都可以影得非常有特色! 最岩天陰落雨時唔知去邊拍拖既情侶~
  2. 附近最近既洗手間都要落返堅道,記得釋放好自己先出發呀
  3. 當日所見既毛孩幾乎隻隻都定春咁大,怕狗人士要注意呀~

 

定春
以防大家唔識,佢就係定春~ Cute到爆~

好今次講到呢度~下次又有咩香港古怪地點同大家一齊發掘下呢?

我都唔知呀!!

  

 ===========================


請大家Follow我Instagram啦~





=====================================


我既Youtube Channel正式開通啦!!!!


新影片已upload,快d Click入 「鋒加西亞 / 旅人瘋語」Subscribe 睇片再禁個like啦!~






=================================

相關篇章 :

  • 香港郊遊

004 - 赤徑與鹹田灣,宛如沙巴的美麗海灣

005 - 沙田行去慈雲山,原來超級簡單

006 - 大埔三門仔,零難度的全海景輕遠足

007 - 西貢大灘郊遊徑,長者行山無問題

008 - 飛鵝山芒草之行

009 - 粉嶺鹿頸至谷埔︱夕陽下的隱世蘆葦田


  • 發掘香港

1 - 香港Staycation首選,皇家太平洋酒店住後心得

2 - 城市步行︱鯉魚門的絕美日落


================================


  • Email : funggarcia@gmail.com





文章同時刊於以下平台,請各位多多支持呀!!!!!!!!!!!!!












 

 

 


沒有留言:

發佈留言